Pekakae hadua tauna au rawuwulai
142
1 Idemi nani pepaturona Daudi hai pekakaena i tempona maida i lalu lia
2 Meraroana masisimbuku i Pue,
merapi tulungina maoni-oni i Pue.
3 Mobumbuhana peraroangku i lindoNa;
hinangka paringku kupopaisa Iria.
4 O Pue, i tempoku malede,
Oio pea au mangisa rarangku.
I rara au kupelempoi,
rapotangaa ngkabunina hea.
5 Membalilina ntanda i koana
hai kuita bara huba hadua au mohailena;
pengkatuwoangku matantami,
barapi huba hadua au mohaokina.
6 O Pue, merararoana Irio,
kuuli, “Oiomi peongaangku
hai kirangku i tamponda tauna au tuwo.”
7 Haile peraroangku, lawi malede gagamona;
kabahana hangko i tauna au mewulai
lawi melumbu rohonda hangko iriko.
8 Popesuwuna hangko i kapari,
bona motoiana hangaMu.
Ina ratolelikina tauna au manoto
lawi mobabehimoKo au maroa iriko.