5
ɄYeesu ahumʼponia ʉmuntu ʉwɨ mpepo ɨhandamanu
(Mataayo 8:28-34; Luuka 8:26-39)
ɄYeesu na bhasundwe bhaakwe bhahafiha hwi syɨla ɨlyɨnjɨ ɨlyɨ Nsʉmbi ɨYa Hu Galilaaya, hu nsi ɨya hu Bhagelaasi. ɄYeesu lwa wiiha lwene afume mu waato, ʉmuntu ʉmo wa hali nɨ mpepo ɨhandamanu ahafuma hu nkʉngwa,* Gahali miiho ga Bhayahuudi asyɨle abhantu mu magwenya ga gahali mu magamba, gamo bhahabanaga bhɨɨbho. ahanʼshɨmbɨɨlɨla ʉYeesu. Ʉmuntu ʉnʉ ahakhalaga hu nkʉngwa, ahali ni khone, saga ahali ʉmuntu nʉʉmo wa bhajiiye humʼpinye nka hu manyololo. Bhahamʼpinyaga hahinji lwene na manyololo mu manama. Mu nyoobhe bhahamʼpinyaga nɨ mpɨngo, leelo ahadadulanyaaga vyonti. Saga ahali ʉmuntu nʉʉmo wa bhajiiye hunʼtole lwonti. Ahakhalaga hu nkʉngwa na mu magamba pasanya na nʉsiku, ahabwagaga na hwibhoolanye na mawe.
Ʉmuntu ʉla lwa wanʼola ʉYeesu hutali lwene, ahanʼshɨmbɨɨlɨla, ahabhala, ahasugamila mu manama gaakwe. 7-8 ɄYeesu lwa wanʼola, ahalibhʉʉzya ipepo ikhandamanu lya lyahali mwa mwene huje, “Fuma mwa muntu ʉnʉ!” Ɨpo ʉmuntu ʉla ahakhoola haani huje, “Ʉgandi huntaamye, awe Yeesu Mwana Wa Ngʉlʉbhɨ Wa Li Nʼgoosi Hu Vintu Vyonti! Ɨhulamba hwi taawa lya Ngʉlʉbhɨ huje, ʉgandi hunjɨmvye.”
ɄYeesu ahabhʉzɨɨlɨzya huje, “Itaawa lyaho we naanu?” Lyahamwamula lyahaga, “Itaawa lyanɨ nɨ Mpʉga, pɨpo atɨ tili bhinji muuhati mwa muntu ʉnʉ.” 10 Ipepo liila lyahanʼamba haani huje, “Ʉgandi hutitumvye mu nsi ɨnɨ.”
11 Ɨshi, papaala hwahali ni diimo igoosi lyɨ ngʉlʉbhɨ. Idiimo ɨlyo lyahalyanga mu lubhambala ʉlwɨ hagamba. 12 Ɨpo ɨmpepo ziila zyahaga, “Tihulamba huje, ʉtɨtɨshɨle, titʉʉshe mu ngʉlʉbhɨ ziila.” 13 ɄYeesu ahazyɨtɨshɨla, zyope zyahafuma, zyahazitʉʉha ɨngʉlʉbhɨ. Idiimo lyonti lyɨ ngʉlʉbhɨ lubhilo lyahashɨmbɨla, lyahiiha ʉlwiha lwa lusulɨɨme haani ʉlwɨ hagamba haala, lyahagwɨla mu nsʉmbi na fwe. Ɨngʉlʉbhɨ ɨzyo zyahali elufu zibhɨɨlɨ ɨshi.
14 Abhadiimi bhɨ ngʉlʉbhɨ ziila bhahashɨmbɨla, bhahabhala mwi booma ipalamani na paala, na mu vipanga ɨvya mu pɨɨpɨ. Poponti pa bhahafihaga, bhahabhabhʉzyaga abhantu ɨnongwa ɨzyo. Abhantu bhahɨnza huje, bhahwilolele bhɨɨbho zya zyabhombeha. 15 Bhahamwɨnzɨla ʉYeesu. Lwa bhanʼola ʉmuntu wa hali nɨ mpʉga yɨ mpepo akhɨɨye, akwɨte amenda, ali nɨ njeele zyonti, bhahoogopa haani. 16 Bhaala bha bhahalolile zya zyamwaga ʉmuntu ʉla nɨ ngʉlʉbhɨ, bhabha bhahubhabhʉʉzya abhantu abhanjɨ zyɨnɨɨzyo. 17 Ɨpo ɨmpʉga ɨla yahanda hunʼambe ʉYeesu huje, “Sogolaga mu nsi yeetu.”
18 ɄYeesu lwa tʉʉha mu waato, ʉmuntu ʉla zyahamwepile ɨmpepo, ahanʼambaga ʉYeesu ahagaga, “Nɨtɨshɨzye huje, ɨhubhɨnjɨlɨzyaje awe na bhe nʼsundwe waaho.” 19 Leelo, ʉYeesu saga ahamwɨtɨshɨla, ahamʼʉʉzya huje, “Bhalaga humwenyu, ʉbhabhʉʉzye ɨnongwa ɨmwamu ɨzi ʉYehoobha zya bhombɨɨye, na sha walolela ɨnkʉmbʉ.” 20 Ɨpo ʉmuntu ʉla ahasogola, ahanda anyampaanye ɨnongwa pa Dekapooli, Dekapooli ƗShiyunaani shiyiga, gahali mabooma ishʉmi ga gahahwitabhaalaga. Abhantu abhinji saga bhahali Bhayahuudi, ɨnjango yaabho yahali Shiyunaani. ɨmbombo ɨmwamu ɨzyo ʉYeesu zya mʼombɨɨye. Abhantu bhonti bhahaswiga.
ɄYeesu ahunʼzyʉsya ʉmwalɨ wa Yaayilo na humʼponie ʉnʼshɨ ʉmwavu
(Mataayo 9:18-26; Luuka 8:40-56)
21 ɄYeesu na bhasundwe bhaakwe lwa bhafwɨmɨɨla ɨnsʉmbi mu waato aweele hwi syɨla ɨlyɨnjɨ, ɨmpʉga ɨngoosi ɨya bhantu yahamʼʉnganiiye papaala panshɨnjɨ pa nsʉmbi. 22 Pɨnɨɨpo, ahɨnza ʉnʼongozi ʉmo wɨ nyumba yaabho ɨya puutile na manyiilile, ʉnʼongozi ʉmo wɨ nyumba yaabho ɨya puutile na manyiilile Shila nyumba ɨya puutile na manyiilile yahali nʉ nʼongozi ʉmo awe bhabhɨɨlɨ. Abhantu ɨbha saga bhahali bhasayi bha Ngʉlʉbhɨ awe bhamanyizyi. Bhahasʉngaga ɨnyumba ɨzya puutile na manyiilile, ɨmpuuto nɨ mbombo ɨzyɨnjɨ zya mu nyumba ɨzyo. ʉla itaawa lyakwe ahali yʉ Yaayilo. Lwa wanʼola ʉYeesu, ahamʼalila, ahasugamila pa manama gaakwe. 23 Ahanʼamba huje, “Ʉmwalɨ waanɨ mʼinu, asyalile hashe afwe. Nalamba nalamba, saali, ʉmʼɨɨshɨle ɨnyoobhe zyaho, ɨmpʉngo ɨyeepe mu mʼbɨlɨ gwakwe huje, asahafwe.” 24 ɄYeesu ahalongozanya nawo abhale hwa mwene. Ɨmpʉga ɨngoosi ɨla yahamʼɨnjɨlɨzyaga, bhahamʼbijizyaga haani paala pa hali.
25 Mu mpʉga ɨla mwahali nʉ nʼshɨ ʉmo wa hali mʼinu. Ahabhinaga ɨmpʉngo ɨya zwe idanda hu shishɨ hu maaha ishʉmi na gabhɨɨlɨ. 26 Ʉnʼshɨ ʉla ahayɨmbɨle haani, abheete mwa bhaganga abhinji. Ahamalile ɨshʉʉma shaakwe shonti atwale hwa bhaganga, leelo ɨmpʉngo yaakwe saga yahatontaga lwonti, lyoli yahonjelelaga. 27-28 Ʉnʼshɨ ʉla lwa wʉmvwa ziila ʉYeesu abhombile, ahasɨɨbhaga huje, “Nkashele ɨmbala hugupalamansye ʉmwenda gwakwe lwene, ɨmbala pone.” Pa ahajenda akhosi hwa Yeesu mu mpʉga ya bhantu, ahagupalamansya ʉmwenda gwa Yeesu. 29 Lwa wagupalamansya lwene, idanda lyahaleha afume, wope ahahwiyʉmvwa huje, aponile lyoli.
30 ɄYeesu ahamanya lwene huje, ikhone lyakwe libhombile ɨmbombo. Ahashebhela, ahabhabhʉzɨɨlɨzya huje, “Weenu wa wampalamansya amenda gaanɨ?” 31 Abhasundwe bhaakwe bhahamwamula bhahaga, “Hee! Ɨshi ʉlola abhantu bhonti ɨbha bhahwibijiizya hwaliiwe, nkalɨ yeenu ʉbhʉzɨɨlɨzya ʉyiga, ‘Weenu wa wampalamansya?’ ” 32 Leelo, ahelenganya amaaso ʉhwu nʉʉhwu ahwenye ʉmuntu wa wamʼpalamansya. 33 Ɨpo ʉnʼshɨ ʉla ahoogopa,§ ʉnʼshɨ ʉla ahoogopa Ʉnʼshɨ ʉya hazwanga idanda bhahanʼsalaga huje, mwavu. Saga ahɨtɨshɨlwaga nɨ ndajizyo ɨzya Moose abhʉngaane peeka na bhanjɨ. Ʉmuntu wa hunʼkhata, wope ahabhanga mwavu. Bhaazya ɨMbombo Zya Bhalaawi (Mambo ya Walawi) 15:25-33. ahɨnza na sugamile pa manama ga Yeesu, sha yinga, pɨpo ahamɨɨnye zya zibhombɨɨshe hwa mwene. Ahamʼʉʉzya sha zyahali. 34 ɄYeesu ahamʼʉʉzya huje, “Nʼɨndu, ʉponile, pɨpo ʉli nʉ lwɨtɨho. Bhalaga hu tengaanu, ɨshi ʉponile.”
35 ɄYeesu lwa li ayanje nʉ nʼshɨ ʉyo, abhantu bhahɨnza afume hu khaaya ya Yaayilo, ʉnʼongozi wɨ nyumba ɨya puutile na manyiilile, bhahaga, “We Yaayilo, leha hunʼyanzye ʉMʼmanyizyi, ʉmwalɨ waaho afwiye.” 36 Leelo, ʉYeesu saga ahasaaga ziila bhahayangaga lwonti, ahamʼʉʉzya ʉyise wa mwalɨ ʉla huje, “Ʉgandi ahwogope lwonti, awe ʉbhe nʉ lwɨtɨho lwene.” 37 ɄYeesu ahabhagalusya abhantu abhanjɨ bhonti huje, bhagandi alongozanye nawo. Leelo, ahabhala nʉ Peeteli, ʉYaakobo nʉ Yoohani ʉnʼdoodo wa Yaakobo bheene.
38 Lwa bhahafiha pa khaaya ya Yaayilo, ʉYeesu na bhasundwe bhaakwe bhahega abhantu bhalila na zonde. 39 ɄYeesu ahatʉʉha mu nyumba muula, ahabhabhʉzɨɨlɨzya huje, “Muzonda yeenu? Ʉnʼɨndu ʉnʉ saga afwiye lwonti, agonile ʉtulo lwene.” 40 Ɨmpʉga ya bhantu bhaala yahakhasamala na hunʼseshe, leelo wope ʉYeesu ahabhafumya bhonti panzɨ. Ahamwega ʉyise wa mwana nʉ nyina waakwe na bhasundwe bhaakwe bhataatu, bhahabhala hu mpanda hwa bhalambaliishe ʉmʼvimba. 41 Ahagukhata ʉmʼvimba guula ʉnʼkhono, ahaga, “Talita, komi!” Hwa huje, “We nʼɨndu, ɨnjiga, daamuha!” 42 Pɨnɨɨpo, ʉnʼɨndu ʉya hali na maaha ishʉmi na gabhɨɨlɨ, ahɨmɨɨlɨla, ahanda ajende. Bhahaswiga haani. 43 ɄYeesu ahabhakhajiizya haani huje, “Mugandi ahumʼʉʉzye ʉmuntu nʉʉmo zya zyabhombeha.” Nantele, ahabhabhʉʉzya abhapaafi bha nʼɨndu ʉla huje, bhamʼpeele ɨshalye.

*5:2 Gahali miiho ga Bhayahuudi asyɨle abhantu mu magwenya ga gahali mu magamba, gamo bhahabanaga bhɨɨbho.

5:20 Dekapooli ƗShiyunaani shiyiga, gahali mabooma ishʉmi ga gahahwitabhaalaga. Abhantu abhinji saga bhahali Bhayahuudi, ɨnjango yaabho yahali Shiyunaani.

5:22 ʉnʼongozi ʉmo wɨ nyumba yaabho ɨya puutile na manyiilile Shila nyumba ɨya puutile na manyiilile yahali nʉ nʼongozi ʉmo awe bhabhɨɨlɨ. Abhantu ɨbha saga bhahali bhasayi bha Ngʉlʉbhɨ awe bhamanyizyi. Bhahasʉngaga ɨnyumba ɨzya puutile na manyiilile, ɨmpuuto nɨ mbombo ɨzyɨnjɨ zya mu nyumba ɨzyo.

§5:33 ʉnʼshɨ ʉla ahoogopa Ʉnʼshɨ ʉya hazwanga idanda bhahanʼsalaga huje, mwavu. Saga ahɨtɨshɨlwaga nɨ ndajizyo ɨzya Moose abhʉngaane peeka na bhanjɨ. Ʉmuntu wa hunʼkhata, wope ahabhanga mwavu. Bhaazya ɨMbombo Zya Bhalaawi (Mambo ya Walawi) 15:25-33.