3
ɄLuti ahunʼaabha ʉBoohasi huje, anʼsʉngaje
Isiku limo, ʉNaʉmi ahamʼʉʉzya ʉkhamwana waakwe ʉLuti huje, “Mwana waanɨ, hwahali shinza huje, ɨhwanzile ʉwa husʉnje, nawe ʉtengaane pa khaaya yaaho. Nanshi sha nahabhʉzɨɨzye ʉtagaalila, ʉBoohasi wa wahalongozanyaaga na bhabhomba mbombo bhaakwe abhalɨndu, holo weetu wa mu pɨɨpɨ. Enya, ʉsanyʉʉnʉ shalyabheela abhala gulusye ɨngongiiwe pa lubhʉngʉlʉ. Ɨshi awe, bhalaga ʉyooje, ʉpotole nɨ mbono zya zinunshila shinza, ʉkwate na menda gaaho aminza, ʉbhale pa lubhʉngʉlʉ paala. Lyoli ʉgandi huleshe amanye huje, ʉli paala. Ʉleshe nasʉʉti waamala alye na mwele. Ʉbhale ʉyeenye na simishizye shinza pa bhala gone. Luula lwa wagoneela ʉtulo, ʉbhale ʉkwinkule hu manama gaakwe* akwinkule hu manama gaakwe ɄLuti ahalaabhaga huje, ʉBoohasi anʼgaale. ʉgone huhuula. Ɨpo leelo, abhala hubhʉʉzye ɨlya bhombe.” ɄLuti ahaamula huje, “Ɨnʉmvwɨzye. Ɨmbala bhombe zyonti zya wambʉʉzya.”
Lyoli ahabhala pa lubhʉngʉlʉ paala, ahabhomba shishiila ʉnyinavyala waakwe sha hamʼʉzɨɨzye. ɄBoohasi lwa waamala alye na mwele, ahasha. Ahabhala papaala pa lʉndɨle ɨngongiiwe, ahagona. Pamandɨ hashe, ʉLuti ahabhala ahakwinkula hu manama gaakwe, ahagona panshɨnjɨ. Lwa hwafiha pasiku paahati, ʉBoohasi ahagunduha. Lwa galuuhana, ahega ʉnʼɨndu agonile panshɨnjɨ pa manama gaakwe. Ahagunduuhana, “We! We naanu awe!” ɄLuti ahaamula huje, “Anɨ nɨ Luti, mwɨnɨ waanɨ. Awe ʉli holo waanɨ wa mu pɨɨpɨ. Ɨhulaabha huje, ʉnsʉngaje.”
10 ɄBoohasi ahaga, “Mwana waanɨ, ʉYehoobha asaye, huli zyonti zyʉ bhombile. Ʉsunde waaho ʉwɨɨshi mu shikholo sheetu wushɨlɨle ʉwa hu wandilo, wa wahamʼombɨɨye ʉNaʉmi. Saga wahasaluuye abhasahaala abhatabhazi na bhapɨɨna huje, bha bhagahwega. ɄBoohasi ahanʼsalifya ʉLuti hu nongwa ya hɨɨtɨha agaalwe nʉ muntu ʉnʼgoosi ʉwa khondɨɨye agaale mu miiho gɨ shikholo. 11 Ɨshi, ʉgandi asaaje lwonti mwana waanɨ. Ɨmbala hubhombele lyolyonti lyʉ hwanza, hu nongwa ya bhantu bhonti pi booma ɨpa, bhamɨɨnye huje, ʉli nɨ njendo ɨnyinza. 12 Lyoli, anɨ ɨndi holo waaho ʉwa mu pɨɨpɨ. Leelo, alɨɨho ʉnʼume ʉwɨnjɨ wa li holo waaho wa mu pɨɨpɨ haani hunshɨle anɨ. 13 Ɨshi awe, ʉdɨɨle pɨɨpa ʉsiku ʉwu wonti, ɨndaabhɨ lwa hwasha, ɨhaiyeenya ʉnʼume ʉla nkashele (nkushele, ngushele, nkuleshe, nka) ahaiyɨɨtɨha hugaale. Nkashele ahaiyɨɨtɨha, yahaibha shinza. Nkashele ahaikhaana, naalapa, nanshi ʉYehoobha ʉmwʉmi ɨhaihugaala. Ɨshi awe, ʉdamulile pɨɨpa.”
14-15 Wope ʉLuti ahagona panshɨnjɨ pa manama ga Boohasi, ahadaamula nashampwi. ɄBoohasi ahamʼʉʉzya huje, “Efwa ɨnsushe yaaho ʉyaale pansi.” ɄLuti ahaala. ɄBoohasi ahamʼpeela ɨngongiiwe ya yahasyalile hashe ameme ɨviseje vibhɨɨlɨ. Nantele, ʉBoohasi ahamʼʉʉzya huje, “Saga ɨhwanza ʉmuntu nʉʉmo amanye huje, awe wʉ mʼfwɨle ʉdɨɨlɨle pa lubhʉngʉlʉ ɨpa.” ɄBoohasi ahanʼtwɨha ʉLuti. ɄLuti ahasogola lwa nʉʉmo ʉmuntu ʉwɨnjɨ wa ganola, ahaweela hu khaaya.
16 ɄLuti lwa waafiha pa khaaya, ʉnyinavyala ahamʼʉzɨɨlɨzya huje, “Mwana waanɨ, zyahali bhʉlɨ bhʉlɨ ʉhwo hwa wahali?” Ahamʼʉʉzya ʉnyinavyala zyonti ziila ʉBoohasi zya hamombɨɨye. 17 ɄLuti ahonjela huje, “ɄBoohasi ambʉzɨɨzye ajile, ‘Saga ʉbhajiiye agalushe makhoono hwa bhɨnyuvyala.’ Sha shɨɨsho ɨshi ampiiye ɨngongiiwe ɨnɨ, ya yahasyalile hashe ameme ɨviseje vibhɨɨlɨ.” 18 ɄNaʉmi ahaga, “Ɨshi awe mwana waanɨ, ʉjimbe, ʉyeenye sha zinza bhe. Ʉmuntu ʉnʉ abhala malɨɨzɨzye zyonti sanyʉʉnʉ, saga abhala pʉʉme lwene.”

*3:4 akwinkule hu manama gaakwe ɄLuti ahalaabhaga huje, ʉBoohasi anʼgaale.

3:10 ɄBoohasi ahanʼsalifya ʉLuti hu nongwa ya hɨɨtɨha agaalwe nʉ muntu ʉnʼgoosi ʉwa khondɨɨye agaale mu miiho gɨ shikholo.