Nani katana lalu i pesuwunda to Isaraeli hangko i tampo Masiri
114
1 I pesuwunda to Isaraeli hangko i tampo Masiri,pemuleanahe Yako mopalehi tampo rare.
2 Yehuda mewali paidaana Pue au malelaha,
Isaraeli Napopewali poparentaaNa.
3 Anti kalanganda moita Pue, tahi Gelaga mogaa;
owai Yarade mengkaroo moili.
4 Hinangka bulu melumpa-lumpa langa nodo dimba laki,
hai tongku-tongkuna mesende-sende nodo ana dimba.
5 Ee tahi, moapari hai melangkako?
Ee owai Yarade, moapari mengkarooko moili?
6 Ee hinangka bulu, moapari hai melumpa-lumpakau nodo ana dimba laki?
Ee tongku-tongkuna, moapari hai mesende-sendekau nodo ana dimba?
7 Ee tampo, moradamoko i lindona Pue,
i lindona Pue Ala au napenombai Yako,
8 au mobaliki bulu watu mewali wuhu,
hai watu au matua mewali pentumbua owai!