36
Esau nea Upu
1 Areini mo, Esau nea upu. Esau iae sio oaoiki tau Edom oi. 2 Esau inana ne pinau tonu arihoni otoe Kanaan. Sio reimo, ia isa nanai Ada. Ada amai tau Elon. Elon ne ipane Het. Sahai isa honu nanai Oholibama. Amai tau Ana. Momoi tau Zibeon. Ia ne ipane Hewi. 3 Ita sahai isa nanai Basmat. Amai tau Ismael. Hotai tau Hebayot. 4 Ada isusu Elifas. Basmat isusu Rehuel. 5 Oholibama isusu Yeus, Yaelam runa Korah. Sio ikina rei pusiso oamrai mai Kanaan.
6 Taue isa Esau ihitio ieu iarihoni Yakub ieui sui otoe tamene. Ieu ikata ne pina hehuka runa sio wasoni orueso mai ne numa rei pusiso. Ieu ikatu-katu ne makapanau pusire. Irori ne apia pusire waroni isupure mai Kanaan rei. 7 Esau ieu iarihoni Yakub tau no makapanau no pina hehuka panesi. No makapanau panesi reiso muaina ralaiso tewa nea. 8 Reiso Esau iruei ria pupua ria otoe Seir.
9 Areini mo Esau ne hehuka, nea momou, nea upu nanao. Esau mo, ia numa upue tau sio Edom. Sio Edom wasoni orueso ria pupua ria otoe Seir.
10-13 Esau sahai Ada isusu anai hanaie Elifas.
Elifas isusu: Teman, Omar, Zefo, Gaetam, runa Kenas.
Elifas sahai isa honu. Ne oaiseneso tewa. Nanai Timna. Timna isusu Amalek.
Esau sahai Basmat isusu anai hanaie Rehuel.
Rehuel isusu: Nahat, Zerah, Syama, runa Miza.
14 Esau sahai Oholibama waini amai tau Ana, momoi tau Zibeon isusu ne hehuka hanaia: Yeusy, Yaelam, runa Korah.
15 Sio numa upua arihoni Esau wasoni:
Esau anai manaonete, Elifas, ne hehuka wasoni sio numa upua tau ipana reini: Teman, Omar, Zefo, Kenas, 16 Korah, Gaetam, runa Amalek. Sio noa momou tau Esau runa Ada.
17 Esau anai hanaie, Reuel, ne hehuka wasoni sio numa upua tau ipana reini: Nahat, Zerah, Syama, runa Miza. Sio noa momou tau Esau runa Basmat.
18 Ipana rerihoni Esau runa sahai, Oholibama waini amai tau Ana wasoni: Yeus, Yaelam, runa Korah.
19 Sio wasoni numa upua tau ipana waroni Esau nea momou.
Seir nea Upu
20-21 Esau ihitio ieu ria otoe Seir. Seir nea hehuka wasoni orue tanui nea. Seir nea upu tau Hori. Seir nea hehuka wasoni numa upua tau ipana reini: Lotan, Syobal, Zibeon, Ana, Disyon, Ezer, runa Disyan.
22 Lotan ne hehuka tau:
Hori runa Heman. Lotan hotai tau Timna.
23 Syobal ne hehuka tau:
Alwan, Manahat, Ebal, Syefo, runa Onam.
24 Zibeon ne hehuka tau:
Aya runa Ana. Ana sahoro isupu wae pusate nau oto huie. Waini isaka amai ne keledaiu nau rei, oyo isupui. (Keledai nooi sani naitanane ne ikine.)
25 Ana ne hehuka tau:
Disyon runa anai pina Oholibama.
26 Disyon ne hehuka tau:
Hemdan, Esyban, Yitran, runa Keran.
27 Ezer ne hehuka tau:
Bilhan, Zaawan, runa Akan.
28 Disyan ne hehuka tau:
Us runa Aran.
29 Sio numa upua tau sio Hori wasoni:
Sio Aiau ria Otoe Edom
31 Sio aiau orime otoe Edom on ia aia isa irime sio Israel tewasi.
32 Sio ohiti Bela na irime kota Dinhaba. Bela amai tau Beor.
33 Bela imatai oyo sio ohiti Yobab na ikatiki. Yobab amai tau Zerah. Ia arihoni nia Bozra.
34 Yobab imatai ita ohiti Husyam na ikatiki. Husyam arihoni otoe Teman.
35 Husyam imatai ita ohiti Hadad na ikatiki. Hadad amai tau Bedad. Ia sahoro iahita runa sio Midian ria Moab. Oahita, ia sahoro ne untu. Ne kota wani Awit.
36 Ita imatai reiso ohiti Samla na ikatiki. Ia rerihoni nia Masreka.
37 Ita imatai sio ohiti Saul na ikatiki. Ia rerihoni nia Rehobot wani haineke waene nusue.
38 Ita Saul imatai ohiti Baal-Hanan na ikatiki. Amai tau Akhbor.
39 Ita Baal-Hanan imatai oyo ohiti Hadar na ikatiki. Ia arihoni kota Pahu. Sahai nanai Mehetabeel. Mehetabeel amai tau Matred, inai tau Mezahab.
40-43 Reiso Esau nea upu tau:
Timna, Alwa, Yetet, Oholibama, Ela, Pinon, Kenas, Teman, Mibzar, Magdiel, runa Iram. Sio wasoni numa upua tau ipana ria Edom. No ipana rai ohete nanaya tau otoa waroni orue tanure rei.