1 ɄYeesu lwa fuma mu lubhaga lwɨ nyumba ɨmfinjile ɨya Ngʉlʉbhɨ peeka na bhasundwe bhaakwe, ʉnʼsundwe waakwe ʉmo ʉhwu asonta ɨnyumba ɨmfinjile ɨyo, ahamʼʉʉzya ahaga, “We, mʼmanyizyi! Geenye amawe amagoosi ɨga na mayumba amagoosi ɨga sha gaswijizya!”

2 ɄYeesu ahaamula ahaga, “Ʉgaswiga amayumba amagoosi ɨga? Gonti ɨgo gahaibhugulwa, saga lyahaisyala iwe nka limo pamwanya pi we ɨlyamwabho!”

3 Bhahabhala hwi Gamba Mizeyituuni. ɄYeesu lwa hakhɨɨye pi gamba ɨlyo, ahenyiizye amaaso ambali hu nyumba ɨmfinjile ɨya Ngʉlʉbhɨ. ɄPeeteli, ʉYaakobo, ʉYoohani nʉ Anduleeya bhahamʼʉzɨɨlɨzya panshɨnjɨ lwa bhahali bheene, bhahaga, 4 “Tihulaabha ʉtibhʉʉzye, ɨgo gʉ yanga gahaifumila ndi? Nantele, shimanyishizyo bhʉlɨ sha shahaibhonesya huje, ɨgo gapalamiiye afumile?”

5 Ɨpo ʉYeesu ahanda hubhabhʉʉzye huje, “Mubhe maaso huje, mugandi akhopelwe! 6 Abhantu abhinji bhahaiyɨnza hwi taawa lyanɨ na yanje ilenga, bhahaiga, ‘Anɨ nɨ Kilisiti,’ bhahaihubhakhopela abhantu abhinji. 7 Namwɨ lwa mwazyʉmvwa ɨnongwa nɨ nkwepelo ɨzyɨ lʉgʉ, mugandi asaaje lwonti. Ɨzyo zihwanziwa afumile lyoli, leelo ʉmalishilo wahaibha wusɨɨle.* ʉmalishilo wahaibha wusɨɨle Ɨnsimbo ɨzi zibhajiiye huje, malishilo wɨ nsi awe malishilo wɨ habhaazyo ha Bhayahuudi, nɨ nyumba ɨmfinjile ya Ngʉlʉbhɨ ɨya Bhayahuudi. 8 Ɨnsi yeeka yahailwa nɨ nsi ɨyamwabho, ʉwumwɨnɨ weeka wahailwa nʉ wumwɨnɨ ʉwamwabho. Hwahaibha na matensya agɨ nsi ɨpa na paala, ɨnzala yope yahaigwa. Ɨgo gahaibha wandilo lwene wɨ mayɨmba, nanshi sha bhawa ʉnʼshɨ wa hwanda apaape.

9 Leelo amwɨ, mubhe maaso haani, abhantu bhahaihubhatwala mu makoloti na hubhakhome habhiibhi mu nyumba ɨzya puutile na manyiilile. Bhahaihubhatwala hwa bhagoosi bhɨ nsi na hwa bhamwɨnɨ huje, mulongwe, pɨpo munambɨlɨɨye anɨ. Ɨho hahaibha habhaazyo aha simishizye ɨNongwa ɨNyinza hwa bheene. 10 ƗNongwa ɨNyinza ɨzya huliinɨ zihwanziwa alʉmbɨɨlɨlwe nasʉʉti hwa bhantu abhɨ nsi zyonti. 11 Abhantu ɨbho lwa bhahaihubhadendemula na hubhatwale mu makoloti na hubhalonje zimo, mugandi asɨɨbhe zya mubhala yanje. Muhayangaje ziila ʉNgʉlʉbhɨ zya haihubhapeela ahabhaazyo hahaala. Saga mwɨmwɨ lwene mwahaiyanga, lyoli ʉMʼpepo ʉMʼfinjile wa li muuhati yeenyu ya haihubhaavwa ayanje.

12 Ʉholo ahaihunʼneneelezya na hunʼsambushile ʉholo waakwe huje, bhanʼgoje. Abhapaafi bhahaihubhaneneelezya na hubhasambushile abhaana bhaabho, bhope abhaana bhahaihubhaneneelezya abhapaafi bhaabho huje, bhabhagoje. 13 Abhantu bhonti bhahaihubhaviitilwa amwɨ, pɨpo muhumbɨnjɨɨlɨzya anɨ. Leelo, ʉla wa haijimba afishe hu malishilo, ʉyo wa haifyʉlwa.”

14 Ʉmuntu ʉya bhaazya ɨnsimbo ɨzi, azyaganyaaje huje, hwa huje bhʉlɨ. ɄYeesu ahonjela ayanje, “Ahabhaazyo hamo mwahaihunʼola ʉnʼanzi wa leeta ʉwaavu Bhaazya Daniyeeli 9:27; 11:31; 12:11. † ʉnʼanzi wa leeta ʉwaavu Abhamanyiihanyi abhanjɨ abhi Bhangili bhayiga, ʉwunanzi wa wuleeta ʉwaavu. ayɨmɨlɨɨye mu nyumba ɨmfinjile, pa saga ahwanziwa abhe. Ɨpo abhantu bha bhali pa Yudeeya, bhahashɨmbɨlɨlaje mu magamba! 15 Ʉmuntu wa li pamwanya pa nyumba, Enya ɨholanyo yɨ nyumba ya Bhayahuudi mu Maalʉko 2:4. asahasheele ahwishe pansi na tʉʉshe mu nyumba, ahweje ahantu hohonti, lyoli ahashɨmbɨlaje! 16 Ʉmuntu wa yagɨɨte hu nʼgʉnda, asahasheele aweele hu khaaya, asahabhale ahweje ʉmwenda gwakwe, lyoli ahashɨmbɨlaje! 17 Leelo, bhasheelile abhashɨ bhaala, bha bhahaibha pa mwamu na bha bhahaibha bhahwonsya abhaana mu nsiku ɨzyo! 18 Puutaji huje, ɨnsiku ɨzyo zigandi afumile mu nsiku zi sasa. 19 Ɨnsiku ɨzyo zyahaibha zyɨ mayɨmba amagoosi ga saga gafumiiye nalumo, afume hu wandilo ʉNgʉlʉbhɨ lwa hapelaga ɨnsi, afishe mu habhaazyo ɨho. Nantele, saga gahaifumila nantele nalumo amayɨmba nanshi ɨgo. 20 Nantele, nkashele ʉYehoobha saga ayʉnzyaga ɨnsiku ɨzyo huje, zibhe nyishe, saga ahwɨnzaga bhe ʉmuntu nʉʉmo ʉwa fyʉlwe. Leelo, ʉNgʉlʉbhɨ ayʉnzɨɨzye ɨnsiku ɨzyo, hu nongwa ya bhantu bhaala bha bhasaluuye huje, bhabhe bha mwene yʉʉyo.

21 Mu habhaazyo ɨho, nkashele ʉmuntu ayiga, ‘Enya, ʉKilisiti ali ɨpa!’ awe ʉmo ayiga, ‘Enya, ali huula!’ mugandi ahumwɨtɨshɨle lwonti. 22 Bhahaifumila abhakuwi abhi lenga na bhantu bha bhahaihwikwizya huje, ‘Anɨ nɨ Kilisiti!’ Bhahaibhonesya ɨvimanyishizyo na mayele huje, bhalɨnje hubhateezye na bhaala bha bhasaluliilwe nʉ Ngʉlʉbhɨ. 23 Ɨshi amwɨ, mubhe maaso! Anɨ naatala nasʉʉti hubhasunde zyonti ɨzyo sha zisɨɨle afumile.

24-25 Leelo, mu nsiku ziila, amayɨmba gaala lwa gaashɨla, ɨvintu vyonti ɨvya hu mwanya vyahaiyinga. Isanya lyahaikhoma ahiisi, ʉmwezi gwope saga gwahailama lwonti. Bhaazya Yesaaya 13:10. Ɨntondwe zyope zyahailagala pansi afume hu mwanya. Bhaazya Yesaaya 34:4.

26 Ɨpo abhantu bhonti bhahaindola anɨ nɨ Mwana Wa Muntu ɨhwɨnza mu mabhɨngo hwi khone ɨlinji nʉ mwamu. Bhaazya Daniyeeli 7:13; ɨNyʉʉbhʉlo (Ufunuo) 1:7. 27 Pɨɨpo nahaihubhasonteelezya abhantumi bhaanɨ huje, bhabhabhʉngaanye bha bhasaluliilwe naanɨ afume ɨmbali zinɨ ɨzyɨ nsi, afume hu wandilo wɨ nsi, afishe hu malishilo waakwe.

28 Mumanyilaje ɨholanyo ɨyi kwi ɨlyɨ makʉ. Nkashele mwalola ɨnsamba zyakwe nka zyadugula na lembe, mumanya lwene huje, ahabhaazyo aha yabhile hapalamiiye. 29 Ɨshi, lwa muhuzilola ɨzyo zyatala abhombeshe, manyaji huje, ahabhaazyo haanɨ aha hwɨnze‡ ahabhaazyo haanɨ aha hwɨnze Abhamanyiihanyi abhanjɨ abhi Bhangili bhayiga, ahabhaazyo ɨho halata ɨnsiku ɨzya bhugulwe ɨnyumba ɨmfinjile ɨya Ngʉlʉbhɨ. hapalamiiye. 30 Lyoli ɨhubhabhʉʉzya huje, ahabhaazyo ɨha saga hahaishɨla, sha zisɨɨle abhombeshe ɨzyo zyonti. 31 Ɨnsi nɨ vintu vyonti ɨvya hu mwanya vyahaishɨla, leelo amazwi gaanɨ saga gahaishɨla nka lumo.

32 Leelo, hu nongwa yi siku awe ahabhaazyo aha weele hwanɨ, nʉʉmo ʉmuntu wa mɨɨnye huje, zyahaibha ndi. Bhope abhantumi abha hu mwanya awe anɨ nɨ Mwana, tenti saga tizimɨɨnye lwonti. Lyoli ʉDaada ʉNgʉlʉbhɨ ali mwene wa mɨɨnye zyonti ɨzyo. 33 Mubhe maaso! Hwilɨnganyaaji, pɨpo saga mumɨɨnye huje, ahabhaazyo ɨho hahaifiha ndi.

34 Ɨholanyo ɨya weele hwanɨ ɨlɨngaana nʉ muntu wa sogola pa khaaya, ashʉʉla. Ahabhaleshɨɨye abhakalwe bhaakwe huje, bhasʉngaje ɨkhaaya. Ahabhagabhiiye shila muntu ɨmbombo yaakwe ɨya bhombe. Wope ʉnʼɨndɨɨlɨli ʉwa pa lyango ahunʼajizya huje, abhanje maaso ahwenye ɨkhaaya.”

35 ɄYeesu lwa waamala hubhabhʉʉzye ɨsho, ahonjela ahaga, “Mubhe maaso, pɨpo saga mumɨɨnye huje, anɨ nɨ mwanɨ nyumba nahaiweela ndi. Saga mumɨɨnye huje, lumo nahaiweela lyabheela, awe nʉsiku paahati, awe lwa huhwanda ashe ɨhanda lwa zikuga, awe shandaabhɨ. 36 Mubhe maaso huje, hwope nkashele ɨngundushizye ahwɨnze, ɨnsahabhaaje mugonile ʉtulo. 37 Ɨli lyɨ hubhabhʉʉzya amwɨ, ɨhubhabhʉʉzya abhantu bhonti huje, bhabhanje maaso.”