Shek Ish urfe Idum ḳandanor neta oḳol
36
1 Ou oilo Ish ba Idumor ḳandanor boean. 2 Ishe Kenani dui fuṛire bia ḳorsla. Era oila Hiṭṭi Elonor fuṛi Ada, ar Hibbi Zibionor natin, Onar fuṛi Oholibama. 3 Erar bade-o tain Ismailor fuṛi Nabautor boin Bashomotre bia ḳorsla. 4 Adar feṭo Ilifoz ar Bashomotor feṭo Ruelor zonom oisil, 5 ar Oholibamar feṭo Jiush, Zalom ar Kurohor zonom oisil. Ishor i fuaintor zonmo oisil Kenan desho.6 Bade Ishe tan bouain, fua-fuṛin, goror hoḳol manush ar foshur falain, Kenan desho ḳamai ḳora hoḳol don-doulot loia, tan bai Iakubor ges tone horia aroḳ desho gelagi. 7 Ish ar Iakubor foshur fal, mal-samana oto beshi asil zen, era ekḳano roite hi deshor i zagae ar kulailo na. 8 Teu Ish Seiror faṛi elaḳat gia boshot korla. Ein-u Idum.
9 Ou oilo Seiror faṛor Idumi oḳolor mul baf Ishor ḳandanor boean. 10 Ishor fuaintor nam oilo, Ilifoz ar Ruel. Ilifoz Adar fua, Ruel Bashomotor fua. 11 Ilifozor fuain oila, Toimon, Omar, Zofo, Gatam ar Ḳenaz. 12 Ishor fua Ilifozor Timna namor eḳ hangar bou asil, er goro Amaleḳor zonom oisil. Era hoḳole-u Ishor bou Adar aolad. 13 Ruelor fuain oila Nohot, Zarah, Shommo ar Mijja. Era Ishor bou Bashomotor aolad. 14 Zibionor natin, Onar fuṛi Oholibamar torofa Ishor fuain oila Jiush, Zalom ar Kuroh.
15 Ishor aolador maze era asla gusṭir neta. Ishor boṛo fua Ilifozor fuain oila Toimon, Omar, Zofo, Ḳenaz, 16 Kuroh, Gatam, ar Amaleḳ. Era oila Idum desho, Adar fua Ilifozor aolad. 17 Ishor fua Ruelor fuain zera gusṭir neta oisla, tara oila Nohot, Zarah, Shommo ar Mijja. Era oila Idum desho Ishor bou Bashomotor fua Ruelor aolad. 18 Ishor bou Oholibamar ze fuain gusṭir neta oisla, tara oila Jiush, Zalom ar Kuroh. Era asla Onar fuṛi Oholibamar aolad. 19 Era oila Ish ba Idumor ḳandan ar gusṭir neta.
20 Honor Hurio Seiror fuaintor nam oilo Luṭon, Shubol, Zibion, Ona, 21 Dishun, Etshor ar Dishan. Era hoḳole Idum desho Seiror fuain, Hurio ḳandanor neta asla. 22 Luṭonor fuar nam oilo Huri ar Hemam, ar bonir nam Timna. 23 Shubolor fuaintor nam oilo Olobon, Manohot, Ibal, Shofo ar Onom. 24 Zibionor fuaintor nam oilo Oa ar Ona. Ou Ona-u tan baba Zibionor gada raḳat gia, morubumir maze gorom fanir eḳ jorna tukaia faila. 25 Onar fuar nam Dishun ar fuṛir nam Oholibama. 26 Dishunor fuaintor nam oilo Himdon, Ishbon, Zitron ar Ḳoran. 27 Etshoror fuaintor nam oilo Bilhon, Zaoan ar Aḳon. 28 Dishunor fuaintor nam oilo Auz ar Oran. 29 Hurio oḳolor neta oila Luṭon, Shubol, Zibion, Ona, 30 Dishun, Etshor ar Dishan. Era oila Seir deshor Hurio gusṭir neta.
31 Boni Israilor maze bashshai hukumot aibar age, Idum desho era-u raza asla. 32 Bauror fua Bela Idumor raza oila. Tan razdanir nam asil Dinhaba. 33 Bela morar bade, tan zagat Boshra ṭaunor Zarahor fua Zubob raza oila. 34 Zubob morar bade Toimon deshor Hushom honor raza oila. 35 Hushom morar bade tan zagat Bododor fua Hodod raza oila. Tain zuddo ḳori Muab deshor Madiani oḳolre araila. Tan razdanir nam oilo Obit. 36 Hodod morar bade Moshreḳa ṭaunor Samla honor raza oila. 37 Samla morar bade honor Furat gangor faror Rohobot ṭaunor Shoul raza oila. 38 Shoul morar bade tan zagat Akbaror fua Baal-Hanon raza oila. 39 Akbaror fua Baal-Hanon morar bade tan zagat Hodor raza oila. Tan razdanir nam asil Pau, ar tan bour nam asil Moheṭabel. Ein Moṭredor fuṛi ar Mezahabor natin.