1 Ɨpo ʉYeesu na bhasundwe bhaakwe bhahasogola hu Kapelenaumu, bhahabhala hu mukowa ʉgwa hu Yudeeya. Bhahashɨzanya na lobhoshe hwi syɨla li sooho ɨlyɨ Yolodaani. Ɨmpʉga ɨngoosi ɨya bhantu yahamʼʉngaanila nantele. Ahabhamanyizyaga nanshi sha lʉbhɨɨye abhombe wiila.

2 ABhafalisaayo bhahɨnza hunʼjele. Bhahamʼʉzɨɨlɨzya bhahaga, “Bhʉlɨ, ʉnʼume abhajiiye hunʼeshe ʉnʼshɨ waakwe?”

3 ɄYeesu ahabhaamula ahaga, “ɄMoose ahalajiziizye ndajizyo bhʉlɨ?” 4 Bhahamwamula bhahaga, “ɄMoose ahɨtɨɨshe huje, ʉnʼume anʼsimbilaje ɨkalaata ʉnʼshɨ waakwe ɨya hunʼeshe.”  Bhaazya ɨNyiizuho (Kumbukumbu la Torati) 24:1. 5 Ɨpo ʉYeesu ahabhabhʉʉzya huje, “ɄMoose ahabhasimbiiye ɨndajizyo ɨyo hu nongwa yɨ khome wɨ mooyo geenyu. 6 Leelo, afume hu wandilo ʉNgʉlʉbhɨ lwa hapelaga ɨnsi ‘ahapelile ʉnʼume nʉ nʼshɨ,’  Bhaazya ʉWandilo (Mwanzo) 1:27. 7 ‘yɨ nongwa ɨnɨ, ʉnʼume ahaihubhaleha ʉyise nʉ nyina, ahaipatiihana nʉ nʼshɨ waakwe. 8 Bhabhɨɨlɨ ɨbho bhahaibha mʼbɨlɨ gweka.’  Bhaazya ʉWandilo (Mwanzo) 2:24. Ɨshi, bhabhɨɨlɨ ɨbho saga bhabha bhantu bhabhɨɨlɨ, lyoli bhabha mʼbɨlɨ gweka. 9 Abhantu ɨbho ʉNgʉlʉbhɨ bha bhapatihɨɨnye, asahasheele ʉmuntu nʉʉmo hubhalehanye.”

10 Lwa bhatʉʉha nantele mu nyumba, abhasundwe bhaakwe bhahamʼʉzɨlɨzyaga hinza hu nongwa ɨyo. 11 ɄYeesu ahabhabhʉʉzya huje, “Ʉmuntu ʉla ahunʼeha ʉnʼshɨ waakwe na hweje ʉwɨnjɨ, ahumʼombela weegu ʉnʼshɨ ʉwa hwande. 12 Wope ʉnʼshɨ ʉla ahunʼeha ʉnʼume waakwe na hwegwe nʉ nʼume ʉwɨnjɨ, ahumʼombela weegu ʉnʼume ʉwa hwande.”

13 Abhantu bhahanʼetelaga ʉYeesu abhaana abhadoodo huje, abhapalamansye na hubhasaye. Leelo, abhasundwe bhaakwe bhahabhadaamila bhaala bha bhahabhaleetaga abhaana. 14 ɄYeesu lwa waalola bhabhomba shiila, ahaviitwa. Ahabhabhʉʉzya huje, “Bhaleshi abhaana abhadoodo bhɨnzaje huliinɨ, mugandi hubhakhaane! Abhantu bha bhali nanshi abhaana abhadoodo ɨbha, bha bhatʉʉha hu wumwɨnɨ wa Ngʉlʉbhɨ. 15 Lyoli ɨhubhabhʉʉzya huje, ʉmuntu ʉya saga ahwɨtɨha ʉlongozi wa Ngʉlʉbhɨ nanshi ʉmwana ʉnʼdoodo sha hwɨtɨha, saga agatʉʉha nka lumo mu wumwɨnɨ ʉwa Ngʉlʉbhɨ.” 16 Ɨpo ahabhapagatila abhaana bhaala, ahabhabhɨshɨlaga ɨnyoobhe zyakwe, ahabhasayaga.

17 ɄYeesu na bhasundwe bhaakwe lwa bhahwanda asogole, ʉmuntu ʉmo ahanʼshɨmbɨɨlɨla, ahanʼsugamila. Ahamʼʉzɨɨlɨzya ʉYeesu huje, “Mʼmanyizyi wʉ li mwinza, ɨshi ɨmbombe wɨlɨ huje, ɨmbwaje ʉwʉʉmi ʉwa wiila na wiila?”

18 ɄYeesu ahamwamula ahaga, “Yeenu ʉhunkwizya mwinza? Saga alɨɨho ya li mwinza, lyoli yʉ Ngʉlʉbhɨ mwene! 19 Ɨshi, ʉzimɨɨnye ɨndajizyo zya Moose zya ziyiga, ‘Ʉgandi agoje, ʉgandi abhembushe, ʉgandi ahwibhe, ʉgandi afumye ʉwusimishizi ʉwi lenga, ʉgandi akhopele, ʉnʼtinihaje ʉso nʉ bhɨɨnyu.’ ”  Bhaazya aFume (Kutoka) 20:12-16; ɨNyiizuho (Kumbukumbu la Torati) 5:16-20.

20 Ʉmuntu ʉla ahamwamula ahaga, “Mʼmanyizyi, ɨndajizyo ɨzyo zyonti ɨnzikhɨɨte afume hu waana waanɨ.” 21 ɄYeesu ahamwenya, ahanʼgana, ahamʼʉʉzya ahaga, “Ahantu hamo habhuliiye huliiwe. Bhalaga ʉkazye ɨvintu vyonti vyʉ li navyo, ɨmpɨɨya ɨzyo ʉbhapeele abhapɨɨna, nawe ʉhaibha nɨ mfuha hwa Ngʉlʉbhɨ. Nkʉ yɨnzaje, ʉmbɨnjɨlɨzyaje anɨ na bhe nʼsundwe waanɨ.” 22 Leelo, ʉmuntu ʉla lwa wʉmvwa shiila, ahazugumila hu mwoyo. Ahasogola sha zugumiiye haani, pɨpo ahali nɨ shʉʉma shinji haani. Saga ahanzaga hushikazye lwonti huje, abhapeele abhapɨɨna.

23 ɄYeesu ahabhazyamila abhantu ʉhwu nʉʉhwu, ahabhabhʉʉzya abhasundwe bhaakwe huje, “Hwahaibha hupala hwa bhatabhazi atʉʉshe mu wumwɨnɨ ʉwa Ngʉlʉbhɨ.”

24 Abhasundwe bhaakwe bhahaswiga hu mazwi gaakwe. ɄYeesu ahabhabhʉʉzya nantele huje, “Bhaana bhaanɨ, enyi sha huli hukhome* Ɨnsimbo zimo ɨzyɨ mandɨ ziyiga, hukhome atʉʉshe mu wumwɨnɨ ʉwa Ngʉlʉbhɨ hwa bhantu bha bhasʉʉbhɨla ʉwutabhazi wa bhali nawo. atʉʉshe mu wumwɨnɨ ʉwa Ngʉlʉbhɨ. 25 Hupʉpʉʉsu tee ɨngamiya ashɨle mwa hadobhooli hɨ nsenelo, na je, ʉmuntu ʉnʼtabhazi atʉʉshe mu wumwɨnɨ ʉwa Ngʉlʉbhɨ.” 26 Abhasundwe bhaakwe bhahaswiga haani hwi zwi ɨlyo. Bhahabhʉzɨlɨzanyaaga bhɨɨbho na bhɨɨbho huje, “Ɨshi nkashele sha zili, weenu ʉya gafyʉlwa?” 27 ɄYeesu ahabhazyamila, ahabhabhʉʉzya ahaga, “Ɨzi saga zigabhombwa na bhantu, leelo hwa Ngʉlʉbhɨ zigabhombeha, pɨpo hwa Ngʉlʉbhɨ zyonti zibhombeha.”

28 ɄPeeteli ahamʼʉʉzya ʉYeesu huje, “Enya, atɨ tivileshile ɨvintu vyonti, tihubhɨnjɨlɨzyɨzye awe na bhe bhasundwe bhaaho.” 29 Ɨpo ʉYeesu ahaga, “Lyoli, ɨhubhabhʉʉzya huje, ʉmuntu wowonti ʉya leshile ɨnyumba yaakwe, awe abhakʉlʉ bhaakwe, awe abhadoodo bhaakwe, awe abhayilʉmbʉ bhaakwe, awe ʉnyina waakwe, awe ʉyise waakwe, awe abhaana bhaakwe, awe amagʉnda gaakwe hu nongwa yaanɨ nɨ Nongwa ɨNyinza afume hwa Ngʉlʉbhɨ, 30 ʉNgʉlʉbhɨ ahaihumʼpeela ɨvinji haani ashɨle viila. Ɨshi hu habhaazyo ɨho ahaiyambɨɨlɨla ɨnyumba, abhakʉlʉ, abhadoodo, abhayilʉmbʉ, abhaanyina, abhaana na magʉnda. Peeka na viila vyonti, ahaibha na mayɨmba. Nantele, mu habhaazyo ha hahwɨnza, ahaiyambɨɨlɨla ʉwʉʉmi ʉwa wiila na wiila. 31 Leelo, bha bhatinihwa ahabhaazyo ɨha, saga bhahaitinihwa ahabhaazyo ha hahwɨnza. Nantele, bha saga bhatinihwa ahabhaazyo ɨha, bhahaitinihwa ahabhaazyo ha hahwɨnza.”

32 ɄYeesu na bhasundwe bhaakwe lwa bhali mwi dala abhale hwi booma ɨlya hu Yelusaleemu, ʉYeesu ahabhanga hwilongolela lyabho. Abhasundwe bha Yeesu na bhantu abhanjɨ bha bhahamʼɨnjɨlɨzyaga, bhahali nɨ lyoga nɨ nswigo.† Bhahali nɨ lyoga nɨ nswigo, pɨpo bhahamɨɨnye huje, ʉYeesu abhala yɨmbe na fwe hwi booma ɨlya hu Yelusaleemu. ɄYeesu ahabhakwiziizya nantele panshɨnjɨ abhasundwe bhaakwe ishʉmi na bhabhɨɨlɨ, ahanda hubhabhʉʉzye zya zyahaihumwaga. 33 Ahayanga huje, “Enya, tibhala hu Yelusaleemu. Ʉhwo, anɨ nɨ Mwana Wa Muntu bhahaintwala hwa bhalongozi bha bhasayi bha Ngʉlʉbhɨ na bhamanyizyi abhɨ ndajizyo zya Moose. Ɨbho bhahaindonga huje, ɨmfwe. Nantele, bhahaintwala hwa bhantu bha saga Bhayahuudi. 34 Abhantu ɨbho bhahainsʉfwanya na hunswɨle amatɨ. Bhahaihoma nɨ nsanzʉ na hungoje. Leelo, isiku ɨlya taatu afume afwe hwanɨ, nahaizyʉha.”

35 ɄYaakobo nʉ Yoohani, abhaana bha Zebedaayo, bhahanʼsejeelela ʉYeesu, bhahamʼʉʉzya bhahaga, “We Mʼmanyizyi, tilaabha ʉtibhombele lyolyonti lya tihwanza.”

36 ɄYeesu ahabhabhʉzɨɨlɨzya huje, “Muhwanza ɨmbabhombele yeenu?”

37 Bhahamwamula huje, “Lwʉ hailongozya hu mwamu waaho, tihulaabha huje, ʉhatibhɨɨshe akhale peeka naawe. Ʉmo ʉhamʼɨɨshe hu bhazu ʉlwɨ nyoobhe ɨndɨɨlo, ʉwamwabho ʉhamʼɨɨshe hu bhazu ʉlwɨ nyoobhe ɨmongo.”

38 ɄYeesu ahabhabhʉʉzya huje, “Saga mumɨɨnye lya mulaabha. Ɨshi leelo, mugamwelela ʉpɨndɨ lwɨ mayɨmba lwa nahaimwelela anɨ, awe mugooziwa ʉlwozyo ʉlwa fwe lwa nahaiyooziwa anɨ?”

39 Bhahamwamula bhahaga, “Tigabhomba ɨsho.” ɄYeesu ahabhabhʉʉzya huje, “Lyoli, mwahaimwelela ʉpɨndɨ lwɨ mayɨmba lwa nahaimwelela na hwoziwe ʉlwozyo lwa nahaiyooziwa anɨ. 40 Leelo, ahumʼɨɨshe ʉmuntu akhale peeka naanɨ, ɨyo saga mbombo yaanɨ. Lyoli ʉNgʉlʉbhɨ ahaihubhapeela bhaala abhabhɨshɨɨye haani.”

41 Abhasundwe abhamwabho ishʉmi lwa bhʉmvwa zya bhalaabha ʉYaakobo nʉ Yoohani, bhahanda hubhaviitilwe. 42 Ɨpo ʉYeesu ahabhakwizya huje, bhasejeele hwa mwene. Ahabhabhʉʉzya ahaga, “Mumɨɨnye huje, abhantu bha saga Bhayahuudi, bhahubhalongozya abhantu bhaabho hu khali, bhope abhagoosi bhahubhabhombezya shibhiibhi abhantu bhaabho. 43 Leelo, huliimwɨ amwɨ saga zinza bhe ɨsho. Lyoli ʉmuntu ʉla ahwanza abhe nʼgoosi weenyu, ahwanziwa abhe mʼomvi waamwɨ mwenti. 44 Wope ʉmuntu ʉya hwanza abhe wa hwande mwaliimwɨ, ahwanziwa abhe nʼkalwe waamwɨ mwenti. 45 Nanɨ nɨ Mwana Wa Muntu saga nahɨnzɨle abhombelwe, lyoli nahɨnzɨle hubhabhombele abhanjɨ na fumye ʉwʉʉmi waanɨ abhe lisombo lya bhinji.”

46 Bhahafiha hwi booma ɨlya hu Yeeliko. ɄYeesu na bhasundwe bhaakwe nɨ mpʉga ɨngoosi ɨya bhantu lwa bhasogola mu Yeeliko, bhahamwaga ʉmuntu ʉmo wa bhahagaga ʉBatimaayo, ʉmwana wa Timaayo. Ʉmuntu ʉyo ahafwiye amaaso. Ahakhɨɨye panshɨnjɨ pi dala, ahalaabhaga ɨmpɨɨya. 47 Lwa wʉmvwa huje, yʉ Yeesu ʉwa hwi booma ɨlya hu Nazaleeti ashɨzanya paala, ahanda akhoole ɨhoolo ɨngoosi huje, “We Yeesu, Mwana Wa Daudi,‡ Mwana Wa Daudi ABhayahuudi bhahasʉbhɨlaga huje, ʉMeesiya ahaifumila mu shikholo sha Daudi. Bhaazya izwi Mwana Wa Daudi hu Ɨngalulanyo yɨ mazwi amajenu hu wandilo wɨ shitaabu ɨshi. Nantele, bhaazya ɨNsalifyo (Zaburi) 89:3-37; Yelemiya 23:5-6; Ezekiyeeli 34:23-24. ndolele ɨnkʉmbʉ!” 48 Abhantu abhinji bhahabha bhahunʼdaamila huje, apʉʉme. Leelo, ʉmwene ahonjelaga hunʼkwizye hwi zwi igoosi tee, ahaga, “We Mwana Wa Daudi, ndolele ɨnkʉmbʉ.”

49 Ɨpo ʉYeesu ahɨmɨɨlɨla ahaga, “Nʼkwizye, ayɨnze ɨpa.” Bhahanʼkwizya ʉnʼtonko ʉla, bhahamʼʉʉzya bhahaga, “Ʉhwipeele ʉmwoyo, ɨmɨɨlɨla! Ahukwizya.”

50 Wope ahataaga igolole lyakwe pansi, ahatomoha, ahabhala hwa Yeesu.

51 ɄYeesu ahamʼʉzɨɨlɨzya huje, “Ʉhwanza huje, ɨhubhombele yeenu?” Ʉnʼtonko ʉla ahamwamula huje, “Mʼmanyizyi, ɨhulaabha huje, amaaso gaanɨ geenye.” 52 ɄYeesu ahamʼponia, ahaga, “Ʉponile hu nongwa yɨ lwɨtɨho lwaho. Bhalaga hu khaaya.” Pɨnɨɨpo, ʉmuntu ʉla ahanda alole, ahamʼɨnjɨɨlɨzya ʉYeesu mwi dala.