Ihaate iyi yaasimbiilwe nu mutume Yohana. Akwitambudza ngita muvaha va lukombeso kitatambula ilitaawa lyakwe. Uyo ye musimbi va Mola iNofu ya Yesu Kilisiti, kangi ihaate iya kutala ni ya kavili iyiitambulwa mu litaawa lyakwe, pamwinga nu Luvilatulo lwa Yesu Kilisiti. Ihaate iyi yaasimbiilwe ngita umwaka gwa makyumi ligondza (90), ukuhuma pe iiholwa uYesu Kilisiti.

Umusika ugo, kwali na vafuuwa wuli avaagendaga inyumba ni nyumba viidalika iMola iNofu. Avaanu avo vaahuuvilaga uwusandzi wa vafuuwa avangi pa kuvaanukila nu kuvatanga ifya kuponela. Uwugulume wa Yohana waali wa kumukangadza uGayo na vafuuwa vayagwe mu malimo aga, nu kumulagidza ulwa migendele gya vaanu vavili, uDyotelefe nu Demetilyo, ukuta uGayo aginage ukwikala mu ndakyene.