1 Mu nsiku ɨzyo abhooziwa bhahajendelelaga ahwonjeelele. Mwɨbho hwahali na bhaala bha bhahayangaga ɨShiyunaani* ɨShiyunaani ABhayahuudi bha bhahanyampɨɨne mu nsi ɨzyɨnjɨ, saga bhahamɨɨnye ɨnjango ɨyɨ Shiebulaniya, lyoli bhahayangaga ɨShiyunaani. na bhaala bha bhahayangaga ɨShiebulaniya. Hwahafumila ɨmbuno mwa Bhayahuudi bha bhahayangaga ɨnjango ɨyɨ Shiyunaani na bhaala bha bhahayangaga ɨShiebulaniya. Bhaala bha bhahayangaga ɨShiyunaani bhahahwibhunaga huje, bhaala bha bhahayangaga ɨShiebulaniya saga bhahabhavwaga abhafwɨle bhaabho, lwa bhabhagabhila ɨvyalye vyɨ nsiku zyonti. 2 Ɨpo, abhasontwa bhaala ishʉmi na bhabhɨɨlɨ bhahabhabhʉngaanya abhooziwa bhonti, bhahabhabhʉʉzya bhahaga, “Saga ɨkhondɨɨye huje, atɨ tileshe amanyizye izwi lya Ngʉlʉbhɨ, nka tigabhilaje abhantu ɨvyalye. 3 Ɨshi amwɨ bhaholo bheetu, afumilane naamwɨ saluli abhalume pʉnga (7) bha bhasimishiziiwe shinza, ʉMʼpepo ʉMʼfinjile ahubhalongozya, nantele bhatengamazu. Ɨbho bha tibhabhɨɨshe mu mbombo ɨnɨ ɨya gabhile ɨvyalye 4 huje, atɨ tihwifumyaje hunʼaabhe ʉNgʉlʉbhɨ, alʉmbɨɨlɨle na manyizye abhantu izwi lyakwe.”

5 Lwa bhʉmvwa izwi ɨlyo, bhonti bhahalisʉngwa. Nka bhahanʼsalula ʉSiteefano, ʉmuntu wa hali nʉ lwɨtɨho haani hwa Ngʉlʉbhɨ, wope ʉMʼpepo ʉMʼfinjile ahanʼongolaga. Nantele, bhahanʼsalula ʉFilipo, ʉPulokoolo, ʉNikanooli, ʉTiimoni, ʉPalimeena, nʉ Nikolaawo ʉwa hu Antiyokiya wa saga ahali Nʼyahuudi leelo wa hasamiiye mu mpuuto ɨzyɨ Shiyahuudi. 6 Abhalume pʉnga (7) bhaala bhahabhabhɨɨha pitagaalila pa bhasontwa. Abhasontwa bhahabhapuutila hwa Ngʉlʉbhɨ na hubhabhɨɨshɨle ɨnyoobhe hubhasaye, alolesye aje, bhasaluliilwe.

7 ƗNongwa ɨNyinza ɨzya Yeesu zyahajendeelela anyampaane mwa bhantu. Abhooziwa pi booma ɨlya hu Yelusaleemu bhahonjelelaga haani abhe bhinji, nantele abhasayi bha Ngʉlʉbhɨ abhinji bhope bhahamwɨtɨha ʉYeesu.

8 ɄNgʉlʉbhɨ ahamʼpiiye ɨmpyana ɨnyinji ʉSiteefano, nantele ahamʼpiiye ikhone ɨlinji, wope ahabhombaga amayele nɨ vimanyishizyo ɨvigoosi mwa bhantu. 9 Leelo, aBhayahuudi bhamo bhahadalihanaga nawo. Ɨbho bhahafumile mu nyumba ɨya puutile na manyiilile,† nyumba ɨya puutile na manyiilile Mu Shiyunaani bhayiga, isinagoogi. Bhaazya izwi Nyumba ɨya puutile na manyiilile hu Ɨngalulanyo ɨzyɨ mazwi amajenu hu wandilo wɨ shitaabu ɨshi. Ahabhaazyo hamo bhahalonjelaga ɨnongwa mu nyumba ɨzyo. ya bhahagaga Nyumba Ya Puutile Na Manyiilile Ya Bhantu aBhateehamu. Abhamo mwɨbho bhahafumile mwi booma ɨlya hu Kileene, nɨ lya hu Alekizandiliya. Bhamo bhahafumile mu mukowa ʉgwa hu Kilikiya, nʉ gwa hu Aasiya. Ɨbho bhonti bhahadalihanaga nʉ Siteefano, 10 leelo ahabhamenaga, pɨpo ahayangaga amazwi gɨ njeele hwi khone lya Mʼpepo ʉMʼfinjile.

11 Ɨpo bhahabhabhinda abhantu bhamo aje, bhayanje ilenga huje, “ɄSiteefano abhalijile ʉMoose nʉ Ngʉlʉbhɨ.” 12 Ayanje ɨsho, amazwi ɨgo gahabhaviisya haani abhagoosi, abhamanyizyi abhɨ ndajizyo zya Moose, peeka na bhantu abhanjɨ. Ɨpo bhahanʼkhata ʉSiteefano, bhahanʼtwala mwi koloti. 13 Bhahabhaleeta mwi koloti abhasimishizi abhi lenga bha bhahagaga, “Ʉmuntu ʉnʉ saga aleha huyilije ɨnyumba ɨmfinjile ɨya Ngʉlʉbhɨ, nɨ ndajizyo zya Moose! 14 Tahamwʉmvwɨzye ayanga huje, ʉYeesu ʉwa hu Nazaleeti anza bhugulanye ɨnyumba ɨmfinjile ɨya Ngʉlʉbhɨ, nantele anza galulanye amiiho gaala ʉMoose ga hatileshɨɨye.”

15 Abhantu bhonti bha bhahakhɨɨye mwi koloti liila, bhahanʼzyamila ʉSiteefano, bhahalola hu maaso gaakwe hubhalilana nʉ ntumi.