Wema tantyantɔn xena Pɔlu wlan ɖodan
Timɔte
Oxotaɖiɖe
Pɔlu wlan wema owe ɖodan Timɔte, bo wlan ɖokpo ɖodan Titu can. Wema atɔn mɛye lɔ oxo do lena ye na kplɔ agun ɖo wu.
Pɔlu wlan wema xe ɖodan Timɔte le hwexenu na Timɔte lo kplɔ agun nɔ le Efɛzu we toxo mɛ (1:3). Timɔte la bo nyi ɛmɛ xeye ni wa odan kpo-e ye we ɖokpo, e bo kplɔ Pɔlu do le omɔji yiyi etɔnye susu mɛ (Odan 16:1-3; 18:5). Wema xe la lɔ oxo sɔn lena ye na kplɔ agun ɖo wu, bo mɔ lɔ oxo do ninɔmɛ xeye na agunkplɔtɔ ɖo na ɖo ye wu, bo xo okpa na Timɔte do onukplan-ɛmɛtɔ xeye ni nɔ hɛn ɛmɛye bu le xɔse we omɔ ji ye wu. E mɔ lɔ na Timɔte tun ni boo tɛ do xɔse we onukpinkplan xeni sɔgbe la wu, a bo wa odan xena Mawu sɔ do asi ni-i la nywɛɖe, a bo do ɖe xlɛ tun e bo nyi agunkplɔtɔ nywɛ. Pɔlu mɔ yi e ji, bo lɔ oxo do walɔ xeye na ŋusungloye kpodo nyɔnusiye ɖo na zan le agun mɛ wu kpodo lena ye ɖo na kpe ŋukunsin do okposiye wu ɖo.
Lena wema la ma ɖo xɛn:
1:1-2. Pɔlu ɖe eɖe sɔ xlɛ bo do ogbe ɖodan Timɔte.
1:3-11. Pɔlu tun ye boo cɔ yeɖe do onukplan-ɛmɛtɔ nyanylaye wu.
1:12-20. E ɖe kunu do emyɔ ŋutɔ wu.
2:1-3:13. E lɔ oxo do ɛgbɛ xena agun la na zan wu.
3:14-4:5. E lɔ oxo do onukpinkplan xeye ni nyi ojoye wu.
4:6-6:19. E lɔ oxo do Mawu we odansɔvi wu.
6:20-6:21. E tu ota na wema la.