1 Ʉgandi hunʼkhajile ʉnʼume wa li gogolo, leelo ʉnʼsundaje nanshi ʉyise waaho. Abhalume abhasahaala bhope, ʉbhasundaje nanshi abhaholo bhɨ shilume. 2 Abhashɨ abhagogolo, ʉyangaje nabho shenye bhaanyina bhaaho. Abhalɨndu bhope, ʉbhasundaje hu mwoyo ʉnʼsangalusu, shenye bhayilʉmbʉ bhaaho.

3 Abhafwɨle bha saga bhali na bha hubhaavwe, ɨbho bha mubhavwaje. 4 Leelo, nkashele mʼfwɨle ali na bhaana, awe abhasyʉkʉlʉ, ɨbho bhamanyilaje abhaavwe abhafwɨle abha mu nyumba yaabho nasʉʉti. Ɨsho sha bhahabhanje nanshi bhagalusya ziila abhapaafi bhaabho bhahabhabhombɨɨye. Ɨsho sha shiila ʉNgʉlʉbhɨ agɨɨne. 5 Leelo, ʉmʼfwɨle wowonti wa saga ali na bha humwavwe, ʉmwene asʉbhɨɨye hwa Ngʉlʉbhɨ mwene, ahunʼaabha huje, amwavwaje pasanya na nʉsiku. 6 Leelo, ʉmʼfwɨle wa sʉngwa ɨzya mu nsi, ʉmwene abha afwiye ʉmwoyo, sha li mwʉmi shɨmʼbɨlɨ. 7 Ɨnsundo ɨzyo, ʉbhabhʉzyaje bha bhɨtɨɨshe huje, bhagandi abhe bhantu bha yangwe shibhiibhi. 8 Nkashele huli ʉmuntu wa saga abhaavwa abhaholo bhaakwe shɨ hwanziwa, haani abha pa khaaya yaakwe, ʉyo abha alukhaanile ʉlwɨtɨho lwakwe, nantele abha miibhi ashɨle abha panzɨ.

9 Ʉnʼshɨ ʉmʼfwɨle wa yiiye asimbwe mu shitaabu ɨsha bhafwɨle bha bhahwanziwa abhaavwe, abhe afisiizye amaaha amashʉmi nʼtanda, nantele ahegwilwe na khale nʉ nʼume waakwe ɨnsiku zyonti. 10 Abhanje amanyiishe huje, ahabhombaga ɨmbombo ɨnyinza, nanshi asʉnje abhaana bhaakwe shinza, ahwejeelele abhajenu, na bhaavwe abhantu bha Ngʉlʉbhɨ hu teehamu. abhaavwe abhantu bha Ngʉlʉbhɨ hu teehamu ƗShiyunaani shiyiga, ahwozye amanama ga bhantu bha Ngʉlʉbhɨ. Nantele, abhanje amanyiishe huje, ahabhavwaga bha bhali mu mayɨmba, na hwifumye hu mbombo ɨzyɨnjɨ zyonti ɨnyinza.

11 Leelo, abhafwɨle bha bhali bhalɨndu, ɨbho ʉgandi hubhasimbe mu shitaabu ɨsho. Pɨpo huli na habhaazyo ha bhagakhatwa nɨ nsʉngwo ɨzyɨ mabɨlɨ gaabho, bhahaiyanda asʉngwe haani ahwegwe nantele, ashɨle ahwifumye hwa Kilisiti. 12 Nkashele bhazileha zya bhahalapile huje, bhahaihwifumya na humʼombele ʉKilisiti na hwegwe nantele, bhahaihwiyeejela hu longwe. 13 Peeka nɨɨgo, bhahailobheelela abhale azyʉngʉʉle mu nyumba zya bhantu hu nongwa yɨ woolo. Saga sha shɨɨsho sheene lwonti, leelo bhahaiyangana shibhiibhi, humo bhatʉʉha mu zya saga zikhondɨɨye, na yanje zya saga nyinza. 14 Ɨzyo zya zimbɨɨha ayanje huje, abhafwɨle bha bhali bhalɨndu bhegwaje. Bhapaapaje abhaana, sha bhasʉnga ɨnyumba zyabho huje, bhasahɨnze humʼpeele ʉmʼiibhi weetu ʉmʼiibhi weetu Lumo hwa huje ʉSeetano. Ʉmwene abhabhombezya abhantu abhayanje shibhiibhi aBhakilisiti. idala ɨlya tiyanje shibhiibhi. 15 Ɨyanga ɨsho, pɨpo huli na bhafwɨle bhamo bha bhatejɨɨye mu zya Seetano.

16 Ʉnʼshɨ wowonti wa yɨtɨɨshe, nkashele ali na bhafwɨle mu nyumba yaakwe, akhondɨɨye abhaavwe huje, bhasahashimwamihaje ɨshibhanza. Nkashele akhonzya ɨsho, pa ɨshibhanza shibha hwashi abhaavwe abhafwɨle bha saga bhali na bha hubhaavwe.

17 Abhagoosi bha bhalongozya shinza ɨshibhanza, abha mu shibhanza bhakhondɨɨye huje, bhabhanje nɨ nshɨnshɨ hwa bheene na bhapeele ɨmposheelo habhɨlɨ hu mbombo yaabho. Bhabhombaje ɨsho, hahinji hwa bhaala bha bhahwifumya abhalʉmbɨɨlɨle abhantu izwi lya Ngʉlʉbhɨ, na hubhamanyizye, 18 pɨpo ɨsimbwilwe mu Nsimbo ɨMfinjile huje, “Ɨngʼombe lwɨ khanyanga ɨngano asonzoole ɨnsanga, ʉgandi abibe hwi lomu.”  Bhaazya ɨNyiizuho (Kumbukumbu la Torati) 25:4. Nantele, ɨsimbwilwe huje, “Ʉmʼomba mbombo akhondɨɨye huje, aposheelaje.”  Bhaazya Luuka 10:7.

19 Nkashele ʉnʼgoosi ʉwɨ shibhanza ayangwa shibhiibhi hu nongwa zimo, ʉsahɨtɨhaje sha bhasɨɨle asimishizye abhantu bhabhɨɨlɨ, awe bhataatu. 20 Abhagoosi bha bhabhomba ɨmbiibhi, ʉbhakhajilaje pa maaso ga bhantu bhonti aje, bha bhasagala, bhasaagaje azibhombe. 21 Ɨzyo ɨnsundo, ɨhusunda pa maaso ga Ngʉlʉbhɨ, na pa maaso ga Yeesu Kilisiti, na pa maaso ga bhantumi bhaakwe abhasalulwe huje, ʉgabhombele sinta humwɨmɨle weeka, nantele sinta abagulanye abhantu.

22 Ʉgandi akalakasye humɨɨshɨle ʉmuntu ɨnyoobhe huje, abhe nʼgoosi. Nkashele ʉmuntu ʉyo ali nɨ njendo ɨmbiibhi, nawe ʉbhala bhe ʉli peeka mu mbiibhi zyakwe. Ʉgandi ahwitʉʉsye mu mbiibhi, leelo ʉbhanje nʼgolosu. 23 Ahwande ɨshi, ʉgandi amwele ga mɨnzɨ geene, leelo ʉmwelaje nɨ divaayi ɨdivaayi Ɨjuyisi ya bhakhamɨɨte afume mu mantongooni gɨ zabiibu. hashe aje, ɨtilizyaje pa vyanda, pɨpo ʉbhinu wuhubhʉyɨɨla habhɨlɨ habhɨlɨ. Hwa Bhayahuudi ɨmandɨ ɨdivaayi yahali shimwelo, nantele nʼembo. 24 Ɨmbiibhi zya bhantu bhamo zili pa pazelu, nantele zibhoneha pa pazelu sha bhasɨɨle alongwe nɨ ndajizyo. Leelo, ɨmbiibhi zya bhantu bhamo zyʉbhɨle, pa zivunduha pamandɨ. 25 Ɨsho sha zili na hu mbombo ɨnyinza. Ɨnyinji zili pa pazelu, zimo zyʉbhɨle, leelo zyahaivunduliwa pa pazelu.