¹ एना मुळे मी पौल जो तुमी बिगर यहुदी साठे ख्रिस्त येशू ना बांधायेल शे| ² कदि तुमनी देव नि त्या कृपा नि सुविधा नि सुवार्ता आयकेल शे, जी तुमना साठे माले देवामा उणी | ³ म्हणजे हय, कि तो भेद तुमना वर प्रकाश व्दारे प्रगट हुयना, जस मी पहिले वरे लिखी टाकेल शे | ⁴ जेले तुमिई वाचीसन समजू सकश्यात, कि मी ख्रिस्त ना त्या गोष्टी कोठलगून समजाळस | ⁵ ज्या जास्त टाईम मा मानसस्नि पोरस्ले अस नई सांगामा एयेल होत, जस कि आत्मा व्दारे आते तेना पवित्र प्रेषित आणि भविष्यवक्तास्वर प्रगट करा मा एयेल शे | ⁶ म्हणजे हय, कि ख्रिस्त येशू मा सुवार्ता व्दारे बिगर यहुदी लोक मिरास मा भागी, आणि एकच शरीर ना आणि शेप्पत ना भागी शेतस | ⁷ आणि इमी देव ना कृपा ना त्या दान प्रमाणे, जो सामर्थ ना प्रभाव कन मले देवामा उना, ती सुवार्ता ना सेवक बनना | ⁸ मना वर त्या सर्वा पवित्र लोकस मधून धाकलास्तून बी धाकला शे, हय कृपा हुईनी, कि मी बिगर यहुदी ले ख्रिस्त ना अगम्य धन ना सुवार्ता आयकाळू | ⁹ आणि सगळास वर हय गोष्ट प्रकाशित करू, कि त्या गोष्ट नि सुविधा शे, जो सृष्टीकरता देव मा सुरुवात पासून गुप्त होती| ¹⁰ एनासाठे कि सगळ्या मंडळ्यास व्दारे, देव ना नई नई प्रकार ना न्यान, त्या अधिकारीस्वर आणि प्रधानस्वर, ज्या स्वर्गीय जागा मा शे प्रगट करा मा येवो| ¹¹ त्या सनातन ईच्छा प्रमाणे, जी तेनी आमना प्रभू ख्रिस्त येशू मा करेल होती | ¹² जेनी आमले तेना वर विश्वास ठेवावरून हियाव आणि विश्वास कन जोळे येवाना अधिकार शे | ¹³ एनासाठे मी विनंती करस कि जो क्लेश तुमना साठे मले हुईरायनात, तेसणा मुळे हियाव नका सोळा, कारण कि तेसणा मा तुमनि महिमा शे | ¹⁴ मी ह्याच मुळे त्या बाप समोर गुळघा टेकस ¹⁵ जेना कण स्वर्ग आणि पृथ्वी वर, हर एक कुत्टुंब ना नाव ठेवामा येस | ¹⁶ कि तो आपली महिमा ना धन प्रमाणे तुमले हवू दान देवो, कि तुमी तेना आत्मा कण आपला मधमा मनुष्यत्व मा सामर्थ लिसन शक्तीशाली होत जा || ¹⁷ आणि विश्वास व्दारे ख्रिस्त तुमना हृदय मा बसो कि तुमी प्रेम मा मूय धरीसन आणि निव टाकीसन | ¹⁸ सगळ्या पवित्र लोकस संगे चांगल्या प्रकारे समजानी शक्ती लीलेवो; कि तेनी रुंदी आणि लांबी उंची आणि खोलता कितली शे| ¹⁹ आणि ख्रिस्त ना त्या प्रेम ले समजी सकोत जो न्यान पासून दूर शे, कि तुमी देव नि पुरी भरपुरी लगून परिपूर्ण हुईजावा || ²⁰ आते जो असा सामर्थ शे, कि आमनी विनंती आणि समज पासून जास्त काम करी सकस, त्या सामर्थ प्रमाणे जो आमना मा कार्य करस, ²¹ मंडळीस्मा, आणि ख्रिस्त येशू मा, तेनी महिमा पिळीन पिळी लगुन युगयुग होत राहो| आमेन||