Wayà masayuri kung sin-o ang nagsulat ini nga libro, kay ang gingsulat diri parti sa iya sarili hay ‘ang maguyang’, pero sunò sa ginapatihan ng mga nagatuo nang una nga tiyempo hasta sa niyan si Juan nga ongà ni Zebedeo, isa nga Apostol ni Hesus ang nagsulat ini.

Niyan ini nga sulat hay ginatawag nga ‘Ang Pangaduha nga Sulat ni Juan’. Gingsulat ini para sa ‘gingpilì nga Ginang kag sa iya mga ongà’. Sunò sa pagpati ng kadamuan, naggamit si Juan ning sekrito nga hambay nga gingpangayan niya sa iglesya kag sa mga miyembro. Ginggamit niya ini kay nang adto nga tiyempo, ang mga nagatuo hay nakakaagi ning subra nga mga pagpasakit tungod sa inda pagtuo.

Ining matag-od nga sulat hay para ipadumdom sa inda ang sugò nga maghigugmaanan sa isa kag isa kag paandaman sinda nga indì pagbatunon ang mga miyugpangluko nga nagatudlò ning salà.