Mendadi, ki sinulat kini ni Pablo, piwitanen dun su nga pikumpungan nu nga sakup ni Kristu dig lunsud Efeso sampay dig lumibut benwa. Begudiin migbebenwa si Pablo diag lunsud Efeso labi duaˈ taun, puˈ migukit Gempia Petenday dia sampay piktuˈunanen su nga suminakup dini Kristu, adun megisegi kesalig nilan ditu Megbebayaˈ mukaˈ su sinuunan nilan mekatag dun. Dayun su saanan ni Pablo pinikutan dia syudad Roma, piwitanen dun su nga pikumpungan nu nga sakup diag benwa lumibut dig lunsud Efeso, adun mpengulikseganen ilan.

Naa, dini tinituluˈ ni Pablo su medalem kekpetuud ta dini Kristu, adun pegweliinen su metuud puˈ si Kristu, iin su Meglegawen di tibaˈan getaw. Iin dademai puun gupia nug launan bitang di gekleb langit buˈ lupaˈ. Piktuˈun dadema ni Pablo puˈ subay pegbetaden nu nga sakup ni Kristu sug bantang tu kesakup nilan diniin.

Duun pai mpia besaan mekatag di pikumpungan nu nga sakup ni Kristu diag Efeso, maitaˈ di sala libru dinig Begu Pasad, Ki nga Pinggulaula nu nga Peneligan ni Isukristu20.1--21.1.