3
ɄYoona ahunʼtiniha ʉNgʉlʉbhɨ na bhale hu Ninaawi
Lwa gahashɨla gonti ɨgo, ʉYehoobha ahamʼʉʉzya ʉYoona ʉlwa bhɨɨlɨ huje, “Sogolaga, bhalaga hu Ninaawi, hwi booma liila igoosi, ʉbhalʉmbɨɨlɨle abhantu bhaala ɨnongwa zya nalajizya.”
Ɨpo ʉYoona ahasogola, ahabhala hu Ninaawi, nanshi ʉYehoobha sha halajiziizye. Ibooma liila ɨlya hu Ninaawi lyahali ligoosi haani. Ʉgoosi waakwe afume hu wandilo afishe hu malishilo waakwe wahali wa jende ɨnsiku zitaatu. ɄYoona lwa waafiha hu Ninaawi, ahazyʉngʉʉla ʉsanya wonti, ahabhalʉmbɨlɨlaga abhantu huje, “Zisyalile ɨnsiku amashʉmi (amalongo) ganɨ geene huje, ʉYehoobha alinangaanye ibooma ɨlya hu Ninaawi lwonti!”
Lwa bhʉmvwa ɨnongwa zya hayanga ʉYoona, abhantu abha mu Ninaawi bhahɨɨtɨha izwi lya Ngʉlʉbhɨ. Ɨnongwa zyahazyambaana huje, abhantu bhonti bhahwiyiime, bhaleshe alye na mwele, ahwande abhadoodo na bhagoosi. Nantele, bhonti bhakwate amagunila, abhonesye aje, bhalambile hwa Ngʉlʉbhɨ ɨmbiibhi zyabho.
Ʉmwɨnɨ ʉwa hu Ninaawi lwa wʉmvwa ɨnongwa ziila ʉYoona zya hayangaga, aheepa pi tengo lyakwe ɨlya wumwɨnɨ, ahawula igolole lyakwe ɨlya wumwɨnɨ, ahakwata igunila na khale mu malota.* akhale mu malota Hulɨngaana na miiho ga Bhasafwa ga vuluvumbe mu masuuto. Ʉlwo ʉmwɨnɨ ahabhasonteelezya abhafumu huje, bhakhome ɨndudwe na zyambazye ɨnongwa zyakwe hwa bhantu bhaakwe bhonti mu Ninaawi. Bhahalʉmbɨɨlɨla bhahaga, “Anɨ nɨ mwɨnɨ weenyu peeka na bhafumu bhaanɨ tiyanga tiyiga, ‘Afume asanyʉʉnʉ (ɨleelo) abhantu bhonti peeka nɨ vyʉma vyonti visahalye na mwele. Nantele, abhantu bhonti bhakwate amagunila na vikwinshile ɨvyʉma vyope na magunila. Abhantu bhonti bhande ahunʼilile ʉNgʉlʉbhɨ hwi khone lyabho lyonti, bhɨɨtɨshe huzileshe ɨmbiibhi nʉ khali waabho nanshi ʉwɨ nsama hwa bhanjɨ. Weenu ʉya mɨɨnye? Lumo ʉNgʉlʉbhɨ agagalulanya ɨnsɨɨbho zyakwe na leshe ɨlyoyo lyakwe ikhali, huje, asahatigoje.’ ”  Bhaazya Yooweli 2:12-15.
10 ɄNgʉlʉbhɨ ahalola huje, bhonti bhabhombile shiila, na zileshe ɨmbiibhi zyabho. Ɨpo ahagalulanya ɨnsɨɨbho zyakwe, saga ahabhayazya lwonti nanshi sha hasɨɨbhile.

*3:6 akhale mu malota Hulɨngaana na miiho ga Bhasafwa ga vuluvumbe mu masuuto.

3:9 Bhaazya Yooweli 2:12-15.