1 Huli ni zwi lya likhondɨɨye alyɨtɨshe huje, “Ʉmuntu ya hwanza ɨmbombo ɨya bhe mwenyeelezi wɨ shibhanza, mwenyeelezi wɨ shibhanza Ʉnʉ agabha nʼgoosi wɨ shibhanza awe agabha mwenyeelezi wa bhagoosi abhanjɨ abhɨ shibhanza. ahwanza mbombo nyinza.” 2 Hwa huje ʉya hwanza abhe mwenyeelezi wɨ shibhanza, bhagandi ahuyanje ɨmbiibhi nazimo. Abhanje nʉ nʼshɨ weeka, agandi asʉngwe abhashɨ abhanjɨ. Abhanje muntu wa hwijela, nʉʉla wa li nʉ tengamazu nɨ nshɨnshɨ. Abhanje muntu wɨ mpyana hwa bhajenu, nantele abhanje amɨɨnye amanyizye. 3 Agandi abhe mwezi, awe ya khoma bhantu, awe wa li ni bho, lyoli abhanje muntu nʼteehamu. Nantele, agandi abhe nʼkʉnda mpɨɨya. 4 Asʉngaje ɨnyumba yaakwe shinza, abhaana bhaakwe bhabhanje bha bhatiniha nɨ nshɨnshɨ lwonti. 5 Nkashele ʉmuntu apotiilwe asʉnje ɨnyumba yaakwe, agasʉnga bhʉlɨ bhʉlɨ ɨshibhanza sha Ngʉlʉbhɨ? 6 Nantele, agandi abhe muntu wa fyʉlɨɨlwe igolo lwene. Pɨpo huli na habhaazyo haala agahwibaada, agwɨle mu mbiibhi, alongwe nanshi ʉSeetano wope sha halongwilwe. 7 Abhanje muntu ʉla abhantu bha saga Bhakilisiti bhahuyanga shinza, nka bhasahalyaje nka limo ɨlya hunʼdwejele. Ɨpo ʉSeetano asiitolwe hunʼkhate mu lwonzo lwakwe.

8 Shɨɨsho na bha mubhasalula huje, bhabhe bhaavwi mu shibhanza, abhaavwi mu shibhanza Hwa huje bhasheemasi. bhakhondɨɨye huje, bhabhe bhantu bhɨ nshɨnshɨ hwa bhantu. Bhagandi abhe bhagulugulu, awe bhamwezi, awe bhakʉnda mpɨɨya. 9 Bhabhanje bhantu bha bhakhata izwi ɨlyɨ lwɨtɨho luula, ʉNgʉlʉbhɨ ahabhɨɨshɨle pa pazelu hwaliitɨ, bhayeetaje abhombe ɨmbiibhi. 10 Lwa musɨɨle abhabhɨɨshe, bhope bhakhondɨɨye huje, mubhalɨngaje nasʉʉti. Nkashele ɨbhoneha huje, abhantu saga bhadwega ɨnongwa ɨmbiibhi nazimo, ɨpo mubhabhɨɨhaje mu mbombo ɨyo ɨya hwavwe. 11 Abhashɨ bha bhaavwi, Hu Shiyunaani huje, abhashɨ awe abhashɨ bha bhantu lizwi limo. Pamo hwa huje abhashɨ bha bhaavwi awe abhaavwi bhɨ shishɨ. bhope bhakhondɨɨye huje, abhantu bhabhanje nɨ nshɨnshɨ hwa bheene. Bhagandi abhe abhashɨ bha bhali ni lomu, leelo bhahwijelaje. Bhabhanje bhasundwe huli zyonti. 12 Ʉmwavwi wowonti ʉwɨ shibhanza abhanje nʉ nʼshɨ weeka, agandi asʉngwe abhashɨ abhanjɨ, nantele asʉngaje abhaana bhaakwe shinza, peeka na bhanjɨ bhonti abha mu nyumba yaakwe. 13 Bhonti bha bhabhombile shinza ɨmbombo ɨyɨ waavwi, bhahaibha nɨ nshɨnshɨ afume hwa bhooziwa abhamwabho, saga bhahaisaaga ayanje zya bhazyɨtɨha hwa Yeesu Kilisiti.

14 Anɨ ɨhusimbila amazwi ɨga ngamba ɨsʉʉbhɨla huje, ɨhaiyɨnza lubhilo ʉhwo. 15 Nkashele nakhaabha, ɨhwanza huje, ʉmanye haani zyonti zya zikhondɨɨye hwa bhantu bha Ngʉlʉbhɨ, ɨbho bha bhali shibhanza sha Ngʉlʉbhɨ ʉmwʉmi. Bhaa bhali lwalo lwɨ lyoli, nantele litaazu lyɨ lyoli. 16 Lyoli, ziila ʉNgʉlʉbhɨ atilanjile zya ziswijizya, zya zyɨzi: