Kun Unimbɔti bàlifī tí ŋée
15
1 Daafiidi di ŋmàn̄ nlan nee.Ti-Dindaan, ŋma di ŋūǹ kí kàl̄ a-circir kɔŋkooŋŋun?
Ŋma di ŋūǹ kí nīn kóò Siiyɔn, a-circir jool pu?
2 Ní ti-Dindaan kíí yii:
«Asee unil un còom̄ disaŋkimmɔntiil,
ki ŋáań tin ŋān̄,
ki sòoǹ u-pɔbil poon baamɔŋyi,
3 kaa kúŋfí u-jutiibi boon,
kaa ŋáań u-bɔɔ tikpitil,
ní kaa sìí u-nabikee.
4 Waa dū bin kaa fáatiǹ Unimbɔtee ki yíiń tiba,
ama u tìì bin tɔ́ ti-Dindaanee jilma.
U yaa pōoǹ kí ŋá tibee, waa kpántí,
báà dipoondi gbanti yaa làá kɔ́ǹ-u digìńdin.
5 U yaa pīnnì ubɔ animbilee,
waa kā ki cí udaan ń dāá téeǹ-u kí páań.
Waa fòol̄ tiwampɔkaal kí sòoǹ kí kpɔ̀ maanyiiba bɔti.
«Binib bin bí mimmee kpá kí lítí.»