5
Pigwekilan Sinulat ki Nati Karniru
1 Naa mendadi, diag lintu kemet nu megingkud di titengaˈ gingkudan gadiˈ kia, duuni minitaˈu linulun sinulat. Kig linulun kini, miktimpang sulatay. Su pitu lapis patalen, pideketan pitu kumpelig lunay, adun ndaˈi mekebembal dun. 2 Duun dademai minitaˈu sesuguˈen nu Megbebayaˈ getaw langit ginuungan gupia, miktegas iin sumaak, “Taˈ taway duni gembantang meksekat dig lunay kia, adun mbembalig linulun sinulat kini?” 3 Laak dagid di gekleb langit buˈ lupaˈ sampay ditug bayaˈ, pia sala tawan, ndaˈi mibaangan metau megbembal di sinulat kiin mukaˈ megbasa dun sia. 4 Kaliˈu mesuunay, mikengelawu gupia, puˈ ndaˈidun masiˈi mibaangan gembantang megbembal di sinulat mukaˈ megbasa dun. 5 Laak dagid, duuni sala tawan dia nga meglegulang kaunutan miktaluˈ dinaan, “Ndiˈa pengaduy, puˈ bentayay pa daan! Ki gilal limaung, su sapuˈ ni Juda, mukaˈ migdedengeg sapuˈ dadema ni David, dinaagen na tuˈu su nga kuntranen, kaas iinen na tuˈui mekesekat di pitu kumpelig lunay, mukaˈ mekegbembal di sinulat kiin.”+\fr 5:5 \ft Danu getaw Judea begudiin sug limaungi tenggiˈan di kaunutan meglepengi keguiten di samatawen.
6 Iin dayuni minitaˈu ki Nati Karniru, pegindeg dia titengaˈ nu gingkudan gadiˈ, pigalidungan nu paat buuk tetubuˈ biwat mukaˈ nu ngag duaˈ puluˈ buˈ paat meglegulang kaunutan. Ki Karniru kini, su palasen, maˈniin minayan na matay. Duuni pitu buuk sungagen, pitu buuk dademai matanen, saˈitada su pitu tawan sesuguˈen nu Megbebayaˈ megabang lelayun diniin sinuguˈ mangay tu tibuukan lumbang. 7 Mendadi, mikpesempel ki Karniru di gingkudan dia titengaˈ, mukaˈ inalapen sug linulun sinulat diag lintu kemet nu pegingkud dia. 8 Su saananen malap dun, su paat buuk tetubuˈ biwat mukaˈ sug duaˈ puluˈ buˈ paat tawan meglegulang kaunutan, mimenlaub ilan dia gedapanen. Miktukid ilan gayepan paingalan dun arpa mukaˈ yaˈung mipenuˈ pelinan, saˈitada su kenenabi nu nga piglegetawan nu Megbebayaˈ.+\fr 5:8 \ft Kig arpa, ginis gayepan duuni kurdasen sugiten nu megayep dun. 9 Lamug mimegbebat ilan begu bebat, laung nilan,
“Yaˈai gembantang malap dig linulun sinulat,
mukaˈ mekesekata di pitu kumpelig lunay pideket dun,
Puˈ pinataya, mukaˈ puun tu kepatay mu siluyan mu su Megbebayaˈ nga piglegetawanen.
Ki nga getaw likat mu, genat ilan dig launan bansa, dig launan pikebitan ilan, sakup ilan di tibaˈan benwa sampay lumaun nasud.
10 Pigbaal mu ilan sala keglekaunutan, launan nilan, belian mektamuy tu Megbebayaˈ pektemuyen ta,
mukaˈ meglekaunutan ilan ditug dibabaw lumbang.”
11 Naa, pigbentayan ku na puliˈ, mukaˈ midengegui nga sesuguˈen nu Megbebayaˈ getaw langit, ndiˈ ilan mbilang sabaˈ nu kelaunen, mabuˈ labi selaksaˈ piluˈ di selaksaˈ tawan ilan. Pemegindeg ilan dia pegalidung di gingkudan nu gadiˈ, mukaˈ di paat buuk tetubuˈ biwat sampay dig duaˈ puluˈ buˈ paat meglegulang kaunutan. 12 Memegbebat ilan meketikteg, laung nilan,
“Ki Nati Karniru kini pinatay,
gembantang meglekaunutan, medatuˈ, metelisebuten sampay ginuungan.
Gembantang dadema pegbesaan, megdedengeg sampay penalan.”
13 Naa, midengegu dayun su kelaun biwat dia gekbus langit, kampuˈ nu ngag bitang diag dibabaw lupaˈ, su ngag ditug bayaˈ, sampay su ngag bitang diag dagat, saˈitada su tibaˈan biwat di gekleb langit buˈ lupaˈ. Midengegu ilan memegbebat, maˈniniˈ,
“Ki pegingkud dia titengaˈ gingkudan, sampay ki Nati Karniru kini,
di ndaˈi gikteben enalen ilan mukaˈ pegbesaan ilan,
di ndaˈi tamanen megdedengeg ilan mukaˈ meglekaunutan ilan!”
14 Kaliˈ peksembag su paat buuk tetubuˈ biwat, “Amen!” Mimeglaub dayun su nga meglegulang kaunutan, mukaˈ pinginluˈudan nilan su pegingkud mukaˈ su Nati Karniru.