1 ɄPaulo nʉ Balinaaba lwa bhali mwi booma ɨlya hu Antiyokiya ɨlya mu mukowa ʉgwa hu Siiliya, abhantu bhamo bhahafiha afume hu mukowa ʉgwa hu Yudeeya. Bhahanda hubhamanyizye abhooziwa aje, “Nkashele saga mutendiilwe ɨngoola ɨzya hwitagaalila ɨzyɨ lume* saga mutendiilwe ɨngoola ɨzya hwitagaalila ɨzyɨ lume Hu Bhayahuudi nkashele ʉmwana ʉnʼsahaala apaapwa, isiku ɨlya naana (8) afume apaapwe hwakwe, bhahatendaga ɨngoola ɨya hwitagaalila ɨyɨ lume, abhonesye ʉlufingo hwa Ngʉlʉbhɨ. Bhaazya ʉWandilo (Mwanzo) 17:9-14. alɨngaane nɨ ndajizyo zya Moose zya hatileshɨɨye, saga mubhajiiye afyʉlwe.” 2 Bhope ʉPaulo nʉ Balinaaba saga bhahɨtɨɨhana na bhantu bhaala, ɨpo bhahanda adaliihane nabho haani. Hu malishilo, abhooziwa abha pi booma ɨlya hu Antiyokiya bhahafumya ʉgamulo huje, bhamo bhabhale hwi booma ɨlya hu Yelusaleemu peeka nʉ Paulo nʉ Balinaaba. Ʉhwo bhabhale hubhabhʉzɨɨlɨzye ɨlya bhombe hu bhasontwa na hu bhagoosi bhɨ shibhanza hu nongwa yɨ mazwi ɨgo. 3 Ɨpo abhooziwa abha mwi booma ɨlya hu Antiyokiya bhahabhasonteelezya ʉPaulo na bhamwabho hwi booma ɨlya hu Yelusaleemu. Bhope bhahashɨla hu mukowa ʉgwa hu Foyiniike nʉ gwa hu Samaliya, bhahabhabhʉzyaga abhooziwa, shiila abhantu bha saga Bhayahuudi sha bhamwɨtɨɨshe ʉYeesu. Ɨnongwa ɨzyo zyahabhagwɨzyaga amooyo haani abhooziwa bhonti.

4 ɄPaulo na bhamwabho lwa bhaafiha mwi booma ɨlya hu Yelusaleemu, abhasontwa, abhagoosi bhɨ shibhanza na bhooziwa bhonti bhahabhambɨɨlɨla shinza. Ɨpo bhahabhabhʉʉzya zyonti ɨzyo ʉNgʉlʉbhɨ zya habhombile ashɨlɨle hwa bheene. 5 Leelo, abhooziwa bhamo abha mu shipʉga ɨsha Bhafalisaayo† Bhafalisaayo Yahali mpʉga ɨya bhantu bhamo abha mu nsi ɨya hu Izilaeeli. Bhahamanyizyaga alondolezye ɨndajizyo ɨzya Moose, peeka nɨ manyizyo zya bhagoosi bhaabho abhɨ mandɨ. Bhaazya izwi Bhafalisaayo hu Ɨngalulanyo ɨzyɨ mazwi amajenu hu wandilo wɨ shitaabu ɨshi. bhahɨmɨɨlɨla, bhahaga, “Bha saga Bhayahuudi bhope bhahwanziwa huje, bhatendwaje ɨngoola ɨzya hwitagaalila ɨzyɨ lume, na khate ɨndajizyo zyonti zya Moose.”

6 Ɨpo abhasontwa na bhagoosi bhɨ shibhanza bhahabhɨɨha ʉlubhʉngaano huje, bheenye shinza izwi ɨlyo. 7 Abhantu ɨbho lwa bhajeehana hu habhaazyo ahatali, ʉPeeteli ahɨmɨɨlɨla, ahabhabhʉʉzya ahaga, “Bhaholo bhaanɨ, amwɨ mumɨɨnye huje, hu habhaazyo hamo ha hashɨlɨle, ʉNgʉlʉbhɨ ahansaluuye afume huliimwɨ. Ahansaluuye alʉmbɨɨlɨle ɨNongwa ɨNyinza ɨzya Yeesu huje, bha saga Bhayahuudi bhope bhʉmvwe ashɨlɨle huliinɨ, na humwɨtɨshe ʉMwɨnɨ ʉYeesu Kilisiti.‡ ɄPeeteli ɨpa ayanga ɨnongwa zya ziyangwilwe mu shitaabu ɨshɨ Mbombo Zya Bhasontwa 10. 8 ɄNgʉlʉbhɨ wa mɨɨnye zyonti zya zili mu mooyo ga bhantu, ahalolesiizye huje, abhɨtɨshɨɨye bha saga Bhayahuudi hwi dala ɨlya hubhapeele ʉMʼpepo ʉMʼfinjile, nanshi sha tipiiye atɨ. 9 Nantele, ʉNgʉlʉbhɨ saga ahalegɨɨnye naatɨ na bheene, nɨɨshi hwope saga alegɨɨnye atɨ na bheene. Lyoli nɨ leelo ahubhasangalusya bhope amooyo gaabho hwi dala ɨlya humwɨtɨshe ʉMwɨnɨ ʉYeesu. 10 Ɨshi! Amwɨ muhubhatwiha abhooziwa izigo ɨlya londolezye ɨndajizyo zya Moose, ɨlyo bhope abhamaama bheetu naatɨ tipotiilwe. Ʉhwo hwa hunʼjele ʉNgʉlʉbhɨ. 11 Lyoli ɨsahabhe ɨsho. Atɨ tihwɨtɨha huje, tifyʉlwa hu mpyana ya Mwɨnɨ weetu ʉYeesu nanshi abhooziwa ɨbho.”

12 Ɨpo abhantu bhonti bha bhahali pa lubhʉngaano paala bhahapʉʉma myɨ. Abhantu ɨbho bhahabhatejelezyaga ʉPaulo nʉ Balinaaba lwa bhahabhabhʉzyaga shiila ʉNgʉlʉbhɨ sha habhombaga amayele nɨ vimanyishizyo hwa bha saga Bhayahuudi, ashɨlɨle hwa bheene. 13 Lwa bhaamala ayanje, ʉYaakobo wope ahaga, “Bhaholo bhaanɨ, tejeelezyi! 14 ɄSiimoni§ ʉSiimoni Itaawa ɨlyamwabho ahali yʉ Peeteli. atibhʉzɨɨzye ʉNgʉlʉbhɨ sha habhatɨndɨɨshe ɨbho bha saga Bhayahuudi hwisinda huje, mwɨbho abhasalule bhabhe bhantu bhaakwe. 15 Ɨnongwa ɨzyo zihwɨtɨɨhana nɨ zya zisimbwilwe mu vitaabu vya bhakuwi bha Ngʉlʉbhɨ abhɨ mandɨ huje,

19 ɄYaakobo ahajendeelela ayanje huje, “Anɨ ɨhwamula ɨshi, saga ɨkhondɨɨye huje, tibhatamyaje abhantu bha saga Bhayahuudi bha bhɨtɨɨshe abhe bhantu bha Ngʉlʉbhɨ. 20 Lyoli tikhondɨɨye huje, tibhasimbile ɨkalaata ɨya hubhabhʉʉzye huje, bhagandi alye ɨshalye sha bhaputiiye hwa bhangʉlʉbhɨ bhi lenga hu nongwa ya je, shaavu, bhasahabhombaje ʉweegu, bhagandi alye ɨnyama zya bhanionjile,* ɨnyama zya bhanionjile ABhayahuudi bhahali nɨ ndajizyo huje, lwa bhagoga ɨvyʉma, bhabhoolaje, amadanda gitihaje. Bhaazya ɨMbombo Zya Bhalaawi (Mambo ya Walawi) 17:13-14. awe alye idanda. 21 Ɨnjanjile ɨsho hu nongwa ya je, afume halɨ bhahamanyizyaga ɨndajizyo zya Moose mu mabooma gonti na huzibhaazye mu nyumba zyonti ɨzya puutile na manyiilile shila lisiku ɨlyɨ Sabaato.”

22 Ɨpo abhasontwa, abhagoosi bhɨ shibhanza na bhooziwa bhonti abha pi booma ɨlya hu Yelusaleemu bhahaamula huje, bhasalule bhamo mwɨbho bha bhanza bhale peeka nʉ Paulo nʉ Balinaaba hwi booma ɨlya hu Antiyokiya. Ɨpo bhahabhasalula abhalongozi bhabhɨɨlɨ, ʉmo ahali yʉ Yuuda wa bhahagaga ʉBalisaaba, ʉwamwabho ahali yʉ Siila. 23 Bhahabhasonteelezya nɨ kalaata yɨ simbwilwe huje,

30 Lwa bhalagana na bhaala bha bhabhasonteleziizye, ʉPaulo na bhamwabho bhahabhala hwi booma ɨlya hu Antiyokiya. Bhahabhabhʉngaanya abhooziwa, ʉhwo bhahabhapeela ɨkalaata ɨla. 31 ɄPaulo na bhamwabho lwa bhahubhabhaazizya ɨkalaata ɨla, yahabhagwɨzya haani abhooziwa na hubhajinjizye amooyo. 32 ɄYuuda nʉ Siila bhahali bhakuwi bha Ngʉlʉbhɨ. Abheene bhahabhabhʉʉzya abhooziwa abhamwabho ɨnongwa ɨnyinji ɨzya hubhagwɨzye na hubhajinjizye amooyo hu habhaazyo ahatali. 33 Lwa bhaakhala ʉhwo hu habhaazyo, abhooziwa abha mu Antiyokiya bhahabhɨtɨshɨla huje, bhaweelaje hu tengaanu hwa bhaala bha bhahabhasonteleziizye. 34 Leelo, ʉSiila ahalola huje, shinza asyale hwʉhwo.# Amazwi agɨ lwoli ʉlwu saga galɨɨho mu nsimbo zimo ɨzyɨ mandɨ ɨzyɨ Shiyunaani. 35 ɄPaulo nʉ Balinaaba bhahasyala hu Antiyokiya. Abheene na bhantu abhanjɨ abhinji bhahamanyizyaga na lʉmbɨɨlɨle ɨNongwa ɨNyinza ɨzya Mwɨnɨ ʉYeesu.

36 Ahabhaazyo lwa haashɨla, ʉPaulo ahamʼʉʉzya ʉBalinaaba huje, “Tiweele mu mabooma gaala tahalʉmbɨlɨɨye ɨNongwa ɨNyinza ɨzya Mwɨnɨ ʉYeesu huje, tibheenye abhaholo bheetu sha bhajendeelela.” 37 ɄBalinaaba ahanzaga huje, bhabhale peeka nʉ Yoohani wa bhahagaga Maalʉko. 38 Leelo, ʉPaulo ahakhaana huje, bhabhale peeka nʉ Maalʉko abhombe ɨmbombo nawo hu nongwa ya je, ʉmwene ahabhaleshile hu mukowa ʉgwa hu Pamfiliya, saga ahajendelɨɨye abhombe ɨmbombo nabho. Bhaazya ɨMbombo Zya Bhasontwa 13:13. 39 Ɨpo gahafumila amadali haani, bhahalehaana. ɄBalinaaba ahamwega ʉYoohani Maalʉko, bhahinjila mu meeli, bhahabhala peeka hu nsi ya yahali paahati pa nsʉmbi yɨ hwɨtwa Kiipulo. 40 ɄPaulo ahamwega ʉSiila. Lwa bhasɨɨle asogole, abhooziwa abhamwabho bhahanʼaabha ʉMwɨnɨ ʉYeesu huje, ajendelelaje hubhapeele ɨmpyana yaakwe. 41 Ahabhala hu mukowa ʉgwa hu Siiliya nʉ gwa hu Kilikiya, ʉhwo ahabhajinjizyaga abhooziwa.