Petoia i Pue Ala anti kamaroaNa
127
1 Idemi nanina Salomo au raponani i polumaonda tauna lao i Yerusale.
Ane bara Pue au moaro sou,
mbero-mbero au ratawaka tauna;
ane bara Pue au mokampai wanua,
mbero-mbero pea topekampai.
2 Mbero-mbero pea pearomi madondo-dondo
hai mobagokau hawe laembengi mohaoki paandemi,
lawi Pue mopasilolonga pea i tauna au Napokaahi
nauri tangandato leta.
3 Anantahe iami sosora hangko i Pue
hai ihira iti iami pewati hangko Iria.
4 Nodo mata pana i taienda tokeate,
nodomi ana tobalilo au talambi
i tempota mani mangura.
5 Morasimi tauna au mampoampu
ngkaia mata pana au nodo;
ia bara ina maea i tempona
molindo iwalina i babaka boea.