11
ɄMeesiya ahwambɨɨlɨwa hwi booma ɨlya hu Yelusaleemu hu luseshelo
(Mataayo 21:1-11; Luuka 19:28-40; Yoohani 12:12-19)
1 Bhahapalamila afishe hwi booma ɨlya hu Yelusaleemu, apalamane nɨ vipanga vya hu Besifaage na hu Besaniya, ambali hwi Gamba Mizeyituuni. ɄYeesu ahabhasonteelezya abhasundwe bhaakwe bhabhɨɨlɨ mwɨbho ishʉmi na bhabhɨɨlɨ, 2 ahaga, “Bhalaji mu shipanga shiila sha shili pilongolela lyenyu. Lwa mwafiha mu shipanga muula, lubhilo lwene munza huyaaje ɨnyaana ndogobhi ɨnkʉnje, ya saga yanganiilwe nalumo. Muyaawule na huyileete huliinɨ. 3 Nkashele ʉmuntu ʉmo ahubhabhʉzɨɨlɨzya huje, ‘Yeenu mubhomba ɨsho?’ mugaje, ‘ɄMwɨnɨ ahuyanza, anza huyigalusye shɨɨshi lwene.’ ” Bhaazya Zakaliya 9:9.
4 Pa bhahabhala, bhahayilola ɨnyaana ndogobhi ɨnkʉnje panzɨ apapalamani na pa lyango mwi dala igoosi, bhahayaawula. 5 Abhantu bhamo bha bhahɨmɨlɨɨye paala, bhahabhabhʉzɨɨlɨzya bhahaga, “Mwɨ! Mubhomba yeenu ɨpo? Muhuyawulila yaashi ɨnyaana ndogobhi ɨyo?” 6 Abhasundwe bhaala bhahabhaamula shiila ʉYeesu sha habhabhʉzɨɨzye huje, bhayangaje. Pa bhahabhɨtɨshɨla abhasundwe bhaala huje, bhasogole nayo ɨndogobhi ɨyo. 7 Bhahayitwala ɨnyaana ndogobhi ɨyo hwa Yeesu. Bhahaala amenda gaabho pamwanya pa ndogobhi ɨyo. ɄYeesu ahazʉbha, ahakhala paala, ahanda ashʉʉle. 8 Abhantu bhahaala amenda gaabho mwi dala, bhamo bhahatema ɨnsamba zyɨ matʉndʉ mu magʉnda na hugaale mwi dala.* Amiiho ɨga galɨngaana na miiho gɨ Shisafwa aga hwale amenda na teme ɨnsamba zyɨ makwi na huzibhɨɨshe mwi dala lya bhashɨla bha bhegɨɨne. Hwa Bhasafwa, abhantu bhabhomba ɨshi hwa bhantu bha bhegɨɨne lwene, leelo hwa Bhayahuudi bhahabhombaga ɨsho humwejeelele ʉmuntu ʉwɨ nshɨnshɨ haani. 9 Abhantu bhamo bhahanʼtagalilaga ʉYeesu, abhanjɨ bhahamʼɨnjɨlɨlaga hwisinda. Bhonti bhahabwagaga, bhahagaga,
Asayiiwe wa hwɨnza hwi taawa lya Yehoobha, ʉNgʉlʉbhɨ weetu! Bhaazya ɨNsalifyo (Zaburi) 118:25-26.
10 Wusayiiwe ʉwumwɨnɨ wa maama weetu ʉDaudi, wa wuhwɨnza!
Hosaana hwa mwene ʉwa hu mwanya.”
11 ɄYeesu ahatʉʉha mwi booma ɨlya hu Yelusaleemu, ahashɨzanya nyɨɨma mu lubhaga lwɨ nyumba ɨmfinjile ɨya Ngʉlʉbhɨ.‡ Bhaazya izwi Nyumba ɨmfinjile ɨya Ngʉlʉbhɨ hu Ɨngalulanyo yɨ mazwi amajenu hu wandilo wɨ shitaabu ɨshi. Ahavyenya hinza ɨvintu vyonti vya vyahali paala. Ahasogola, ahabhala hu Besaniya peeka na bhasundwe bhaakwe ishʉmi na bhabhɨɨlɨ, pɨpo hwahali lyabheela.
ɄYeesu ahuliguna ikwi lyɨ makʉ
(Mataayo 21:18-19)
12 Ɨndaabhɨ yaakwe ʉYeesu na bhasundwe bhaakwe lwa bhafuma hu Besaniya aweele hu Yelusaleemu, ɨnzala yahanʼumile. 13 Sha li hutali, ahalilola ikwi lyɨ makʉ, lya lyahali na matʉndʉ aminji. Ahalipalamila ahwenye nkashele lili na makʉ. Lwa waafiha paala, ahega saga lili na makʉ, lyoli lijejile ga matʉndʉ geene, pɨpo ahabhaazyo aha weezye hahasɨɨle afishe. 14 Pa ahalibhʉʉzya ikwi liila huje, “Afume sanyʉʉnʉ na wiila, saga ʉnza wezyaje amakʉ.” § ɄYeesu lwa haligunaga ikwi lyɨ makʉ, ahakuwaga huje, ʉNgʉlʉbhɨ ahaihubhalonga aBhayahuudi, pɨpo saga bhali na mantongooni agɨ njendo ɨnyinza. Abhasundwe bhaakwe bhahagʉmvwa amazwi gaala.
ɄYeesu atʉʉha mu lubhaga lwɨ nyumba ɨmfinjile
(Mataayo 21:12-17; Luuka 19:45-48; Yoohani 2:13-22)
15 Lwa bhaafiha hwi booma ɨlya hu Yelusaleemu, ʉYeesu ahatʉʉha mu lubhaga lwɨ nyumba ɨmfinjile ɨya Ngʉlʉbhɨ. Ahanda hubhashɨmbɨzye hwʉnzɨ abhantu bha bhahakazyaga, na bhanjɨ bha bhahakalaga ɨvintu mu lubhaga lwɨ nyumba ɨmfinjile ɨya Ngʉlʉbhɨ. Ahapetulanya ɨmeeza zya bhaala bha bhahavunzanyaaga ɨmpɨɨya, na matengo gaabho bha bhahakazyaga ɨnkʉnda. 16 Nantele, saga ahanʼeshile ʉmuntu nʉʉmo ʉwa nyeemule ahantu hamo aha kazye ashɨzanye mu lubhaga lwɨ nyumba ɨmfinjile ɨya Ngʉlʉbhɨ.
17 Mu manyizyo zyakwe ʉYeesu ahaga, “Bhʉlɨ, saga yahasimbwilwe mu Nsimbo ɨMfinjile, ʉNgʉlʉbhɨ ahayanjile huje, ‘Ɨnyumba yaanɨ yahaibha nyumba yɨ mpuuto hwa bhantu bhɨ nsi zyonti’? Bhaazya Yesaaya 56:7. Leelo amwɨ, muyigalulɨɨnye abhe nanshi ‘igwenya lya bhiibha!’ ” Bhaazya Yelemiya 7:11. 18 Abhalongozi bha bhasayi bha Ngʉlʉbhɨ na bhamanyizyi abhɨ ndajizyo zya Moose lwa bhʉmvwa ɨzyo zyonti, bhahanzaga idala ɨlya hunʼgoje, pɨpo bhahamwogopaga ʉYeesu. Nantele, abhantu bhonti bhahaswigaga hu manyizyo zyakwe. 19 Lwa hwabha lyabheela, ʉYeesu na bhasundwe bhaakwe bhahasogola mwi booma.
Ikwi lyɨ makʉ lya lyʉmɨle
(Mataayo 21:20-22)
20 Nantele, shampwi yaakwe lwa bhaweela hwi booma ɨlya hu Yelusaleemu, bhahega ikwi liila lyɨ makʉ lyʉmɨle lyonti ahwande hu malandazi gaakwe. 21 ɄPeeteli ahiizuha amazwi ʉYeesu ga hayanjile, ahamʼʉʉzya ahaga, “We, mʼmanyizyi! Enya! Ikwi liila lyɨ makʉ lya wahaligunile, lyʉmɨle!”
22 ɄYeesu ahabhabhʉʉzya huje, “Munʼsʉbhɨlaje ʉNgʉlʉbhɨ. 23 Lyoli ɨhubhabhʉʉzya, nkashele ʉmuntu saga asaaga nazimo mu mwoyo gwakwe, lyoli ahwɨtɨha lwene huje, lya yanga lyahaibhombeha, abhajiiye hulibhʉʉzye igamba ɨli huje, ‘We ligamba! Kumpuha, ʉyeepe ɨpa pʉ hwɨli, ʉhwitaaje mu nsʉmbi,’ nɨɨzyo zyahaibhombeha ɨsho. 24 Ɨshi leelo ɨhubhabhʉʉzya huje, lwa mulaabha na puute hohonti, mubhanje nʉ lwɨtɨho huje, muhejelɨɨye, namwɨ mwahaiyambɨɨlɨla. 25 Namwɨ lwa mulaabha, mukhobhoshelaje ʉmuntu wowonti wa bhabhombɨɨye ɨmbiibhi zimo. Ɨpo ʉyise weenyu ʉwa hu mwanya ahaihubhakhobhoshela ɨmbiibhi zyenyu. 26 Leelo amwɨ, nka saga muhubhakhobhoshela abhamwenyu, wope ʉyise weenyu ʉwa hu mwanya saga ahaihubhakhobhoshela ɨmbiibhi zyenyu.” * Amazwi ɨga saga galɨɨho mu nsimbo zimo ɨzyɨ mandɨ ɨzyɨ Shiyunaani, Leelo amwɨ, nka saga muhubhakhobhoshela abhamwenyu, wope ʉyise weenyu ʉwa hu mwanya saga ahaihubhakhobhoshela ɨmbiibhi zyenyu.
Ikhone lya Yeesu libhʉzɨlɨzɨwa
(Mataayo 21:23-27; Luuka 20:1-8)
27 ɄYeesu na bhasundwe bhaakwe bhahafiha nantele hwi booma ɨlya hu Yelusaleemu. Lwa bhahajendaga mu lubhaga lwɨ nyumba ɨmfinjile ɨya Ngʉlʉbhɨ, abhalongozi bha bhasayi bha Ngʉlʉbhɨ, abhamanyizyi abhɨ ndajizyo zya Moose na bhagoosi abhanjɨ bha Bhayahuudi bhahamʼalila ʉYeesu. 28 Bhahamʼʉzɨɨlɨzya bhahaga, “Gaala gʉ bhomba wiila, ʉbhomba hwi khone lya naanu? Yʉ naanu ya piiye ikhone ɨlya bhombele ɨgo?”
29 ɄYeesu ahabhabhʉʉzya huje, “Namwɨ ɨmbala hubhabhʉzɨɨlɨzye limo. Nkashele mwanaamula, nanɨ ɨmbala hubhabhʉʉzye huje, ɨgo ɨbhombela likhone lya naanu.” 30 Ahabhabhʉzɨɨlɨzya huje, “ɄYoohani ahalyajile hwi, ikhone ɨlya hwozye abhantu? Lyahafumile hwa Ngʉlʉbhɨ awe lyahafumile hwa bhantu? Teenye mbʉʉzyi!”
31 Bhahanda ajeehane bheene huje, “Nkashele tiyiga, ‘Lyahafumile hwa Ngʉlʉbhɨ,’ anza hutibhʉzɨɨlɨzye atɨ huje, ‘Yeenu mwahasintile humwɨtɨshe?’ 32 Leelo, nkashele tiyiga, ‘Lyahafumile hwa bhantu,’ abhantu bhanza viitwe.” Bhahabhogopaga abhantu, pɨpo abhantu bhonti bhahamwɨtɨɨshe ʉYoohani huje, ahali nʼkuwi wa Ngʉlʉbhɨ. 33 Bhahamwamula bhahaga, “Atɨ saga timɨɨnye lwonti.” Ɨpo wope ahabhabhʉʉzya huje, “Nanɨ saga ɨmbala hubhabhʉʉzye lwonti huje, ɨgo ɨbhombela likhone lya naanu.”
11:3 Bhaazya Zakaliya 9:9.
*11:8 Amiiho ɨga galɨngaana na miiho gɨ Shisafwa aga hwale amenda na teme ɨnsamba zyɨ makwi na huzibhɨɨshe mwi dala lya bhashɨla bha bhegɨɨne. Hwa Bhasafwa, abhantu bhabhomba ɨshi hwa bhantu bha bhegɨɨne lwene, leelo hwa Bhayahuudi bhahabhombaga ɨsho humwejeelele ʉmuntu ʉwɨ nshɨnshɨ haani.
†11:9 Hosaana hu wandilo hwahali huje, ‘poha’ awe ‘tiposhe ɨshi,’ leelo pa habhaazyo ha Yeesu izwi ɨli lyahamanyiishe shenye libwago lya bhonesye aje, ʉmuntu asʉngwɨlwe nɨ nsalifyo.
11:9 Bhaazya ɨNsalifyo (Zaburi) 118:25-26.
‡11:11 Bhaazya izwi Nyumba ɨmfinjile ɨya Ngʉlʉbhɨ hu Ɨngalulanyo yɨ mazwi amajenu hu wandilo wɨ shitaabu ɨshi.
§11:14 ɄYeesu lwa haligunaga ikwi lyɨ makʉ, ahakuwaga huje, ʉNgʉlʉbhɨ ahaihubhalonga aBhayahuudi, pɨpo saga bhali na mantongooni agɨ njendo ɨnyinza.
11:17 Bhaazya Yesaaya 56:7.
11:17 Bhaazya Yelemiya 7:11.
*11:26 Amazwi ɨga saga galɨɨho mu nsimbo zimo ɨzyɨ mandɨ ɨzyɨ Shiyunaani, Leelo amwɨ, nka saga muhubhakhobhoshela abhamwenyu, wope ʉyise weenyu ʉwa hu mwanya saga ahaihubhakhobhoshela ɨmbiibhi zyenyu.