Yoob 25

Biilidaadi nín sòon̄ tiŋyee: Unil sá ba Unimbɔti nimbiin

1 Niinee ní usuwaja Biilidaadi bí Yoob yii:

2 Unimbɔti sá Mpɔŋkɔdaan ní ki cáá tifaandi,

úǹ di yàntī ŋgbansɔŋfi bí áli yilpu.

3 Ŋma di ŋūǹ kí kàaǹ ajanjakiti ŋin u cááyee?

Ŋma pu ní u-walifiŋu kaa ŋmíntí ní?

4 Mana ní unil ŋūǹ kí nīn bí deedee Unimbɔti nimbiin?

Mana ní nisaal ŋūǹ kí nīn bí circir?

5 Uŋmal nín ŋmíntí puee kaa wāĺ Unimbɔti nimbiin,

ní iŋmalbijaa kaa bí circir u-nimbiin.

6 Kin ti làá sòoǹ unil un bí kii ujiliŋkpaam nee pu yii ba,

nisaal un sá kii kinaŋgbammaŋ nee!