Nani katana lalu
Nanina Daudi
138
1 O Pue, moorena wamba petoia Irio hangko i kabulana lalungku;i lindonda anitu ina mamponanina nani katana lalu Irio.
2 Anti kamaahiMu hai kamaduduMu
ina menombana molindo souMu au malelaha
hai ina motoiana hangaMu,
lawi hangaMu hai dandiMu Nupopewali
melumbu hangko i hinangkana.
3 I alo peraroangku, Nuhanaina;
Nuweina roho i lalu tuwongku.
4 O Pue, ope-ope datu i dunia
ina mopahawehe katana lalu Irio,
lawi mohadimohe dandi au Nuhowarami.
5 Ina mamponanihe kana i hinangka rarana Pue,
lawi peawana Pue mahile.
6 Pue makuasa;
nauri nodo, tauna au meahi-ahi ina Naoreki tuwonda,
agaiana tauna au mampemahile Nanawohe.
7 Ane narumpana pari,
tuwongku Nukampai liliu;
i karabungkaku iwali Nuperuruina;
hai anti kamakuasaMu Nuhoremana.
8 Pue ina mopabukei dandiNa iriko;
O Pue, tetida ahiMu au bara mokahopoa;
inee wongkamia Nupalehi tauna au Nuterumongkai.