Peharunga i lalu pantodiha
126
1 Idemi nani polumaonda tauna lao i Yerusale.
I tempona Pue mopakaroa hule Siona,
nodo pea tapangipia.
2 I tempo iti, humenta buke hai pengele-ngele
dilanta handa hai katana-tana;
tauna au bara mepoinalai i Pue mololitahe, rauli,
“Pue mobabehimi bago au mahile ntepuu irihira.”
3 Tou mpuu Pue mobabehimi bago au mahile ntepuu irikita,
ido hai matana-tanake.
4 O Pue pakaroa hule wongkamia tuwongki,
nodo mampopoili hule owai i tampo Negeb au bangi.
5 Tauna au mohawu i lalu poteria
ina mopupuhe wuana i lalu katana-tana.
6 Tauna au mampoeno owai matana
lao mohawu tinuda
batena mesule i lalu katana-tana
moanti wuana.