4
ɄPeeteli nʉ Yoohani bhatwalwa mwi koloti lya Bhayahuudi
1 ɄPeeteli nʉ Yoohani lwa bhabhalʉmbɨɨlɨla abhantu bhaala, bhahɨnza abhasayi bha Ngʉlʉbhɨ,* abhasayi bha Ngʉlʉbhɨ Abhantu ɨbha bhahali bhalongozi bhɨ mbombo zyonti mu nyumba ɨmfinjile ɨya Ngʉlʉbhɨ. Bhaazya izwi Bhasayi bha Ngʉlʉbhɨ hu Ɨngalulanyo ɨzyɨ mazwi amajenu hu wandilo wɨ shitaabu ɨshi. ʉnʼongozi ʉnʼgoosi ʉwa bhakolokolooni abhɨ nyumba ɨmfinjile ɨya Ngʉlʉbhɨ na Bhasadukaayo,† Bhasadukaayo Shahali shipʉga ɨsha bhantu abha mu nsi ɨya hu Izilaeeli. Bhahakhajizyaga alondolezye ɨndajizyo zya Moose zya zyahali mu Nsimbo ɨMfinjile. Nantele, saga bhahɨtɨhaga aje, hulɨɨho azyʉshe hwa bhafwe. Abhantu ɨbha bhahalongozyaga pa nyumba ɨmfinjile, nantele ʉmo mwɨbho ahabhanga nʼsayi nʼgoosi. Bhaazya izwi Bhasadukaayo hu Ɨngalulanyo ɨzyɨ mazwi amajenu hu wandilo wɨ shitaabu ɨshi. 2 sha bhavitiilwe tee. Ɨbho bhahavitiilwe, pɨpo bhahabhamanyizyaga abhantu na hubhalʉmbɨɨlɨle huje, azyʉshe hwa Yeesu hulolesya aje, abhafwe bhahaizyʉha. 3 Ɨpo bhahabhakhata ʉPeeteli nʉ Yoohani, bhahabhabhɨɨha mu hoobhe. Bhahagʉʉlɨla huje, hushe, pɨpo hwahali lyabheela. 4 Leelo, ziila ʉPeeteli nʉ Yoohani bhahabhabhʉzɨɨzye abhantu, abhinji mwɨbho bhahazyɨtɨha. Abhalume bheene bha bhahamwɨtɨɨshe ʉYeesu bhahafishile abhantu elufu zisaanu ɨshi.
5 Lwa hwasha, abhalongozi bha bhasayi bha Ngʉlʉbhɨ, abhagoosi na bhamanyizyi abhɨ ndajizyo zya Moose‡ Bhaazya izwi Bhamanyizyi abhɨ ndajizyo zya Moose hu Ɨngalulanyo ɨzyɨ mazwi amajenu hu wandilo wɨ shitaabu ɨshi. bhahabhʉngaana pa Yelusaleemu. 6 Bhahakhomaana peeka, mwahali nʉ nʼsayi ʉnʼgoosi ʉAanasi, peeka nʉ Kayaafa, ʉYoohani ʉwɨnjɨ, ʉAlekizanda na bhaholo abhanjɨ abha Aanasi. 7 Abhalongozi bhonti ɨbho bhahabhaleeta ʉPeeteli nʉ Yoohani, bhahabhɨmɨɨlɨsya pitagaalila lyabho peeka nʉʉla wa halemɨɨye, bhahanda hubhabhʉzɨɨlɨzye huje, “Ɨzyo, amwɨ mubhombile hwi khone lya naanu, awe hwi taawa lya naanu?”
8 Ɨpo ʉPeeteli sha longolwa nʉ Mʼpepo ʉMʼfinjile, ahabhaamula ahaga, “Mubhalongozi na mubhagoosi amwɨ! 9 Asanyʉʉnʉ muhutibhʉzɨɨlɨzya ɨpa hu nongwa ya je, timʼombɨɨye aminza ʉmuntu ʉnʉ wa halemɨɨye huje, aponile bhʉlɨ bhʉlɨ. 10 Ɨshi, amwɨ mwenti, peeka na Bhaizilaeeli abhanjɨ bhonti, mumanye shinza huje, ʉmuntu ʉnʉ wa yɨmɨlɨɨye pitagaalila lyenyu, aponile, wabha mwinza hwi taawa lya Yeesu Kilisiti ʉwa hu Nazaleeti. Ya yʉʉla amwɨ mwahanʼkhomelɨɨye pa shikhobheehanyo, leelo ʉNgʉlʉbhɨ ahanʼzyʉsya afume hwa bhafwe. 11 ɄYeesu ali nanshi iwe ɨlinza ɨlya hunshɨnjɨ hu nyumba, wa simbwilwe mu Nsimbo ɨMfinjile huje,
‘Iwe lya bhahalikhaanile abhazenzi abhɨ nyumba,
lyɨlyo lya lyabha liwe linza ɨlya panshɨnjɨ§ iwe ɨlinza ɨlya panshɨnjɨ ABhayahuudi bhahazenjelaga ɨnyumba, iwe lya lyahakhataga ɨnyumba yonti bhahagaga iwe ɨlinza ɨlya panshɨnjɨ. Lya lyɨlyo lyahali ligoosi, lyahakhomanyaaga ɨmbʉmba zibhɨɨlɨ. lya linyʉmʉʉye ɨnyumba yonti.’ Bhaazya ɨNsalifyo (Zaburi) 118:22.
12 Hu nongwa ɨyo, saga alɨɨho ʉwɨnjɨ nkʉʉmo wa tigawaaga ʉfyʉli, pope pa nsi ponti saga lilɨɨho itaawa ɨlyɨnjɨ, lyoli litaawa lya Yeesu lyene lya libhajiiye atifyʉle mu mbiibhi.”
13 Abhalongozi bhaala bhahasɨɨbhile huje, ʉPeeteli nʉ Yoohani bhahali bhantu bha saga bhamanyiiye ɨnsukuulu, nantele saga bhahali bhamanyiihanyi bhɨ Nsimbo ɨMfinjile zyɨ mandɨ nanshi bheene. Lwa bhaalola huje, bhaamula hu dandamazu, ɨpo bhahaswiga haani. Bhahanda amanye huje, lyoli ʉPeeteli nʉ Yoohani bhahabhanga peeka nʉ Yeesu. 14 Lwa bhanʼola ʉnʼume ʉla wa ponile, ayɨmɨlɨɨye pɨɨpo peeka nʉ Peeteli nʉ Yoohani, bhahapootwa amazwi aga yanje. 15 Ɨpo bhahabhalajizya huje, bhafume mwi koloti* Bhaazya izwi Ikoloti hu Ɨngalulanyo ɨzyɨ mazwi amajenu hu wandilo wɨ shitaabu ɨshi. lyabho liila. Abheene abhitongwa bhahasyala, bhahayangana bhahaga, 16 “Tibhala bhombe bhʉlɨ bhʉlɨ na bhantu ɨbha? Enya, abhantu bhonti bha bhakhala ɨpa pa Yelusaleemu bhamɨɨnye huje, bhabhombile amayele amagoosi hwa muntu ʉnʉ. Saga tibhajiiye akhaane huje, gabhombɨɨshe. 17 Ɨshi tibhakhaane hwi dala ɨlya hubhoogofye, bhagandi ayanje ɨnongwa ɨzya Yeesu hwa bhantu huje, ɨzi zya bhabhombile zisahajendeelele anyampaane haani mwa bhantu.”
18 Ɨpo abhalongozi bhaala bhahabhakwizya ʉPeeteli nʉ Yoohani, bhahabhakhajila bhahaga, “Musahasheele ayanje ɨnongwa ɨzya Yeesu awe amanyizye hwi taawa lyakwe!” 19 ɄPeeteli nʉ Yoohani bhahaga, “Dumuli amwɨ mwɨmwɨ, nkashele hukhondɨɨye pa maaso ga Ngʉlʉbhɨ huje, amwɨ mwɨ tibhʉmvwe ashɨle humwʉmvwe ʉNgʉlʉbhɨ yʉʉyo. 20 Atɨ saga tibhajiiye huje, tileshe huziyanje zyonti zya tahazilolile tɨɨtɨ na huzyʉmvwe afume hwa mwene, ʉYeesu lwa hali naatɨ.”
21-22 Abhalongozi bhaala bhahapootwa hubhalonje aje, bhabhafunde hu nongwa ya je, abhantu bhonti bhahamʼmwamihaga haani ʉNgʉlʉbhɨ hu shimanyishizyo shiila ʉPeeteli nʉ Yoohani bhahabhombile hwa muntu ʉla. Ʉmuntu ʉyo bhahamʼponiizye, ahali nʉ lemazu afume apaapwe hwakwe, ahali na maaha ashɨle amashʉmi ganɨ. Ɨpo bhahabhoogofya nantele, bhahabhɨtɨshɨla huje, bhasogolaje.
Abhooziwa bhahunʼaabha ʉNgʉlʉbhɨ huje, abhajinjizye
23 ɄPeeteli nʉ Yoohani lwa bhigulilwa, bhahaweela hwa bhooziwa abhamwabho. Bhahabhabhʉʉzya amazwi gonti gaala abhalongozi bha bhasayi bha Ngʉlʉbhɨ peeka na bhagoosi bhaabho bha Bhayahuudi ga bhahabhabhʉzɨɨzye. 24 Abhamwabho bhaala lwa bhʉmvwa amazwi ɨgo, bhonti peeka bhahanʼaabha ʉNgʉlʉbhɨ bhahaga, “Awe Yehoobha, wʉ li nʼgoosi wɨ vyonti. Weewe wahapelile ɨmwanya, ɨnsi, ɨnsʉmbi nɨɨvyo vyonti vya vili ʉmwo. 25 Weewe wahayanjile hwi lomu lya maama weetu ʉDaudi, ʉmʼomvi waaho, ashɨlɨle hu Mʼpepo ʉMʼfinjile huje,
‘Yeenu abhantu bha saga Bhaizilaeeli bhaviitwa,
bhope aBhaizilaeeli bhasɨɨbha ɨzyɨ lema lwene?
26 Abhamwɨnɨ bhɨ nsi bhahwilɨngaanya,
nantele abhalongozi bhabhʉngaana peeka
huje, bhanʼkhaane ʉYehoobha nʉ Kilisiti ʉyo ahanʼsaluuye.’ ” Bhaazya ɨNsalifyo (Zaburi) 2:1-2.
27 Abheene bhahajendeelela apuute bhahagaga, “Ɨbhoneha pa pazelu huje, ʉmwɨnɨ ʉHeloode ʉAntipa† Ʉmwɨnɨ ʉHeloode ʉAntipa ahalongozyaga ʉmukowa ʉgwa hu Galilaaya nʉ gwa hu Peleeya. Ʉnʼgoosi waakwe ahali yʉ Kayisali, ʉmwɨnɨ ʉnʼgoosi ʉwa hu Luumi. Bhaazya izwi Heloode Antipa ni zwi Kayisali hu Ɨngalulanyo ɨzyɨ mazwi amajenu hu wandilo wɨ shitaabu ɨshi. nʉ Pontiyo Pilaato‡ Pontiyo Pilaato ahalongozyaga ʉmukowa ʉgwa hu Yudeeya nʉ gwa hu Samaliya. Ʉnʼgoosi waakwe ahali yʉ Kayisali, ʉmwɨnɨ ʉnʼgoosi ʉwa hu Luumi. bhope bhahabhʉngɨɨne mwi booma ɨli ɨlya mu Yelusaleemu, peeka na Bhaizilaeeli na bhantu bha saga Bhaizilaeeli huje, bhanʼkhaane ʉYeesu ʉmʼomvi waaho ʉmʼfinjile, ʉyo wahanʼsaluuye huje, abhe yʉ Kilisiti. 28 Ɨzyo zya bhahabhombile ɨbho, zya zyɨzyo awe wahasɨbhɨlɨlaga afume ɨmandɨ huje, zibhombeshe hwi khone lyaho na hu shigane shaaho. 29 Ɨshi awe Yehoobha, enya sha bhatoogofya! Ʉtaavwe, atɨ tibhabhomvi bhaaho, nka tilʉmbɨlɨlaje ɨNongwa ɨNyinza ɨzya Yeesu hu dandamazu haani. 30 Lwa tilʉmbɨɨlɨla, awe ʉlolesyaje ikhone lyaho ɨlya hubhaponie abhantu. Ʉtaavwe huje, tibhombaje ɨvimanyishizyo na mayele agɨ holanyo ɨnyinji ashɨlɨle mwi taawa lya Yeesu, ʉmʼomvi waaho ʉmʼfinjile.”
31 Abhantu ɨbho lwa bhaamala hunʼaabhe ʉNgʉlʉbhɨ, nalinaali paala pa bhahabhʉngɨɨne, pahayingaana. ɄMʼpepo ʉMʼfinjile ahabhalongozya bhonti, bhahanda alʉmbɨɨlɨle ɨNongwa ɨNyinza ɨzya Yeesu§ ɨNongwa ɨNyinza ɨzya Yeesu ƗShiyunaani shiyiga izwi lya Ngʉlʉbhɨ. Apanjɨ shiyiga izwi lya Mwɨnɨ. Amazwi ɨga gataha ɨNongwa ɨNyinza ɨzya Yeesu. Bhaazya ɨMbombo Zya Bhasontwa 6:7; 8:14; 11:1; 12:24; 13:5, 7, 44, 46; 17:13. hu dandamazu.
Ʉtʉʉlano lwa bhooziwa
32 Abhooziwa bhonti bhahali nʉ mwoyo gweka, nɨ nsɨɨbho zyabho zyahali peeka. Saga ahali ʉmuntu ʉyo ahayangaga huje, ɨvintu vya li navyo vyakwe mwene, leelo ɨvintu vyabho vyonti bhahasanganilaga. 33 Abhasontwa bha Yeesu bhahafumyaga ʉsimishizi hwi khone haani huje, ʉMwɨnɨ ʉYeesu azyʉshile mu bhafwe. ɄNgʉlʉbhɨ ahabhasayaga tee bhonti. 34 Saga ahali ʉmuntu mu mpʉga yaabho wa habhulilwaga na hantu hu nongwa ya je, bha bhahali na magʉnda awe ɨnyumba bhahakazyaga. 35 Ɨmpɨɨya zya bhahazyambɨlɨlaga, bhahabhapeelaga abhasontwa bha Yeesu. Ɨmpɨɨya ɨzyo bhahazigabhaga hwa shila mwoziwa alɨngaane na shiila shahabhuliiye.
36 Ɨshi, hwahali nʉ Nʼaawi ʉmo itaawa lyakwe ahali yʉ Yoosefu. Ʉmuntu ʉyo ahali nʼkhaaya wa mu nsi ya yahali paahati pa nsʉmbi. Ɨnsi ɨyo ɨhwɨtwa Kiipulo. Abhasontwa bha Yeesu bhahamʼpiiye itaawa lya Balinaaba, hwa huje ʉwa tilizya ʉmwoyo. 37 Wope ahakazya ʉnʼgʉnda gwakwe, nantele ɨmpɨɨya zya hambɨlɨɨye, ahazitwala hwa bhasontwa.
*4:1 abhasayi bha Ngʉlʉbhɨ Abhantu ɨbha bhahali bhalongozi bhɨ mbombo zyonti mu nyumba ɨmfinjile ɨya Ngʉlʉbhɨ. Bhaazya izwi Bhasayi bha Ngʉlʉbhɨ hu Ɨngalulanyo ɨzyɨ mazwi amajenu hu wandilo wɨ shitaabu ɨshi.
†4:1 Bhasadukaayo Shahali shipʉga ɨsha bhantu abha mu nsi ɨya hu Izilaeeli. Bhahakhajizyaga alondolezye ɨndajizyo zya Moose zya zyahali mu Nsimbo ɨMfinjile. Nantele, saga bhahɨtɨhaga aje, hulɨɨho azyʉshe hwa bhafwe. Abhantu ɨbha bhahalongozyaga pa nyumba ɨmfinjile, nantele ʉmo mwɨbho ahabhanga nʼsayi nʼgoosi. Bhaazya izwi Bhasadukaayo hu Ɨngalulanyo ɨzyɨ mazwi amajenu hu wandilo wɨ shitaabu ɨshi.
‡4:5 Bhaazya izwi Bhamanyizyi abhɨ ndajizyo zya Moose hu Ɨngalulanyo ɨzyɨ mazwi amajenu hu wandilo wɨ shitaabu ɨshi.
§4:11 iwe ɨlinza ɨlya panshɨnjɨ ABhayahuudi bhahazenjelaga ɨnyumba, iwe lya lyahakhataga ɨnyumba yonti bhahagaga iwe ɨlinza ɨlya panshɨnjɨ. Lya lyɨlyo lyahali ligoosi, lyahakhomanyaaga ɨmbʉmba zibhɨɨlɨ.
4:11 Bhaazya ɨNsalifyo (Zaburi) 118:22.
*4:15 Bhaazya izwi Ikoloti hu Ɨngalulanyo ɨzyɨ mazwi amajenu hu wandilo wɨ shitaabu ɨshi.
4:26 Bhaazya ɨNsalifyo (Zaburi) 2:1-2.
†4:27 Ʉmwɨnɨ ʉHeloode ʉAntipa ahalongozyaga ʉmukowa ʉgwa hu Galilaaya nʉ gwa hu Peleeya. Ʉnʼgoosi waakwe ahali yʉ Kayisali, ʉmwɨnɨ ʉnʼgoosi ʉwa hu Luumi. Bhaazya izwi Heloode Antipa ni zwi Kayisali hu Ɨngalulanyo ɨzyɨ mazwi amajenu hu wandilo wɨ shitaabu ɨshi.
‡4:27 Pontiyo Pilaato ahalongozyaga ʉmukowa ʉgwa hu Yudeeya nʉ gwa hu Samaliya. Ʉnʼgoosi waakwe ahali yʉ Kayisali, ʉmwɨnɨ ʉnʼgoosi ʉwa hu Luumi.
§4:31 ɨNongwa ɨNyinza ɨzya Yeesu ƗShiyunaani shiyiga izwi lya Ngʉlʉbhɨ. Apanjɨ shiyiga izwi lya Mwɨnɨ. Amazwi ɨga gataha ɨNongwa ɨNyinza ɨzya Yeesu. Bhaazya ɨMbombo Zya Bhasontwa 6:7; 8:14; 11:1; 12:24; 13:5, 7, 44, 46; 17:13.