Ini nga sulat hay ginatawag da nga ‘Ang Pangtuyo nga Sulat ni Juan’. Pareho sa pangaduha nga sulat ni Juan, ang gingsulat diri parti sa iya sarili hay ‘ang maguyang’ nga ang gusto hambayon may edad na nga miyugdumaya kag ginatahod sa Iglesya.

Gingsulat niya ini sa iya ginahigugmà nga si Gayo. Gingdayaw niya si Gayo tungod sa iya pagbaton kag pagbulig sa mga miyugserbisyo ni Hesu-Kristo nga halin pa sa iba nga mga lugar. Kag gingpaandaman da ng nagsulat nga indì niya patuyaran ang malain nga batasan ni Diotrepis, pero ging-abi-abi niya si Demetrio kay maayo ang pamatuod ng tanan sa iya.