¹ Si Melkizedek hay harì ng Salem kag parì ng Pinakamataas nga Dios. Mintras nagapaulì na si Abraham halin sa pakipag-away sa mga harì nga iya gingpangpatay, gingsugat siya ni Melkizedek kag gingpakamaayo siya. ² Pagkatapos gingtaw-an si Melkizedek ni Abraham ng ikanapuyò ng tanan nga butang nga iya nabuoy sa inaway. Una, ang gusto hambayon ng pangayan nga Melkizedek hay ‘Harì ng Pagkamatarong.’ Kag pangaduha, tungod harì siya ng Salem,^a ang gusto ini silingon siya hay ‘Harì ng Katawhayan.’ ³ Wayà gid ning nakasulat sa kasulatan kung sin-o ang iya tatay kag nanay o ang iya mga kalulo-lulohan. Kag wayà da ning nakasulat sa kasulatan parti sa pag-ongà sa iya o pagkamatay niya. Pareho siya sa Ongà ng Dios; ang iya pagkaparì hay permi gihapon nagapadayon.

⁴ Hunàhunaa nindo kung mauno ka importante si Melkizedek. Kay abir nganì si Abraham nga imaw ang una nga tatay ng aton nasyon hay nagtao kay Melkizedek ning ikanapuyò ng pinakamaayo nga parte ng tanan nga iya nabuoy sa inaway. ⁵ Kung parti sa mga parì nga halin sa inapo ni Levi, sunò sa Kasuguan nga gingbilin sa inda ni Moises, ang ikanapuyò nga parte ng tanan nga produkto ng inda kasimanwa hay ginakolekta. Abir matuod nga sinda tanan hay pareho nga halin sa inapo ni Abraham. ⁶ Pero si Melkizedek, abir bukon siya inapo ni Levi, gingtaw-an ni Abraham ng iya ikanapuyò. Kag si Melkizedek pa ang nagpakamaayo kay Abraham, abir pa nga si Abraham hay imaw ang gingpangakuan ng Dios. ⁷ Kag nasayuran ng tanan nga ang nagpakamaayo hay mas mataas kaysa sa ginapakamaayo. ⁸ Kag kung parti naman sa mga parì nga halin sa inapo ni Levi nga nagabaton ng ikanapuyò, mga tawo lang da sinda nga may kamatayon. Pero nagapamatuod ang Kasulatan nga si Melkizedek nga gingtaw-an ni Abraham ng iya ikanapuyò hay permi buhì. ⁹ Nganì makasiling kita nga abir si Levi, nga ang iya mga inapo imaw ang nagabaton ng ikanapuyò, nagtao da ng iya ikanapuyò kay Melkizedek paagi kay Abraham; ¹⁰ kay makasiling kita nga si Levi yadto sa lawas ni Abraham nang pagtao ni Abraham ng iya ikanapuyò kay Melkizedek.

¹¹ Niyan, nasayuran ta nga nang pagtao ng Dios ng Kasuguan sa iya katawuhan, may koneksyon diri ang pagkaparì sa inapo ni Levi. Kung puydi nga maging matarong ang mga tawo paagi sa ginahuman ng mga parì, indì na kuntà kahinangyan ang iban pa nga klasi nga parì pareho ng pagkaparì ni Melkizedek, nga iba kaysa sa klasi ni Aaron. ¹² Kung ging-ilisan ang pagkaparì, kahinangyan ilisan da ang Kasuguan. ¹³ Ang ginatukoy nga iban pa nga klasi nga parì hay imaw ang aton Ginoong Hesus. Nasayuran naton nga bukon siya halin sa inapo ni Levi kundì sa iban nga inapo nga wayà parì nga naghalin. ¹⁴ Kag Hesus gid hay halin sa inapo ni Juda nga naging parì. Pero nang naghambay si Moises parti sa tribo ni Juda, wayà gid niya gingmitlang ang parti sa pagkaparì.

¹⁵ Niyan labi pa gid nga naging klaro nang nagkaigwa ning iban nga parì pareho ni Melkizedek. ¹⁶ Naging parì siya bukon tungod sa layi ng tawo nga sunò sa Kasuguan, kundì sa gahom ng kabuhì nga indì masirà. ¹⁷ Kay nakasulat sa Kasulatan parti sa iya,

²⁰ Kag isa pa, nang gingbutang ng Dios si Hesus nga maging parì, nagpanumpà gid siya. Wayà gid ang Dios nagpanumpà, nang gingbutang niya ang mga inapo ni Levi nga maging mga parì, ²¹ pero ginghuman lang gid ini ng Dios nga may pagpanumpà para kay Hesus. Kay may nakasulat sa Kasulatan nga nagahambay parti sa iya,

²³ Nang una, madamò ang mga parì kay kung mamatay ang isa, mailis naman ang isa agud makapadayon ang inda pagserbisyo bilang mga parì. ²⁴ Pero si Hesus nga wayà ning kamatayon, imaw inà nga ang iya pagserbisyo bilang parì hay wayà ginasaylo sa iban. ²⁵ Nganì puydi niya maluwas hasta sa wayà katapusan ang tanan nga tawo nga magpalapit sa Dios paagi sa iya. Kay buhì siya abir san-o para magpakitluoy sa Dios para sa inda.

²⁶ Si Hesus imaw gid ang pinakapunò ng mga parì nga aton kahinangyan. Siya hay banal, wayà gid siya naghuman ning malain, kag wayà gid ning salà sa iya kabuhì. Gingbuyag siya sa mga tawo nga makasasalà kag gingdaya sa ibabaw ng kalangitan kag yadto na siya sa ginaistaran ng Dios. ²⁷ Bukon siya pareho ng iban nga mga pinakapunò ng mga parì nga kahinangyan maghalad adlaw-adlaw, una para sa inda sarili nga salà, pagkatapos para sa mga salà ng mga tawo. Pero si Hesus, kaisa lang gid naghalad. Ginghalad niya ang iya sarili didto sa krus kag wayà na niya gingliwat-liwata pa. ²⁸ Ang mga tawo nga gingbutang bilang mga pinakapunò ng mga parì sunò sa Kasuguan ni Moises hay mga tawo lang da nga may kaluyahon. Pero pagkatapos nga maitao ang Kasuguan, gingpilì ng Dios ang iya Ongà paagi sa pagpanumpà, kag ginghuman niya siya nga kuwalipikado bilang pinakapunò ng mga parì nga magapadayon hasta san-o.