5
1 Umuteekedzi umuvinaa aaikoomolwa ukuhuma mu vaanu. Umuteekedzi umuvina iipeelwa amalimo ukwimila pa vaanu pa miiho ga Nguluvi, ukuta avateekelele uwusembe ni nambika wiimila wa kuhedza indzanangifu dzaawo. 2 Uyo, akuvawonela lusungu avaanu avo aviigina ukulima indzanangifu kitadzeela nu kuyaga, pakuva nave ali nu wulemwa uwa kulima indzanangifu. 3 Wiimila wa ulo, iisakulwa ukuteekela uwusembe wiimila wa kuhedza indzanangifu dzaakwe yumwene, ngita kye iiteekela uwusembe wiimila wa kuhedza indzanangifu dza vaanu avangi.b 4 Kangi sikwali umuunu ye akwitemya mwene ukuvedza muteekedzi muvina. Nda haamu, uNguluvi ye mwene ye akumukemeela, ngita kye amukemeeliye uAloni.c5 Ndeeni, nayu Kilisiti asiiyinuwe mwene ukuvedza Muteekedzi Muvina, nda haamu, uNguluvi ye mwene ye amukemeeliye, akumulongelaga iitigilaga,
“Uveeve uli Muswamu-vangu,
ineengʼuli ndívedzile Daado.”d
6 Kangi lúlongiilwe apangi mu Wusimbe uWiimike ukutigila,
“Uveeve uli muteekedzi mbeepali na mbeepali,
ngita kye aali uMelekisediki.”ef
7 UYesu umusika pe aali pe naanyi apa, aalapangiye nu kugongoola pa kwinusa ilidzwi nu kuvemba pa miiho ga Nguluvi uMunya Ngufu dza kumupoka mu fuwa.g UNguluvi amupuliike, pakuva uYesu amwidiike mu lwiyiso. 8 Nde luvedze aali Muswamuve va Nguluvi, aapumwiswe. Iiwulaniidze ukuvedza mwidisi kwa Nguluvi wugendela wa mumuko dze aanukiye.h 9 Wiimila wa mumuko idzo, iivedzaga mukwilifu kangi kiwumbuko kya wupoki wa mbeepali ku vaanu vonda avakumwidika. 10 Lwe lwene uNguluvi amutemiidze ukuvedza Muteekedzi uMuvina ngita kye aali uMelekisediki.
Ukukula mu lufuuwo
11 Tuli ni mola ndzoloofu idza kuvawulanidza wiimila wa Yesu ukuvedza Muteekedzi uMuvina, neke kangi lutalamu ukuvalongela, pakuva musiipifukila ukuyifika imola ngita iyo. 12 Umusika ugu, unyeenye mwisakulwa ukuvawulanidza avangi ilidzwi lya Nguluvi. Napo kangi lwisakulwa umuunu avawulanidze kangi unyeenye, ukuta mupiluke mu mbulanidzo imeefu dze mwiwulaniidze pa wutalilo uwa kumufuuwa uYesu. Lwe lwene unyeenye mwisakulwa ukunyuwa amadziva ga fyali, si kuliya ikyakuliya ikya vaanu avavina! 13 Umuunu ye iihuuvila amadziva ago, asidzooviye ukudzidzeela inofu ni mbiifu, pakuva uyo aave kyali. 14 Nda haamu, avaanu aviiliya ikyakuliya, ve veene ávakangiye mu lufuuwo, pakuva vádzooviye ukuganula inofu ni mbiifu.