1 Hwahali nʉ muntu ʉmo, itaawa lyakwe ahali yʉ Boohasi. Ʉmuntu ʉyo ahali holo wa Elemeeleki, ʉnʼume wa Naʉmi. Ahali nʼtabhazi, nantele ahamanyiishe. 2 Isiku limo, ʉLuti ahamʼʉʉzya ʉNaʉmi huje, “Ndeshe ɨmbale hu magʉnda asalaale ɨnsalaala. Ɨmbajiiye humwaje ʉmuntu ya bhala hundeshele ɨnsalaale mwisinda lyakwe.” ɄNaʉmi ahaga, “Bhalaga mwana waanɨ.”

3 ɄLuti ahabhala hu magʉnda, alongozanye na bha bhavuna ɨngongiiwe, na salaale mwisinda lyabho. Shɨɨsho ahega ali mu nʼgʉnda ʉgwa Boohasi ʉla ʉholo wa Elemeeleki. 4 Lwa bhahakhala hashe, enya! ɄBoohasi ahafiha hu magʉnda afume hu Beseleheemu. Ahabhalamuha abhabhomba mbombo ahaga, “ɄYehoobha abhatʉʉlaje,” bhope bhahaamula bhahaga, “ɄYehoobha asayaje.” 5 ɄBoohasi ahamʼʉzɨɨlɨzya ʉya hɨmɨlɨlaga abhabhomba mbombo abhamwabho huje, “Ʉnʼɨndu ʉnʉ mwalɨ wa naanu?” 6 Ʉla ya bhɨmɨlɨɨye abhamwabho avune ɨngongiiwe ahaga, “Ya yʉʉla ʉnʼɨndu ʉMʼmoabu ʉya hɨnzɨle peeka nʉ Naʉmi afume hu nsi ɨya hu Moabu. 7 Wope andaabhile huje, ‘Ɨnsalaalaje mwisinda mwa bhavuna.’ Wope alɨndɨle abhomba pɨɨpa afume shampwi, atʉzɨɨzye hashe lwene mu sheegu.”

8 ɄBoohasi ahamʼʉʉzya ʉLuti huje, “Mwana waanɨ, tejeelezya. Awe ʉgandi abhale asalaale mu magʉnda aganjɨ, nantele ʉgandi asogole ɨpa. Ɨleelo, ʉbhe pɨnɨɨpa nɨɨbha abhabhomba mbombo bhaanɨ abhalɨndu. 9 Ʉyenyaaje mwa bhavuna, mubhanje mwenti. Ɨmbalajiziizye bhaala abhasahaala huje, bhagandi huyanzye. Nka wʉʉmwa amɨnzɨ ʉbhalaje amwele aga mu nsonta, amɨnzɨ ga bhatɨɨpe abhabhomba mbombo.”

10 Ɨpo ʉLuti ahasugamila na wundame pansi, ahaswiga haani na humʼʉzɨɨlɨzye ʉBoohasi huje, “Yeenu wanɨtɨshɨla hu mwoyo gwaho na wantengaanya nɨ muntu nɨ ndi nʼʉgʉ?” 11 Wope ʉBoohasi ahamwamula huje, “Bhambʉzɨɨzye zyonti zya wahamʼombɨɨye ʉbhɨnyuvyala, afume pa fwiye ʉnʼume waaho na shʉ habhaleshile ʉso nʉ bhɨɨnyu nɨ nsi yaaho ɨya wahapapwilwe. Wahabhabhalila abhantu bha saga ʉbhamɨɨnye afume halɨ. 12 ɄYehoobha, ʉNgʉlʉbhɨ ʉwa hu nsi ɨya hu Izilaeeli, ʉhwu hʉ yɨnzɨle ashɨmbɨɨlɨle ahʉʉbhe mu lubhaga lwakwe, asayaje hu minza gaaho gʉ bhomba, nantele apeele ɨnyinza zyonti.” 13 ɄLuti ahaga, “We mwɨnɨ waanɨ, waabha wɨ nkʉmbʉ tee huliinɨ. Saga ʉgayanga huje, saga ɨndi mʼomba mbombo waaho. Awe ʉgwɨzyɨzye ʉmwoyo gwanɨ haani, ʉnsʉngwɨzye pɨpo ʉyanjile naanɨ hu nkʉmbʉ.”

14 Lwa bhahwanda alye, ʉBoohasi ahamʼʉʉzya ʉLuti, “Sejeela ɨpa, ʉlye ɨmpaya na tobheezye mu divaayi.” * divaayi Ɨjuyisi ya bhakhamɨɨte afume mu mantongooni gɨ zabiibu. ɄLuti ahakhala peeka na bhabhomba mbombo, ʉBoohasi ahamʼpeela nɨ mpwagu zya bhazinjile. ɄLuti ahalya sha hwanza na sagazye. 15 Wope ʉLuti ahɨmɨɨlɨla abhale asalaale ɨnsalaala. Ʉyo ʉBoohasi ahabhalajizya abhabhomba mbombo bhaakwe huje, “Leshi asebhelezyaje weene munshɨnjɨ mu vilʉndo, nantele mugandi hunʼdaamile. 16 Nantele, mwefwezyaji hashe mu vilʉndo na huleshe asebhaje, nantele mugandi hunʼkhaane.”

17 Shɨɨsho, ʉLuti sha hajendeelela asalaale ɨnsalaala. Afishe shalyabheela ahapʉʉla ɨnsalaala ɨla, ahashaaga ɨshiseje shimo nʉ twɨnjɨ tudoodo. 18 Ahahwitwɨha na bhale hu khaaya. Ɨpo ahanʼanga ʉnyinavyala waakwe ɨviyabho vya salaalile, ahazibhɨɨha pa pazelu ɨmpwagu zya zyahasyalile, ahamʼpeela. 19 Ʉnyinavyala waakwe ahamʼʉzɨɨlɨzya huje, “Ɨleelo ʉsalaliile hwi? Ʉsalaliile hu nʼgʉnda gwa naanu? Asayiwaaje ya tengɨɨnye.” Wope ahamʼʉʉzya ʉnyinavyala huje, “Asanyʉʉnʉ (ɨleelo), ɨnsalaliile hwa muntu ʉla wa bhayiga yʉ Boohasi.” 20 Wope ʉNaʉmi ahamʼʉʉzya ʉkhamwana waakwe huje, “ɄYehoobha wa saga ayileshile ɨmpyana yaakwe nʉ kʉndwa waakwe hwa bhʉʉmi na bhafwe† bhʉʉmi na bhafwe ɄNaʉmi ayanjile ɨsho alɨngaane huje, ʉYehoobha ahabhapiiye ʉBoohasi huje, abhasʉngaje na hwendeelezye ɨshʉʉma ni taawa lyɨ shikholo. asayaje ʉBoohasi.” Ahajendeelela ayanje huje, “Ʉmuntu ʉyo holo weetu, ɨholo saga zya patali. Alɨngaane nɨɨsho, ʉBoohasi na bhaholo abhanjɨ bhɨɨbho bhahwanziwa hutisʉnje.”

21 Wope ʉLuti ʉMʼmoabu ahayanga huje, “Nantele, ambʉzɨɨzye huje, ‘Ʉbhanje pɨnɨɨpa na bhabhomba mbombo bhaanɨ na lwa bhaamala avune ɨviyabho vyanɨ vyonti.’ ” 22 Wope ʉNaʉmi ahamʼʉʉzya ʉkhamwana ʉLuti, “Mwana waanɨ, shinza alongozanye na bhabhomba mbombo bhaakwe abhalɨndu. Abhantu bhasahwaje mu magʉnda aga bhanjɨ, bhanda huyanzye.” 23 Afume ɨpo, ahanda alongozanye na bhabhomba mbombo abhalɨndu abha Boohasi asalaale ahabhaazyo honti, na lwa bhaamala avune ɨngongiiwe nɨ ngano. Ɨnsiku ɨzyo zyonti, ʉLuti ahakhalaga hwa nyinavyala waakwe.