1 Ɨshi mu nsiku ɨzyo ʉmwɨnɨ ʉHeloode ʉAgilipa* Bhaazya izwi Heloode Agilipa hu Ɨngalulanyo ɨzyɨ mazwi amajenu hu wandilo wɨ shitaabu ɨshi. ahabhakhata abhantu bhamo abhɨ shibhanza huje, abhabhombele shibhiibhi. 2 Ahalajizya huje, bhanʼgoje ʉYaakobo† ɄYaakobo ahali mwana wa Zebedaayo, nantele ahali palushimo na bhasundwe bha Yeesu ishʉmi na bhabhɨɨlɨ. ʉnʼkʉlʉ wa Yoohani ni maajɨ. 3 Lwa waalola huje, ɨzyo zibhakhondezɨɨzye aBhayahuudi, ahalajizya huje, bhanʼkhate nʉ Peeteli. Hahali habhaazyo hɨ chaaka ɨya Lye ɨNtogito Zya Saga Zisapile Lwonti.‡ chaaka ɨya Lye ɨNtogito Zya Saga Zisapile Lwonti Ɨchaaka ɨnɨ yahabhombehaga lwa lyashɨla isiku limo afume pa chaaka ɨyɨ Paasaka. Zyonti zyahabhombehaga ahwizushe isiku lya bhaheepile mu malabha hu nsi ɨya hu Miisili. Bhaazya aFume (Kutoka) 12:17-20. Nantele bhaazya izwi Paasaka hu Ɨngalulanyo ɨzyɨ mazwi amajenu hu wandilo wɨ shitaabu ɨshi. 4 Ɨpo bhahanʼkhata ʉPeeteli, ʉmwɨnɨ ʉHeloode ahanʼkʉnga mu hoobhe. Lwʉnʉʉlwo ahamʼɨɨha hu lɨndɨɨlɨli ʉwa bhalwi abhɨ vipʉga vinɨ vinɨ huje, bhaposhelanaje hunʼɨndɨɨlɨle. Ahasɨɨbhaga huje, ɨchaaka lwa yaashɨla, nka nʼonje ʉPeeteli pitagaalila pa bhantu. 5 Mu nsiku ɨzyo ʉPeeteli zya hapinyiilwe mu hoobhe, abhantu abhɨ shibhanza bhahabagaga tee humʼpuutile hwa Ngʉlʉbhɨ.

6 Nʉsiku sha lisɨɨle isiku liila ʉHeloode ʉAgilipa lya halibhɨɨshɨle hunʼonje ʉPeeteli, ʉPeeteli ahagonile mu hoobhe. Ahali paahati pa bhalwi bhabhɨɨlɨ, bhahamʼpinyile ɨnyoobhe na manyololo gabhɨɨlɨ. Pa lyango gwɨ hoobhe bhahali abhalwi abhamwabho bha bhahalɨndɨlɨlaga. 7 Lubhilo ahafumila ʉntumi wa Yehoobha, ahɨmɨɨlɨla paala ʉPeeteli ahali. Ʉnʼkhozyo gwahakhozya muuhati mu mpanda muula. Ʉntumi ʉyo ahayinzanya ʉPeeteli hu bhazu ahunʼdaamuzye, ahaga, “Daamuha lubhilo!” Amanyololo ga bhahamʼpinyile ʉPeeteli mu nyoobhe gahalagala pansi! 8 Ʉntumi ʉyo ahamʼʉʉzya ahaga, “Pinya ilamba lyaho, ʉkwate nɨ ndaatʉ.” ɄPeeteli ahabhomba ɨsho. Ɨpo ʉntumi ahamʼʉʉzya ahaga, “Kwata igolole lyaho, ʉmbɨnjɨɨlɨle!” 9 ɄPeeteli ahamʼɨnjɨɨlɨla ʉntumi, bhahafuma hwʉnzɨ yɨ mpanda yɨ hoobhe. Saga ahamɨɨnye huje, ɨzyo ʉntumi zya habhombile, zyahali zyɨ lyoli. Ahasɨɨbhaga huje, zyahali ndoleshelo. 10 Bhahashɨla pa lɨndɨɨlɨlo ʉlwa hwande nʉ lwa bhɨɨlɨ, bhahafiha hu lyango gwɨ majela ʉgwa fumile mu hoobhe, atʉʉshe mwi booma. Ʉlyango ʉgwo gwahiiguha gwene, bhahafuma panzɨ pa hoobhe. Lwa bhaashɨla mwi dala limo, lubhilo ʉntumi ahanʼeha ʉPeeteli. 11 Ɨpo ʉPeeteli ahamanya zya zifumiiye, ahaga, “Ɨshi naamanya lyoli huje, ʉYehoobha andetɨɨye ʉntumi waakwe huje, amfyʉle mu nyoobhe zya Heloode ʉAgilipa na mu mbiibhi zyonti, aBhayahuudi zya bhahasʉbhɨɨye aje, abhala mbombe.”

12 Lwa waamanya ɨsho, ahabhala hu nyumba ya Maliya, ʉnyina wa Yoohani wa bhahagaga Maalʉko. Mu nyumba ɨyo bhahabhʉngɨɨne abhantu abhinji bha bhahanʼaabhaga ʉNgʉlʉbhɨ. 13 ɄPeeteli ahiiguzya pa lyango ʉgwɨ lubhaga. Ʉnʼɨndu ʉmo ʉnʼkalwe, itaawa lyakwe ahali yʉ Looda, ahabhala pa lyango atejeelezye huje, yʉ naanu. 14 Lwa wʉmvwa huje, lizwi lya Peeteli, ahaseshela tee, saga ahamwigulila ʉlyango, leelo ʉmwene ahashɨmbɨɨlɨla mu nyumba. Ahabhabhʉʉzya ahaga, “ɄPeeteli ayɨmɨlɨɨye pa lyango!”

15 Bhahamʼʉʉzya bhahaga, “Ʉli lalusi!” Leelo, ʉmwene ahonjezya ayanje huje, “Ɨnʉmvwɨzye izwi lya Peeteli!” Pa bhahamʼʉʉzya bhahaga, “Lumo ʉyo yʉ ntumi waakwe.” 16 ɄPeeteli ahajendeelela ahwiguzye pa lyango. Lwa bhiigula ʉlyango, bhahanʼola, bhahagunduha. 17 ɄPeeteli ahavwenzya ʉnʼkhono humwanya huje, bhapʉʉme myɨ, ahabhabhʉʉzya ʉYehoobha sha mwefwizye mu hoobhe. Ahabhabhʉʉzya ahaga, “Ɨga ga gabhombɨɨshe, mumʼʉʉzye ʉYaakobo na bhooziwa abhamwetu.” Ɨpo ʉPeeteli ahasogola paala, ahabhala apanjɨ.

18 Lwa hwasha, abhalwi bhaala bhahabha nɨ lyoga tee, pɨpo saga bhahamɨɨnye zya zyahamwajile ʉPeeteli. 19 ɄHeloode ʉAgilipa ahalajizya abhalwi bhaakwe huje, bhamwanze haani ʉPeeteli. Leelo, lwa bhapootwa humwaje, ahabhabhʉzɨɨlɨzya bhaala bha bhahanʼɨndɨlɨlaga. Abheene bhahapootwa ɨlya humwamule. Ɨpo ʉmwɨnɨ ahalajizya huje, bhagogwe. Pamandɨ ʉHeloode ʉAgilipa ahasogola hu mukowa ʉgwa hu Yudeeya, ahakhala hu habhaazyo hwi booma ɨlya hu Kayisaliiya.

20 Ɨshi ʉHeloode ʉAgilipa ahabhavitiliilwe haani abhantu abhi booma ɨlya hu Tiilo nɨ lya hu Siidoni. Ɨpo abhantu abhɨ mabooma ɨgo bhahɨɨma peeka, bhahasalula abhantu bhamo huje, bhalolane nawo. Bhahanʼkʉndɨɨlɨzya ʉmuntu ʉmo wa bhahagaga Bulaasito huje, ayɨɨme peeka nabho. Ʉmuntu ʉyo ahasʉngaga ɨnyumba ya mwɨnɨ. Bhahabhala hwa mwɨnɨ hunʼaabhe huje, hubhe nʉ tengaanu hu nongwa ya je, amabooma ɨgo gahasʉbhɨlaga ɨvyalye afume mu nsi yaakwe.

21 Lwa lyafiha isiku liila ʉmwɨnɨ ʉHeloode ʉAgilipa lya hasaluuye, ahakwata amenda gaakwe agɨ shimwɨnɨ, ahakhala pi tengo lyakwe lyɨ shimwɨnɨ, ahanda ayanje pitagaalila lyɨ lubhʉngaano lwa bhantu. 22 Abhantu ɨbho bhahabwaga haani bhahaga, “Ɨli saga lizwi lya muntu! Ɨlyo lizwi lya ʉmo mwa bhangʉlʉbhɨ!” 23 Lwa bhanʼsʉmba ɨsho ʉHeloode ʉAgilipa, ʉmwene saga ahamʼpiiye ʉNgʉlʉbhɨ ʉmwamu. Ʉntumi wa Yehoobha ahanʼkhoma nɨ mpʉngo, ahalɨɨwa na mazoha aga mu vyanda, ahafwa.

24 Leelo ɨNongwa ɨNyinza ɨzya Yeesu zyahajendeelela anyampaane mwa bhantu, bhope abhooziwa bhahonjelelaga tee.

25 ɄBalinaaba nʉ Sauli lwa bhaamala ɨmbombo yaabho, Bhaazya ɨMbombo Zya Bhasontwa 11:30. bhahasogola hwi booma ɨlya hu Yelusaleemu peeka nʉ Yoohani wa bhahagaga Maalʉko, bhahabhala hwi booma ɨlya hu Antiyokiya.