Poteria i wiwi-wiwi owai Babeli
137
1 I wiwi-wiwi owai Babeli, mohudamoke moteria,ane mokatuinaoke Sion.
2 I paidaa iti, tahoda pearaihe kecapinta
i kau gandarusa
3 lawi indo, ratuduke tauna au motawanike bona monani;
rapari-parike tauna au mepopeahi-ahi, rauli,
“Niponaniangkai nani katana hangko i Sion.”
4 Noumbami kapeisanta monani
motoia Pue i karatawanianta?
5 O Yerusale, ane naliuko inaongku,
palikangaamide karawengku bara peisa mokawi kecapi.
6 O Yerusale, ane barapoko kukatuinao hai kupokatana,
pogiangaamide dilangku bara peisa monani.
7 O Pue, Nukatuinao babehianda to Edom
i karagerona Yerusale; mololitahe, rauli,
“Gero-gero peamide Yerusale
hawe-hawe i pohudaana.”
8 Ee to Babeli, ina ragerokau;
morasimi tauna au mohurungi hinangka babehiami au kadake irikami.
9 Morasimi tauna au moala analeimi
hai narusuka i watu!