12
ɄYeesu alɨngaanisya abhalongozi bha Bhayahuudi na bhalimi abhagoji
(Mataayo 21:33-46; Luuka 20:9-19)
1 ɄYeesu ahanda ayanje na bhalongozi bhaala bha Bhayahuudi hu holanyo. Ahayanga huje, “Hwahali nʉ muntu ʉmo wa halimile ʉnʼgʉnda ʉgwɨ zabiibu.* Ɨzabiibu zilɨngɨɨne na mantongooni. Ahazyʉngʉzya ʉlubhaga munshɨnjɨ, ahabana ɨlɨndɨ ɨlya sʉʉyɨle ɨzabiibu ziila. Ahazenga ɨshidunku ɨshitali† Ɨshidunku ɨshitali shahali shiwulunga sha bhahazenjɨɨye amawe, ʉtali waakwe wahali nyaayo 4.5, ʉwaazi wahali nyaayo 2. Pamwanya pahalɨngɨɨne, pahali nɨ sheegu sha bhahatimiiye isole. Ʉnʼɨndɨɨlɨli ahakhalaga pa nzundila atandɨɨle abhiibha, ɨhanu nɨ nyonyi. ɨsha hwenyeelezye mu nʼgʉnda. Ahapasya‡ ahapasya Apasye hwa Bhayahuudi saga hulɨngaana na pasye hwa Bhasafwa. Abheene nkashele ʉmuntu apasiizye ʉnʼgʉnda, abhalimi ɨbho bhahagabhanaga nʉ mwanɨ nʼgʉnda ɨviyabho vya bhahalimile afume mu nʼgʉnda guula. hwa bhalimi, ahabhabhɨɨha huje, bhalɨndɨlɨlaje na sʉnje ɨzabiibu ziila aje, nka zyela, bhahasibhanaje. Ʉmwene ahashʉʉla, ahabhala hu nsi ɨyɨnjɨ ɨya hutali. 2 Ahabhaazyo aha tʉngʉle ɨzabiibu hahafiha, ahanʼsonteelezya ʉnʼkalwe waakwe hwa bhalimi bhaala huje, bhamʼpeele ɨzabiibu ɨzya mwene afume mu nʼgʉnda gwakwe, nanshi sha bhahɨtɨhɨɨne. 3 Leelo, abhalimi bhaala bhahanʼkhata ʉnʼkalwe waakwe ʉla, bhahanʼkhoma na humwezye makhoono hwa mwɨnɨ waakwe. 4 Ʉmwanɨ nʼgʉnda ahanʼsonteelezya nantele ʉnʼkalwe waakwe ʉwamwabho hwa bhalimi bhaala. Wope bhahanʼkhoma na humʼvwalazye shaaha mwi twe, na hunʼsʉfwanye. 5 Ahanʼsonteelezya ʉnʼkalwe waakwe ʉwamwabho, wope abhalimi bhaala bhahanʼgoga. Ahabhasonteleziizye abhakalwe bhaakwe abhamwabho abhinji. Abhalimi bhaala bhahabhakhoma, bhamo bhahabhagoga. 6 Ʉmwanɨ nʼgʉnda ahasagala nʉ muntu weeka, ya hali mwana waakwe ʉnʼkʉndwe. Ahanʼsonteelezya hwa bhalimi bhaala hu malishilo, ahasɨɨbha huje, ‘Bhanza bhe nɨ nshɨnshɨ hwa mwana waanɨ.’
7 Leelo, lwa waafiha, abhalimi bhaala bhahajeehana bheene bhahaga, ‘Ʉnʉ yʉ nʼgaali wɨ nʼgʉnda ʉgu. Ɨshi, ɨnzaji tinʼgoje. Ɨngaali zyakwe zyɨ nʼgʉnda ʉgu nka zibhe zyetu.’ 8 Pa bhahanʼkhata, bhahanʼgoga, bhahanʼtaaga hwʉnzɨ yɨ nʼgʉnda.”
9 Ɨpo ʉYeesu ahabhabhʉzɨɨlɨzya, “Ɨshi ʉmwanɨ nʼgʉnda ʉyo ahaibhomba yeenu? Ahaiyɨnza, ahaihubhagoga abhalimi bhaala. Ʉnʼgʉnda guula gwɨ zabiibu ahaihubhapasya abhalimi abhanjɨ. 10 Saga muzisaaga ɨNsimbo ɨMfinjile zya ziyiga,
‘Iwe lya bhahalikhaanile abhazenzi abhɨ nyumba,
lyɨlyo lya lyabha liwe linza ɨlya panshɨnjɨ§ ABhayahuudi bhahazenjelaga ɨnyumba, iwe lya lyahanyʉmʉlaga ɨnyumba yonti huje, iwe ɨlinza ɨlya panshɨnjɨ. Iwe lyɨlyo lyahali ligoosi lya lyahakhomanyaaga ɨmbʉmba zibhɨɨlɨ. lya linyʉmʉʉye ɨnyumba yonti.
11 ɄYehoobha yʉʉyo agabhombile ɨga,
gope gaswijizya huliitɨ.’ ” Bhaazya ɨNsalifyo (Zaburi) 118:22-23.
12 Ɨpo abhalongozi bha bhasayi bha Ngʉlʉbhɨ, abhamanyizyi abhɨ ndajizyo zya Moose na bhagoosi bhahamanya lwene huje, ɨholanyo ɨla ɨhubhayanga bhɨɨbho. Ɨpo bhahanzaga idala ɨlya hunʼkhate, leelo bhahoogopa ɨmpʉga ya bhantu, bhahaleha, bhahasogola.
Asombe isonko hwa mwɨnɨ ʉnʼgoosi ʉKayisali
(Mataayo 22:15-22; Luuka 20:20-26)
13 Ɨpo abhagoosi bha Bhayahuudi bhahabhasonteelezya aBhafalisaayo bhamo na bhantu abha Heloode ʉAntipa huje, bhamwʉbhɨle ʉYeesu alɨngaane na mazwi gaakwe yʉʉyo. 14 Bhahamʼalila ʉYeesu, bhahamʼʉʉzya bhahaga, “We, mʼmanyizyi! Timɨɨnye huje, awe ʉli muntu nʼsunde, zyonti zyʉ yanga zyɨ lyoli. Awe saga ʉsaaga ʉgoosi wɨ mbombo ya muntu, saga nahamo hwaliiwe. Hu lyoli ʉmanyizya idala lya Ngʉlʉbhɨ. Bhʉlɨ, tihwanziwa asombe isonko hwa mwɨnɨ ʉnʼgoosi ʉKayisali?* Kayisali lyahali litaawa lya mwɨnɨ ʉnʼgoosi wa Bhaluumi. Ahatabhaalaga ɨnsi nyinji hwi dala lyɨ wukoloni. Ʉmwɨnɨ ʉHeloode ʉAntipa ahasaluliilwe nʉ Kayisali alongozye. Bhaazya izwi Kayisali hu Ɨngalulanyo yɨ mazwi amajenu hu wandilo wɨ shitaabu ɨshi. Tisombaje awe tigandi asombe?” † ABhafalisaayo bhahasɨɨbhaga huje, bhanʼtejile ʉYeesu. Nkashele wayanga huje, shinza asombe isonko hwa mwɨnɨ nʼgoosi ʉKayisali, abhala bhe akhaanana nɨ ndajizyo zya Bhayahuudi zya zikhaana abhantu asombe isonko hwa bhalʉgʉ. Lyɨlyo lyɨnzaga hubhabhɨɨshe aBhayahuudi abhinji bhaleshe humʼɨnjɨɨlɨzye. Nanshi wayanga huje, shibhiibhi asombe isonko, abhantu abha mwɨnɨ ʉHeloode ʉAntipa, ɨshipʉga sha shihwɨtɨɨhana nɨ ndajizyo zya Bhaluumi, bhɨnzaga humʼʉʉzye ʉnʼgoosi wa Bhaluumi huje, anʼkʉnje ʉYeesu mu hoobhe. 15 Leelo, ʉYeesu ahamɨɨnye ʉgulugulu waabho, ahabhabhʉʉzya huje, “Muhunjela yeenu leelo? Ndeeteli ɨmpɨɨya, ɨnjeenye!” 16 Pa bhahanʼtwalila, ahabhabhʉzɨɨlɨzya huje, “Ɨsheeni sha muntu wa li pa mpɨɨya ɨyo, sha naanu? Nantele, itaawa ɨli lya naanu?” Bhahamwamula bhahaga, “Vya mwɨnɨ ʉnʼgoosi ʉKayisali yʉʉyo.” 17 ɄYeesu ahabhabhʉʉzya huje, “Ɨshi, ɨvintu vya Kayisali mumʼpeelaje ʉKayisali, nɨ vya Ngʉlʉbhɨ mumʼpeelaje ʉNgʉlʉbhɨ.” Bhonti bhahanʼswiga haani.
ɄYeesu amanyizya ɨzya zyʉshe abhafwe
(Mataayo 22:23-33; Luuka 20:27-40)
18 Hwahali nɨ shipʉga shimo ɨsha Bhayahuudi sha bhahagaga Bhasadukaayo.‡ ABhasadukaayo bhahali shipʉga sha bhantu abha mu nsi ɨya hu Izilaeeli, bha bhahakhatiliiye ɨndajizyo zya Moose zya zyahali mu nsimbo. Abheene saga bhahazikhataga ɨmanyizyo zya bhagoosi abhɨ mandɨ. Nantele, saga bhahɨtɨhaga huje, huhwɨli azyʉshe hwa bhafwe. Bhaazya izwi Bhasadukaayo hu Ɨngalulanyo yɨ mazwi amajenu hu wandilo wɨ shitaabu ɨshi. Abheene bhahagaga nahumo azyʉshe hwa bhafwe. Isiku limo, bhamo bhaabho bhahabhala hwa Yeesu, bhahamʼʉzɨɨlɨzya bhahaga, 19 “We, mʼmanyizyi! Ʉnʼkuwi ʉMoose ahatilajiziizye huje, ‘Ʉmuntu nkashele waafwa, na hunʼeshe ʉnʼshɨ waakwe sinta mwana, ʉholo anʼgaalaje ʉmʼfwɨle ʉla huje, amʼpaapile abhaana ʉnʼkʉlʉ waakwe wa hafwiye.’ Bhaazya ɨNyiizuho (Kumbukumbu la Torati) 25:5-10. 20 Ɨshi, hwahali na bhalume pʉnga (7) bha bhahali bhanakwabho. Ʉwa hwande aheega ʉnʼshɨ, leelo ahafwa sha sɨɨle apaape ʉmwana nka weeka. 21 Ʉwa bhɨɨlɨ ahanʼgaala ʉnʼshɨ ʉla, leelo wope ahafwa sinta aleshe ʉmwana nkʉʉmo. Ʉwa taatu zyahabha shɨnɨɨsho. 22 Bhonti nʼtanda bha bhahanʼgaalile nʉʉla ya hamwejile ʉnʼshɨ ʉla, bhahafwa, saga bhahaleshile ʉmwana nkʉʉmo. Hu malishilo, ʉnʼshɨ ʉla wope ahafwa. 23 Ɨshi tibhʉʉzye, isiku liila abhantu lwa bhahaizyʉha, ʉnʼshɨ ʉyo ahaibha nʼshɨ wa naanu? Tibhʉzɨɨlɨzya ɨsho hu nongwa ya je, bhaala bhonti pʉnga (7) bhahamwejile na hunʼgaale.”
24 ɄYeesu ahabhabhʉʉzya ahaga, “Amwɨ muteejile, pɨpo saga muzimɨɨnye ɨNsimbo ɨMfinjile, ni khone lya Ngʉlʉbhɨ lyope saga mulimɨɨnye lwonti. 25 Isiku abhantu abhafwe lwa bhahaizyʉha, saga bhahaiyeega awe ahwegwe lwonti. Lyoli bhahaibha nanshi abhantumi bha hu mwanya. 26 Leelo, lyoli huje, abhantu bha bhafwiye, bhazyʉha. Saga mwahabhaziizye mu shitaabu sha Moose, ʉNgʉlʉbhɨ sha hamʼʉzɨɨzye paala pa hatatango lwa hahahaga ʉmwoto? Paala, ʉNgʉlʉbhɨ ahamʼʉzɨɨzye ʉMoose ahaga, ‘Anɨ ɨndi Ngʉlʉbhɨ ʉwa Abulahaamu,§ Bhaazya izwi Abulahaamu hu Ɨngalulanyo yɨ mazwi amajenu hu wandilo wɨ shitaabu ɨshi. ʉwa Isaaka nʉ wa Yaakobo.’ Bhaazya aFume (Kutoka) 3:6. 27 Hu mazwi ɨgo ʉNgʉlʉbhɨ ayanga huje, abhafwe bhali bhʉʉmi pa maaso gaakwe. Amwɨ muteejile haani lwa muyanga huje, nahumo azyʉshe hwa bhafwe.”
Ɨndajizyo ɨngoosi ashɨle zyonti
(Mataayo 22:34-40; Luuka 10:25-28)
28 ɄYeesu lwa daliihana na Bhasadukaayo, ʉmʼmanyizyi ʉmo ʉwɨ ndajizyo zya Moose ahafiha, ahazyʉmvwa zya bhadaliihana. Lwa waalola huje, ʉYeesu waamula shinza, ahamʼʉzɨɨlɨzya ahaga, “Mu ndajizyo zyonti, ɨliihu yɨ li ngoosi?”
29 ɄYeesu ahamwamula huje, “Ɨngoosi ya yɨɨnɨ, ‘Tejeelezyi muBhaizilaeeli! ɄYehoobha ʉNgʉlʉbhɨ weetu, ya yʉ Mwɨnɨ mwene. 30 Munʼganaje ʉYehoobha ʉNgʉlʉbhɨ weenyu hu mwoyo gwenyu gwonti, hu wʉʉmi weenyu wonti, hu njeele zyenyu zyonti na hwi khone lyenyu lyonti.’ Bhaazya ɨNyiizuho (Kumbukumbu la Torati) 6:4-5. 31 Ɨndajizyo ɨngoosi ɨyamwabho ya yɨɨnɨ, ‘Munʼganaje ʉmʼpalamani weenyu nanshi sha muhwigana amwɨ.’ Bhaazya ɨMbombo Zya Bhalaawi (Mambo ya Walawi) 19:18. Ɨndajizyo ɨyɨnjɨ yɨ li ngoosi ashɨle ɨzi zibhɨɨlɨ nɨɨmo.”
32 Ʉmʼmanyizyi ʉla ʉwɨ ndajizyo zya Moose ahamʼʉʉzya ʉYeesu huje, “We, mʼmanyizyi! Ʉyanjile zyɨ lyoli huje, ʉNgʉlʉbhɨ ali weeka mwene, saga alɨɨho ʉwamwabho, lyoli yʉʉyo mwene. 33 Nantele, lyoli huje, ‘Munʼganaje ʉNgʉlʉbhɨ hu mwoyo gwenyu gwonti, hu wʉʉmi weenyu wonti, hu njeele zyenyu zyonti na hwi khone lyenyu lyonti’ na ‘Munʼganaje ʉmʼpalamani weenyu nanshi sha muhwigana amwɨ’ ɨzi zyɨ ndajizyo ngoosi haani. Lyoli shinza abhombe ɨzyo zyonti ashɨle ɨmpuuto zyonti ɨzya fumye ɨnsangu ɨzya lʉngʉlɨzye ɨshʉʉma.” * Bhaazya izwi Nsangu hu Ɨngalulanyo yɨ mazwi amajenu hu wandilo wɨ shitaabu ɨshi.
34 ɄYeesu lwa waalola huje, ʉmuntu ʉla waamula hu nshɨnshɨ, ahamʼʉʉzya huje, “Ɨshi awe ʉyandile huzyaganye shɨ hwanziwa atʉʉshe mu wumwɨnɨ wa Ngʉlʉbhɨ.” Ahwande ɨpo, saga ahabha ʉmuntu nka weeka wa hasheela humʼʉzɨɨlɨzye nantele ʉYeesu ɨzya hunʼjele.
ɄKilisiti mwana wa naanu?
(Mataayo 22:41-46; Luuka 20:41-44)
35 ɄYeesu lwa hubhamanyizya abhantu mu lubhaga lwɨ nyumba ɨmfinjile ɨya Ngʉlʉbhɨ, ahabhabhʉʉzya huje, “Abhamanyizyi abhɨ ndajizyo zya Moose bhahabhonesyaga yeenu lwa bhahayangaga huje, ʉKilisiti mwana wa mwɨnɨ ʉDaudi? 36 ɄDaudi yʉʉyo lwa longozewa nʉ Mʼpepo ʉMʼfinjile, ahayanjile ahajile,
‘ɄYehoobha ahamʼʉzɨɨzye ʉMwɨnɨ waanɨ,† ʉMwɨnɨ waanɨ Ɨpa ɨbhonesya ʉKilisiti ʉYeesu. ahaga,
afishile ɨmbapinye abhalʉgʉ bhaaho
bhabhɨɨhwe pansi pa manama gaaho.” ’ Bhaazya ɨNsalifyo (Zaburi) 110:1.
37 Ɨshi ʉDaudi yʉʉyo ahunʼtiniha ʉKilisiti huje, yʉ Mwɨnɨ waakwe. Ɨshi ʉKilisiti saga agabha mwana waakwe lwene, lyoli yʉ Mwɨnɨ waakwe nantele.” Ɨmpʉga ɨngoosi ɨya bhantu yahali ɨhunʼtejeelezya ʉYeesu hu nseho.
ɄYeesu asunda abhe maaso na bhamanyizyi abhɨ ndajizyo zya Moose
(Mataayo 23:1-36; Luuka 20:45-47)
38 Mu manyizyo zyakwe ɨzyamwabho ʉYeesu ahabhamanyizyaga huje, “Mubhanje maaso na bhamanyizyi abhɨ ndajizyo zya Moose. Abheene bhasʉngwa ajende mwi dala sha bhakwɨte amagolole gaabho amatali agɨ nshɨnshɨ, na sʉngwe huje, abhantu bhabhalamuhaje mu lembuka hu nshɨnshɨ! 39 Mwope mu nyumba ɨzya puutile na manyiilile bhasʉngwa akhale mu matengo aga pilongolela. Hwope nkashele bhabhaanile mu chaaka ɨya lye ɨshalye, bhasʉngwa akhale pa bhakhɨɨye abhajenu abhɨ nshɨnshɨ. 40 Bhahubhafyʉla abhafwɨle ɨvyʉma vyabho. Nantele, bhahwʉbha hwi dala ɨlya bhonesye huje, bhantu bhagolosu hwa puute ɨmpuuto ɨntali. Pi siku ɨlya longwe, ʉNgʉlʉbhɨ ahaihubhafunda ʉlufundo ʉlugoosi haani.”
Ʉmʼfwɨle wa fumizye shinza ɨnsangu
(Luuka 21:1-4)
41 ɄYeesu ahabhala akhale pa pɨɨpɨ nɨ shɨlɨɨlo ɨsha fumizye ɨnsangu mu lubhaga lwɨ nyumba ɨmfinjile ɨya Ngʉlʉbhɨ. Ahenyaaga abhantu abhinji sha bhafumya ɨnsangu mu shɨlɨɨlo muula. Abhatabhazi abhinji bhahafumyaga ɨmpɨɨya zinyinji mu shɨlɨɨlo. 42 Ahɨnza ʉnʼshɨ ʉmo ʉmʼfwɨle ʉmʼpɨɨna, wope ahafumya ɨmpɨɨya ʉtusenti tubhɨɨlɨ lwene. 43 ɄYeesu lwa waalola ɨzyo, ahabhakwizya abhasundwe bhaakwe, ahabhabhʉʉzya ahaga, “Lyoli ɨhubhabhʉʉzya huje, ʉnʼshɨ ʉyo ʉmʼfwɨle ʉmʼpɨɨna afumiizye ɨmpɨɨya ɨnyinji ashɨle bhonti zya bhafumiizye. 44 Ɨnjanjile ɨsho, pɨpo abhantu abhanjɨ bhonti bhafumiizye ɨzya pamwanya mu winji wɨ tabhazi waabho. Leelo, ʉnʼshɨ ʉnʉ hwope sha mʼpɨɨna mansi, afumiizye vyonti vya vyahasʉngaga ʉwʉʉmi waakwe.”
*12:1 Ɨzabiibu zilɨngɨɨne na mantongooni.
†12:1 Ɨshidunku ɨshitali shahali shiwulunga sha bhahazenjɨɨye amawe, ʉtali waakwe wahali nyaayo 4.5, ʉwaazi wahali nyaayo 2. Pamwanya pahalɨngɨɨne, pahali nɨ sheegu sha bhahatimiiye isole. Ʉnʼɨndɨɨlɨli ahakhalaga pa nzundila atandɨɨle abhiibha, ɨhanu nɨ nyonyi.
‡12:1 ahapasya Apasye hwa Bhayahuudi saga hulɨngaana na pasye hwa Bhasafwa. Abheene nkashele ʉmuntu apasiizye ʉnʼgʉnda, abhalimi ɨbho bhahagabhanaga nʉ mwanɨ nʼgʉnda ɨviyabho vya bhahalimile afume mu nʼgʉnda guula.
§12:10 ABhayahuudi bhahazenjelaga ɨnyumba, iwe lya lyahanyʉmʉlaga ɨnyumba yonti huje, iwe ɨlinza ɨlya panshɨnjɨ. Iwe lyɨlyo lyahali ligoosi lya lyahakhomanyaaga ɨmbʉmba zibhɨɨlɨ.
12:11 Bhaazya ɨNsalifyo (Zaburi) 118:22-23.
*12:14 Kayisali lyahali litaawa lya mwɨnɨ ʉnʼgoosi wa Bhaluumi. Ahatabhaalaga ɨnsi nyinji hwi dala lyɨ wukoloni. Ʉmwɨnɨ ʉHeloode ʉAntipa ahasaluliilwe nʉ Kayisali alongozye. Bhaazya izwi Kayisali hu Ɨngalulanyo yɨ mazwi amajenu hu wandilo wɨ shitaabu ɨshi.
†12:14 ABhafalisaayo bhahasɨɨbhaga huje, bhanʼtejile ʉYeesu. Nkashele wayanga huje, shinza asombe isonko hwa mwɨnɨ nʼgoosi ʉKayisali, abhala bhe akhaanana nɨ ndajizyo zya Bhayahuudi zya zikhaana abhantu asombe isonko hwa bhalʉgʉ. Lyɨlyo lyɨnzaga hubhabhɨɨshe aBhayahuudi abhinji bhaleshe humʼɨnjɨɨlɨzye. Nanshi wayanga huje, shibhiibhi asombe isonko, abhantu abha mwɨnɨ ʉHeloode ʉAntipa, ɨshipʉga sha shihwɨtɨɨhana nɨ ndajizyo zya Bhaluumi, bhɨnzaga humʼʉʉzye ʉnʼgoosi wa Bhaluumi huje, anʼkʉnje ʉYeesu mu hoobhe.
‡12:18 ABhasadukaayo bhahali shipʉga sha bhantu abha mu nsi ɨya hu Izilaeeli, bha bhahakhatiliiye ɨndajizyo zya Moose zya zyahali mu nsimbo. Abheene saga bhahazikhataga ɨmanyizyo zya bhagoosi abhɨ mandɨ. Nantele, saga bhahɨtɨhaga huje, huhwɨli azyʉshe hwa bhafwe. Bhaazya izwi Bhasadukaayo hu Ɨngalulanyo yɨ mazwi amajenu hu wandilo wɨ shitaabu ɨshi.
12:19 Bhaazya ɨNyiizuho (Kumbukumbu la Torati) 25:5-10.
§12:26 Bhaazya izwi Abulahaamu hu Ɨngalulanyo yɨ mazwi amajenu hu wandilo wɨ shitaabu ɨshi.
12:26 Bhaazya aFume (Kutoka) 3:6.
12:30 Bhaazya ɨNyiizuho (Kumbukumbu la Torati) 6:4-5.
12:31 Bhaazya ɨMbombo Zya Bhalaawi (Mambo ya Walawi) 19:18.
*12:33 Bhaazya izwi Nsangu hu Ɨngalulanyo yɨ mazwi amajenu hu wandilo wɨ shitaabu ɨshi.
†12:36 ʉMwɨnɨ waanɨ Ɨpa ɨbhonesya ʉKilisiti ʉYeesu.
‡12:36 Khala peeka naanɨ ƗShiyunaani shiyiga, Khala hu bhazu ʉlwɨ nyoobhe yaanɨ ɨndɨɨlo. Hwa Bhayahuudi akhale hu nyoobhe ɨndɨɨlo, hwa huje ɨbhonesya ɨnshɨnshɨ ni khone lyɨ longozi.
12:36 Bhaazya ɨNsalifyo (Zaburi) 110:1.