1 Ɨhulajizya pa maaso ga Ngʉlʉbhɨ, na pa maaso ga Yeesu Kilisiti, ʉyo ahaihubhalonga abhʉʉmi na bhafwe mu habhaazyo ha hwɨnze hwakwe huje, ayɨmɨɨlɨsye ʉwumwɨnɨ waakwe. 2 Ʉhwilɨnganyaaje alʉmbɨɨlɨle abhantu ɨNongwa ɨNyinza ɨzya Yeesu, hu habhaazyo ha hakhondɨɨye na haala ha saga hakhondɨɨye. Ʉkhajizyaje, ʉdamilaje hu nongwa ya teeje hwabho, nantele ʉbhakhamantanyaaje amooyo gaabho. Ɨgo gonti ʉgabhombaje hu jimbiilizu wonti, na hu manyizyo ɨnyinza.

3 Ɨhulajizya ɨsho, pɨpo ahabhaazyo hahwɨnza, ɨho abhantu saga bhahaiyɨɨtɨha atejeelezye ɨmanyizyo ɨzyɨ lyoli. Leelo, bhahaisʉngwa alondolezye ɨnsʉngwo zyabho, yɨ nongwa bhahaibhʉngaanya abhamanyizyi abhinji lwene huje, bhabhabhʉzyaje amazwi gaala bhasʉngwa ahwʉmvwe. 4 Bhahaileha atejeelezye amazwi agɨ lyoli, bhahaigalushila mu vilaale ɨvi lenga. 5 Leelo, awe ʉbhanje maaso huli zyonti. Mu habhaazyo aha mu mayɨmba, ʉjimbaje. Ʉlʉmbɨlɨlaje abhantu ɨNongwa ɨNyinza ɨzya Yeesu Kilisiti, ʉbhombaje zyonti ɨzyɨnjɨ zya zikhondɨɨye mu mbombo yaaho.

6 Nabhʉʉzya ɨzyo hu nongwa ya je, anɨ bhahwanza amfumye nanshi sha bhafumya ɨnsangu yɨ divaayi ɨnsangu ɨyɨ divaayi Ʉnʼsayi wa Ngʉlʉbhɨ lwa waamala abhoolanye ɨnsangu, ahitilaga ɨdivaayi pamwanya pa nyama. Bhaazya aFume (Kutoka) 29:38-41. hwa Ngʉlʉbhɨ, hwa huje ahabhaazyo haanɨ aha fwe hafishile. Bhaazya aBhafiliipi 2:17. 7 Ɨndwiye ʉlʉgʉ ʉwinza mu lwɨtɨho, amapalano gaanɨ aga shɨmbɨle mu sontwa ɨmalile, ʉlwɨtɨho ɨmbutile. 8 Ɨshi, ʉMwɨnɨ ambɨshɨɨye ɨshʉʉbhalo ɨsha mene ɨshɨ golosu. Ʉmwene, ʉNʼonzi wɨ lyoli, ahaimpeela ɨsho pi siku liila lya haibhalonga abhantu bhonti. Saga nɨɨnɨ nɨ mwene nɨ haiyambɨɨlɨla ɨshʉʉbhalo, leelo abhantu bhonti bha bhagʉʉlɨla hu maguli agalushe hwakwe, bhahaiyambɨɨlɨla bhope.

9 Tiimoti, ʉbagaje ahwɨnze nalinaali huliinɨ, 10 pɨpo ʉDeema ahandeshile hu nongwa ɨya huzigane ɨzya mu nsi, ahabhalile hwi booma ɨlya hu Tesaloniike. ɄKileesike ahabhalile hu Galatiya, nʉ Tiito ahabhalile hu Dalimatiya. 11 ɄLuuka mwene wa syalile peeka naanɨ ɨpa. Ʉmwanze ʉMaalʉko huje, ʉyɨnzaje nawo, pɨpo abhajiiye anaavwe mu mbombo yaanɨ. 12 Nahasonteleziizye ʉTikiiko hwi booma ɨlya hu Efeeso. 13 Lwʉ haiyɨnza, ʉhandetelaje ni golole liila lya nahalileshile hwa Kaalipo hwi booma ɨlya hu Tolowa. Ʉhandetelaje nɨ vitaabu viila, haani viila ɨvyɨ nkwembe.

14 ɄAlekizanda, ʉya syana shaaba, ahambombɨɨye shibhiibhi haani. ɄMwɨnɨ ahaihunʼsomba hu mbombo zyakwe. Bhaazya ɨNsalifyo (Zaburi) 62:12; ɨNjango (Mithali) 24:12. 15 Ʉbhe maaso nawo, pɨpo ahadindiziizye haani amazwi geetu.

16 Hu habhaazyo haala nahalambile mwi koloti ʉlwa hwande, saga ahalɨɨho ʉmuntu nʉʉmo ʉya hanavwizye, bhonti bhahandeshile. ɄNgʉlʉbhɨ abhasaajile hwɨzyo. 17 Leelo, hwope, ʉMwɨnɨ ahali peeka naanɨ. Ahampeela ikhone huje, ashɨlɨle hwaliinɨ ɨNongwa zyonti ɨNyinza zilʉmbɨlɨlwaje, abhantu bhonti bha saga Bhayahuudi bhʉmvwaje. Nanɨ nahafyʉlɨɨlwe mu makhono ga bha bhahantaakile, nanshi afyʉlwe mwi lomu lyɨ nsama. Bhaazya ɨNsalifyo (Zaburi) 22:21. 18 ɄMwɨnɨ ahaijendeelela amfyʉle mu mbiibhi zyonti zya bhasimbombele, na mfisye humwanya hu wumwɨnɨ waakwe hu tengaanu. Ʉmwamu apewaaje ʉmwene wiila na wiila! Zibhanje shɨɨsho!

19 Ʉndamushile ʉPulisiila nʉ Akila, na bhantu abha mu nyumba ɨya Onesifoolo. 20 ɄElaasito asyalile mwi booma ɨlya hu Kolinto. ɄTuloofimo nahaneshile, abhinile mwi booma ɨlya hu Mileeto. 21 Ʉbagaje ahwɨnze nalinaali, sha hasɨɨle ahwande ahabhaazyo ahi sasa. ɄEbulo, ʉPuude, ʉLiino, ʉKilawudiya, na bhaholo bheetu abhanjɨ bhonti mwa Yeesu bhahulamuha.

22 ɄMwɨnɨ abhanje peeka naawe. Ʉwiila ʉwa Ngʉlʉbhɨ wubhanje peeka naamwɨ mwenti.