1 Na nɔng kuloya Tumu dhugunono dib na sɛ nganga, "Ale zuktɛ mushugi ngaoynyaya wurtuneye, dhɔtɛ lɔga yɛbhɛa Tumu, na ibhanɛ lɔga kuljha gɛrsa ko ga mɛnɛnguny na tabhɛ zugo.” 2 Na ngatimirtita madhungɛye kumulɔng a butomo. Na yɔk hunde chɔɔ sabiya gɛ dhitinɛ madhɛ zugo lɔga gɛrsaye, imagɛyɔ.3 Na ngazukta ku ngangayɛ ngidhɛ zugo gama ko amisɛ bhɛa ahaya bere messono Tumu. Na nɔng ngaahaya bere messono Tumu na ke kɛyɛbhɛ ngazukta na kataktɛ hunde ngalɔkta bhɛlanɛ amisɛkumulɔng a dhereye, keterisandɛ nɔng.4 Yɔk ngaahaya bhɛlana Tumuye kumulɔng a challi. Na hunde ngakamri na keterisa Tumu na kusigiyɛ, bhɛɛ kujugi ninggɛ. 5 Nɔng ngamisɛya bhɛa lɔga Tumu hunde kogolde a tuhinɛ. 6 Na hunde madho zugo ngalɔktaye, ngangaye anno zuga kacho Yesus kirisos chɛɛ. Na ale anno chɔɔ ga dhugunɛsɛno zugo lɔga ngayɛbhaya nayoye ko ngalɔkta koyokogung na eginɛnɛoye. 7 Na bhɛa lɔga bany ko bhɛa kaliya tɛroa nyagassa ko lɔga Tumu ngadhiyɛayo bhɛk rɛna, na inye tii dhagɛɛ rɛ bhɛa seni tɛhɛyɛ ko Tumu.8-9 Yɔk naglɔkta senɛ, "Na lɔga mesɛy isorti na iriyɛy rɛa nunu, ɛaniyɛ lɔkte mushugi, na nɔng bhɛa kɛdhɛmisiyɛa bhɛa keterisanɛa Tumu, ɛaniyɛ lɔga ngakalda ko gee ale hony kingiye.” kumulɔng agga ku dhere, na maya chɔɔ zugo kumulɔng gayɛa. 10 Nɔng agge zugo bhee kamaginɛnɛ ko zingo na kɔmɔdhɛye ko ngaya kɛmɛnyɛsɛn dhɔɔgoni na kee kɔjɔyay aha genaye, angaya kerɛɛ Tumua iho tunɔ bere ibayseyiiye. 11 Na yɔk ngalɔkta zugo kumulɔng madhɛsayɔ, na yogɛsɛ na kemesigi sɛgɛn, 12 ke ngaya ngani annɛ hira lumi ayukte ngaajɛ kona kushureynyɔ, na nɔng te na yeli gena, te na mezii chɛɛ, te na yɛbhɨ Tumu, te na lɔke kumulɔng ihi hurr na dhɔlɛsɛni zuga yɛbhɛa Tumu gɔrɔ. 13 Na ko bhee kugunɛ, mɛdha goore na toyɛsɛ zugo lɔga Tumu, na yogɛsɛ na madhe chɛɛ.14 Na lɔga bere kudhugunoginyi huna tadhɛynyɛa gulsachina dora Tumu sɛnɔ na keno ale bhuknyɛsɛnɛyɔ, ngakidhinyakiny sabba. 15 Tungɛsɛ ngalɔkta, na ɛsɛ chɛɛ na bhugɛsɛyɔ, na hunde mesu ngangaye, anyde zugo orinyɛ hunde ani hira mɛnyɛsɛni zinggoye. 16 Na bhɛk rɛ bhee bhagiye ko lɔkte madhinɛnɛye. Na me tii, na hunde masuye, ale kɔ na ɛan rɛanunu ko zukte chikenyɛye.