9
ɄYeesu ahajendeelela hubhabhʉʉzye huje, “Lyoli ɨhubhabhʉʉzya, bhalɨɨho abhantu pɨɨpa, bha saga bhahaifwa sha bhasɨɨle huwulole ʉwumwɨnɨ wa Ngʉlʉbhɨ wuhwɨnza hwi khone.”
ɄYeesu agaluuhana ɨsheeni
(Mataayo 17:1-13; Luuka 9:28-36)
Lwa zyashɨla ɨnsiku nʼtanda, ʉYeesu ahabheega ʉPeeteli, ʉYaakobo nʉ Yoohani, ahabhala peeka nabho hwi gamba itali. Bhahanʼola ʉYeesu agaluuhana ɨsheeni shaakwe, ahanda aloleshe shɨnjɨ. Amenda gaakwe gahanda alapuuhane haani. Gahabha mazelu ashɨle ʉnʼkhanza menda wowonti ʉwa mu nsi ʉmu sha gagakhanza. ɄEliya nʉ Moose, abhakuwi bha Ngʉlʉbhɨ abhɨ mandɨ, bhahabhaloleshela, bhayanga nʉ Yeesu.
ɄPeeteli ahamʼʉʉzya ʉYeesu huje, “Mʼmanyizyi, shinza tee atɨ huje, tibhe ɨpa! Ɨshi, tizenje amasebhele gataatu. Lyeka libhe lyaho, lyeka libhe lya Moose nɨ lyamwabho libhe lya Eliya.” Saga ahamɨɨnye ɨlya yanje, pɨpo ʉmwene na bhamwabho bhahogʉʉpe haani.
Ɨpo ibhɨngo lyahɨnza, lyahabhagubiha. Izwi lya Ngʉlʉbhɨ lyahʉmvwɨha afume mwi bhɨngo liila hu nongwa ya Yeesu, lyahaga, “Ʉnʉ Mwana waanɨ ʉnʼkʉndwe, mumwʉmvwaje yʉʉyo.” Pɨnɨɨpo lwene, abhasundwe bhaala bhaheenya ʉhwu nʉʉhwu, saga bhahanʼola ʉmuntu ʉwamwabho, lyoli ʉYeesu mwene.
Lwa bhahwiha mwi gamba liila, ʉYeesu ahabhakhajiizya huje, “Musahasheele humʼʉʉzye ʉmuntu nka weeka zya muzilolile hwi gamba ʉhwu, muleshe sʉʉti anɨ nɨ Mwana Wa Muntu ɨnzyʉshe afume hwa bhafwe.” 10 Abhasundwe bhaala bhahalikhata izwi liila. Ɨpo bhahabha sha bhabhʉzɨlɨzanya bhɨɨbho na bhɨɨbho huje, “Azyʉshe afume hwa bhafwe hwa huje bhʉlɨ?”
11 Bhahamʼʉzɨɨlɨzya ʉYeesu bhahaga, “Ɨshi yeenu abhamanyizyi abhɨ ndajizyo zya Moose bhaala bhayiga, ɨhwanziwa huje, ʉEliya ʉnʼkuwi wa Ngʉlʉbhɨ ayɨnze sha sɨɨle ahwɨnze ʉKilisiti nasʉʉti?”  Bhaazya Malaaki 4:5-6.
12 Wope ahabhaamula huje, “Lyoli ʉEliya ahwɨnza nasʉʉti huzilɨngaanye zyonti. Nantele, ɨsimbwilwe mu Nsimbo ɨMfinjile huje, anɨ nɨ Mwana Wa Muntu nahailabha amayɨmba aminji na syoshelwe. 13 Ɨshi ɨhubhabhʉʉzya huje, ʉEliya ayɨnzɨle, Bhaazya Mataayo 11:13-14; 17:10-13.* ʉEliya ayɨnzɨle ɄYeesu ahalɨnganisiizye ʉYoohani ʉMwozi nʉ Eliya. ɄYoohani ʉMwozi ahabhombile ɨmbombo ɨyo aBhayahuudi bhahasʉbhɨlaga huje, ʉEliya ahaibhomba. Ɨmbombo ɨyo yahali ya hulɨnganyizye ʉYeesu idala. Bhaazya Maalʉko 1:2-4. bhope bhahamʼombɨɨye zyonti ɨmbiibhi zya bhahanzaga, Bhaazya Maalʉko 6:14-29. nanshi sha zyahasimbwilwe.”
ɄYeesu ahumʼponia ʉmwana wa li ni pepo ikhandamanu
(Mataayo 17:14-21; Luuka 9:37-43a)
14 ɄYeesu, ʉPeeteli, ʉYoohani nʉ Yaakobo lwa bhaafiha hwa bhasundwe abhamwabho, bhahayilola ɨmpʉga ɨngoosi ɨya bhantu ɨbhazyʉngʉʉlɨle. Abhamanyizyi abhɨ ndajizyo zya Moose bhahadalihanaga na bhasundwe. 15 Nalinaali lwene, ɨmpʉga yonti ɨya bhantu yahanʼola ʉYeesu, yahaswiga haani. Yahanʼshɨmbɨɨlɨla, yahanʼamuha. 16 ɄYeesu ahabhabhʉʉzya huje, “Mudaliihana yeenu nabho?”
17 Ʉmuntu ʉmo mu mpʉga ɨla ahamwamula ahaga, “Mʼmanyizyi, ɨnʼeetile ʉmʼvwɨlɨ waanɨ huliiwe. Ali ni pepo lya lihumʼɨɨha abhe mʼbwibwi. 18 Wiila nka lyanʼkhata, lihunʼgwisya pansi, ahwanda afumye itatafula hwi lomu, na zyeguzye amiino na hwʉme ʉmʼbɨlɨ gwonti. Ɨmbalaabhile abhasundwe bhaaho huje, bhalyefwe ipepo, abheene bhapotiilwe.”
19 ɄYeesu ahaga, “Mubhantu amwɨ mu habhaazyo ɨha, saga muli nʉ lwɨtɨho ʉlwa hunʼsʉʉbhɨle ʉNgʉlʉbhɨ? Ɨmbe naamwɨ afishe habhaazyo bhʉlɨ? Ɨmbala hwejeelane naamwɨ afishe ndi? Nʼeeti ʉmwana huliinɨ.” 20 Bhahanʼeeta ʉnʼsahaala ʉla hwa Yeesu. Ipepo liila lwa lyanʼola ʉYeesu, pɨnɨɨpo lwene lyahanʼzilisya ʉmwana ʉla. Ahagwa pansi, ahagalagaata na fumye itatafula hwi lomu. 21 ɄYeesu ahamʼʉzɨɨlɨzya ʉyise wa mwana ʉla huje, “Amayɨmba gɨɨga gamwandile afume ndi ʉmwana?” Ʉyise ahaga, “Afume hu waana waakwe. 22 Wiila ipepo ɨli lihunʼgwisya mu mwoto na mu mɨnzɨ huje, linʼgoje. Ɨshi nkashele ʉli ni khone ɨlya bhombe lyolyonti, ʉtilolele ɨnkʉmbʉ, ʉtaavwe.”
23 ɄYeesu ahamwamula ahaga, “Yeenu ʉyanjile huje, ‘nkashele ʉli ni khone’? Zyonti zibhombeha hwa muntu wa hunʼsʉʉbhɨla ʉNgʉlʉbhɨ.”
24 Nalinaali lwene ʉyise wa mwana ʉla ahakhoola mwi taali ahaga, “Ɨhwɨtɨha hunʼsʉʉbhɨle ʉNgʉlʉbhɨ! Ɨshi, ʉlwɨtɨho lwanɨ saga lukhondɨɨye, naavwe ɨmbe nʉ lwɨtɨho.”
25 ɄYeesu lwa wayilola ɨmpʉga ya bhantu ɨhwonjeelela humʼʉngaanile, ahalidaamila ipepo ikhandamanu liila, ahaga, “We lipepo! Ʉhumʼɨɨha mʼbwibwi, nantele nʼdinde ʉmwana ʉnʉ. Ɨshi ɨhubhʉʉzya ɨnjiga, fuma mwa mwana ʉnʉ, ʉsahasheele hunʼtʉʉshe nantele!” 26 Ɨpo ipepo liila lyahakhoola ɨhoolo ɨngoosi, lyahanʼgwisya ʉmwana ʉla na hunʼgalagaasye habhiibhi, lyahasogola. Ʉmwana ʉla ahabha nkati afwiye, abhinji paala bhahagaga, “Afwiye!” 27 Leelo, ʉYeesu ahanʼkhata ʉnʼkhono ʉmwana ʉla, ahamʼʉʉsya, wope ahɨmɨɨlɨla.
28 ɄYeesu lwa watʉʉha mu nyumba, abhasundwe bhaakwe bhahamʼʉzɨɨlɨzya panshɨnjɨ huje, “Yeenu atɨ tipotiilwe hulyefwe ipepo ɨli?”
29 ɄYeesu ahabhabhʉʉzya huje, “Ipepo nanshi ɨli saga lifuma hu yanje lwene, handɨ na hu mpuuto.”  handɨ na hu mpuuto Ɨnsimbo zimo ɨzyɨ mandɨ ziyiga, ɨmpuuto na hwiyiime alye.
ɄYeesu ahwonjela ayanje afwe na zyʉshe hwakwe
(Mataayo 17:22-23; Luuka 9:43b-45)
30 ɄYeesu na bhasundwe bhaakwe bhahasogola, bhahanda ajende, bhahashɨlɨla paahati pa mukowa ʉgwa hu Galilaaya. ɄYeesu saga ahasʉngwɨlwe huje, abhantu bhamanye ɨpo ahali, 31 pɨpo ahabhamanyizyaga abhasundwe bhaakwe. Ahabhabhʉʉzya ahaga, “Anɨ nɨ Mwana Wa Muntu nahaikhatwa na twalwe hwa bhantu bha bhahaingoga, leelo isiku ɨlya taatu afume afwe hwanɨ, nahaizyʉha.” 32 Abhasundwe bhaakwe saga bhahazyaganyaaga nazimo zya hayangaga, leelo bhahabha nɨ lyoga humʼʉzɨɨlɨzye.
Yʉ naanu ʉnʼgoosi hwa bhonti
(Mataayo 18:1-5; Luuka 9:46-48)
33 ɄYeesu na bhasundwe bhaakwe bhahafiha hwi booma ɨlya hu Kapelenaumu. Lwa bhatʉʉha mu nyumba, ʉYeesu ahabhabhʉzɨɨlɨzya huje, “Mwadalihanaga zyenu mwi dala?” 34 Ɨpo abhasundwe bhaakwe bhahapʉʉma myɨ, pɨpo bhahadalihanaga bhɨɨbho na bhɨɨbho mwi dala huje, ʉnʼgoosi ashɨle abhamwabho bhonti yʉ naanu. 35 ɄYeesu ahakhala pansi, ahabhakwizya abhasundwe bhaakwe ishʉmi na bhabhɨɨlɨ. Ahabhabhʉʉzya huje, “Ʉmuntu ʉya hwanza abhe nʼgoosi wa bhonti, ahwanziwa ahwiyiisye pansi na bhe mʼomvi wa bhonti.”
36 Ahamwega ʉmwana ʉnʼdoodo, ahamwɨmɨɨlɨsya pitagaalila lyabho. Ahamʼpagatila, ahabhabhʉʉzya huje, 37 “Ʉmuntu wowonti ʉya humwejeelela ʉmwana nanshi ʉnʉ hwi taawa lyanɨ, ahunejeelela nɨɨnɨ. Nantele, ʉmuntu ʉla wa hunejeelela anɨ, saga ahunejeelela nɨɨnɨ nɨ mwene. Lyoli ahumwejeelela yʉ Ngʉlʉbhɨ ʉya nsonteleziizye anɨ.”
Ʉmuntu wa saga ahunʼkhaana ʉYeesu, ʉyo ali peeka nawo
(Luuka 9:49-50)
38 ɄYoohani ahamʼʉʉzya ʉYeesu huje, “Mʼmanyizyi, tinʼolile ʉmuntu ʉmo ahuzyefwa ɨmpepo hwi taawa lyaho, lyoli atɨ tahalɨnjɨle hunʼkhaane, pɨpo saga ali peeka naatɨ.”
39 Leelo, ʉYeesu ahabhaamula huje, “Ɨshi, mugandi hunʼkhaane ʉmuntu nanshi ʉyo. Saga alɨɨho ʉmuntu wa bhomba amayele hwi taawa lyanɨ, nantele pitagaalila nka yandaje hunjanje shibhiibhi anɨ. 40 Ʉmuntu wowonti wa saga ahutikhaana, ʉyo ali peeka naatɨ. 41 Ʉmuntu wowonti ʉla ahaihubhapeela nka mɨnzɨ aga mwele hu nongwa ya huje, amwɨ muli bhantu bha Kilisiti, lyoli ɨhubhabhʉʉzya huje, ahaiyambɨɨlɨla ɨmpeesya yaakwe.”
Ahwazye abhantu abhombe ɨmbiibhi
(Mataayo 18:6-9; Luuka 17:1-2)
42 “Ʉmuntu wowonti ʉla ya haihumwalanganya ʉwamwabho ʉmo mwɨbha bha bhanɨtɨɨshe abhombe ɨmbiibhi, amayɨmba gaakwe gahaibha magoosi haani. Hwashi akʉngwe ʉlwala mu nsingo na hunʼdumbushizye mu nsʉmbi. 43 Ɨnyoobhe yaaho nkashele ɨhuhwalanganya aleshe ʉlwɨtɨho, ʉyidumule. Hwashi ʉtʉʉshe nɨ shilema ɨshɨ nyoobhe yeeka hu wʉʉmi ʉwa wiila na wiila, na huje, ʉbhale nɨ nyoobhe zibhɨɨlɨ hu mwoto gwa saga guzima nka lumo. 44 Hwʉhwo ɨmvinyo ɨzyʉhwo saga zifwa, nʉ mwoto gwakwe saga guzima nka lumo. Amazwi ɨga saga galɨɨho mu nsimbo zimo ɨzyɨ mandɨ ɨzyɨ Shiyunaani, Hwʉhwo ɨmvinyo ɨzyʉhwo saga zifwa, nʉ mwoto gwakwe saga guzima nka lumo. 45 Ɨshinama shaaho nkashele shihuhwalanganya aleshe ʉlwɨtɨho, ʉshidumule. Hwashi ʉtʉʉshe nɨ shilema ɨshɨ shinama sheeka hu wʉʉmi ʉwa wiila na wiila, na huje, ʉtaagwe hu mwoto na manama gabhɨɨlɨ hwʉhwo ʉmwoto gwakwe saga guzima nka lumo. 46 Hwʉhwo ɨmvinyo ɨzyʉhwo saga zifwa, nʉ mwoto gwakwe saga guzima nka lumo.§ Amazwi ɨga saga galɨɨho mu nsimbo zimo ɨzyɨ mandɨ ɨzyɨ Shiyunaani, Hwʉhwo ɨmvinyo ɨzyʉhwo saga zifwa, nʉ mwoto gwakwe saga guzima nka lumo. 47 Ɨliiso lyaho nka lihuhwalanganya aleshe ʉlwɨtɨho, ʉseenye. Hwashi ʉtʉʉshe nɨ shilema ɨshɨ liiso lyeka hu wumwɨnɨ ʉwa Ngʉlʉbhɨ, na huje, ʉbhe na maaso gabhɨɨlɨ na taagwe hu mwoto gwa saga guzima nka lumo. 48 Hwʉhwo ɨmvinyo ɨzyʉhwo saga zifwa, nʉ mwoto gwakwe saga guzima nka lumo. 49 ɄNgʉlʉbhɨ ahaihunʼshɨzya ʉmuntu wonti mu mayɨmba ga galɨngɨɨne nʉ mwoto,* Ʉmwoto holanyo yɨ mayɨmba ga gahaihubhaaga aBhakilisiti na khamantanye ʉlwɨtɨho lwabho. nanshi abhantu sha bhapahazya ibheeya ibheeya Ɨnyama yahapahwaga ibheeya huje, bhayisangalusye nka bhayilʉngʉlɨzyaje. mu nyama sha bhasɨɨle alʉngʉlɨzye. Bhaazya ɨMbombo Zya Bhalaawi (Mambo ya Walawi) 2:13; Ezekiyeeli 43:24. ƗShiyunaani shiyiga, Ʉmuntu wonti ahailʉngwa ibheeya nʉ mwoto. 50 Ibheeya linza, lyoli nkashele lyananjiha ʉwinza waakwe, mugalʉnga hantu heenu huje, likhole nantele? Namwɨ mubhanje nanshi ibheeya lya likhola, mubhanje nʉ lwʉmvwano mwɨmwɨ na mwɨmwɨ.”

9:11 Bhaazya Malaaki 4:5-6.

9:13 Bhaazya Mataayo 11:13-14; 17:10-13.

*9:13 ʉEliya ayɨnzɨle ɄYeesu ahalɨnganisiizye ʉYoohani ʉMwozi nʉ Eliya. ɄYoohani ʉMwozi ahabhombile ɨmbombo ɨyo aBhayahuudi bhahasʉbhɨlaga huje, ʉEliya ahaibhomba. Ɨmbombo ɨyo yahali ya hulɨnganyizye ʉYeesu idala. Bhaazya Maalʉko 1:2-4.

9:13 Bhaazya Maalʉko 6:14-29.

9:29 handɨ na hu mpuuto Ɨnsimbo zimo ɨzyɨ mandɨ ziyiga, ɨmpuuto na hwiyiime alye.

9:44 Amazwi ɨga saga galɨɨho mu nsimbo zimo ɨzyɨ mandɨ ɨzyɨ Shiyunaani, Hwʉhwo ɨmvinyo ɨzyʉhwo saga zifwa, nʉ mwoto gwakwe saga guzima nka lumo.

§9:46 Amazwi ɨga saga galɨɨho mu nsimbo zimo ɨzyɨ mandɨ ɨzyɨ Shiyunaani, Hwʉhwo ɨmvinyo ɨzyʉhwo saga zifwa, nʉ mwoto gwakwe saga guzima nka lumo.

*9:49 Ʉmwoto holanyo yɨ mayɨmba ga gahaihubhaaga aBhakilisiti na khamantanye ʉlwɨtɨho lwabho.

9:49 ibheeya Ɨnyama yahapahwaga ibheeya huje, bhayisangalusye nka bhayilʉngʉlɨzyaje.

9:49 Bhaazya ɨMbombo Zya Bhalaawi (Mambo ya Walawi) 2:13; Ezekiyeeli 43:24.

9:49 ƗShiyunaani shiyiga, Ʉmuntu wonti ahailʉngwa ibheeya nʉ mwoto.