Wema xe wɛ nyi owegɔ xena Yesu we ɛmɛ dindɔn Pɔlu wlan ɖodan Timɔte. Timɔte la bo nyi ɛmɛ ɖokpo le ɛmɛ xeye ni nɔ wa odan kpo Pɔlu ye mɛ (Odan 16:1-3; 18:5). Hwemɛnu, Pɔlu le ogankpamɛ le Hlɔma (1:17), bo le vivɛsise mɛ taŋu, hadwe etɔn susu bo ɖe okɔ le e wu (2:9), e bo lo tɛkpɔ oku etɔn we ganmɛ nɔ (4:6). Le wema xe mɛ, e lɔ oxo susu bo do do akpakpa lanmɛ na Timɔte xeni nyi ovyɛ le xɔse mɛ. Le kpɔndewu mɛ, e ni-i okplangbe ganji do afɔ xeye na Mawu we odanwatɔ na ɖe le ogan xixo nyanylaye mɛ wu, bo lɔ oxo sɔn odan xena Mawu we oxo la nɔ wa wu. E bo mɔ lɔ lena ye na zan Mawu we oxo la, a do lɔ oxo na ɛmɛ xeye ni lo bu nɔ ye ɖo, mɔ bɔ do e wu, e mɔ lɔ oxo do onukplan-ɛmɛtɔ ojokantɔye wu (2:16-18). Le kleŋu mɛ, wema xena Pɔlu wlan xe, lɔ lena odansɔvi na wa a do jɛŋu na Xwetɔ la le odan wiwa etɔn mɛ.