Pewatina Pue i tambi-tambina
128
1 Idemi nani polumaonda tauna lao i Yerusale.
Morasimi tauna au mengkoru i Pue
au tuwo moula rara au natudungia Pue.
2 Ina moandekau siwuniami;
ina morasikau hai maroa tuwomi.
3 Nodo hampoa anggoro au marudu,
towawinemi ina moanahe bosa;
anami iti nodohe tumbe saitun mantoleli mejami.
4 Nodomi karawatinda
tobalilo au mengkoru i Pue.
5 Kuharunga Pue mowatikau hangko i Sion
bona moitakau kamaroana Yerusale liami mani tuwo.
6 Kuharunga Pue mowatikau
bona moitakau pemuleanda anami!
Roa ngkatuwo i to Isaraeli!