1 Na anye mɛa kamadhiny na aliyɛ ko Tumu na eterisan na ogol na kutusɔ zugo kumulɔng na kɛayɔ.2 Na goore ogolo Tumu na zuga ku komortɛn ko gulsachina bany na kaliyɛy ba chɛɛ. Na agge kumulɔng kabaka ba chɛɛ na kemese zinggoa hinno Tumu sɔng.3 Na hunde a ngangaye, alɔga chɔɔ hinno Komoruya na ibayseyi, na achalli gore.4 Nɔng Tumu hin bhɛa senno kabayɛ zugu bhoy na kataktɛ lɔga ku dhere,5 Nɔng Tumua kudhere a dhɔnɛ sɔng, na na kedho lɔgɔ bhɛa Tumu ko bhɛa zugony a Yesus kirisos sɔng,6 Tumu nɔng anna dhɔlagiyɔ ngalɔkta bɛrgua nɛnɛ kumulɔng.7 Na a bhee bere koanye bɛrananyi Tumu na kete hira koyogi lɔga kamanaa challa ko hira kamadhi zugoye. Na nɔng bere kamadhi lɔga ku dhere, butomo ngani kaliyo. Na alɔkte bere kitonogɛany zuga Tumu ngani kɛyɛbtao na kete hira kamadhɛsɛni yɔk lɔga lɔga ku dhere ko ga yɛbhauny.8 Na anye keni zuga maya hande ɛlɛye kumulɔng ga kɔdhɔyɔ ngalɔkta dɛmneyta nɛye ko ngaya ɛkɛnyanɛnɛ kɛngɔye na kɔdhɔngɔ sɛna ridhing ningginɛna na kogolo Tumu.9 Na keni ngagiya ngase kobhee malugɛ worginyaa oo ruminyaa bo gawu dhandala oo ko bhee mesɛ chɔrɛ na bhadhɛ minyakminyak any kusɛ liya na kamalugu aha choo ganena ko rɛhi anda malukɛa zuga gayɛa bho.10 Na yɔk zuga ngaha gee kesea senɛ keterisano Tumuye, any kemesigi rehiya ge chɛɛ aha challa na karta gene.11 Na nɔng nganda ngasse kolea keterisanɛa Tumu any kishirare laay na kishirar lɔga yokonno gulsaa doraa Tumu sɔng.12 Bhea nganda ngasse keni kamadhe zugo oo kɔtɔlɔmɛ gulsamo bhɛa naa maya ninggɛ.13 Nɔng bere sabbɔ kɛbhɛlana Adam, na wurtɔ dhoono Hiwani.14 Na chɔɔ bere itabha mɛnɛngiyɔ Adam ngayo, nɔng inde bere kitab na lɔ ridhingge a Hiwan.15 Na nɔng hunde kɔtɔlɔmɔ yɛbha ko yela na kɛbhɛgɛ rɛhiya ridhingɔ chɛɛ, anda ale basɛ ngaye hudhuginɛnɛye.