Ilan 16

Fookii nì dimákal

1 Daafiidi di ŋmàn̄ nlan nee.

Wúń m-pu Unimbɔti,

di sá yii sii ní m sáǹ ki kɔ́.

2 M bíi tùkù m-Dindaan yii:

«Sii di sá man Dindaan.»

Tiwammɔntiil tin kɔkɔ m cááyee nyánní a-cee ní.

3 Deedeedambi bin bí Isirayeel tiŋkinee,

bíǹ di sá bikpaambi tiŋman,

ní bi-bɔti mɔ̄ǹ-mi tikpil.

4 Ama bin bìǹ ki nyàab̀ awaa jòońdee,

bi nyàab̀ agìń ní ki kútí bi-ba pu.

Man kaa làá dū fatiku kí fá awaa gbanti,

m kpá kí pútí ŋi-yiŋŋi gba.

5 Ti-Dindaan, sii di sá m-fakal^a,

sii di tìì-mi tin kɔkɔ lóò-mee,

m-foolbooŋwu kā a-ŋaan ní.

6 A nín ŋmāntì pu ki tīī-mee fáatì-mi,

tiŋman dijandi din a tīī-mee ŋān̄ tikpil.

7 M nyɔ́ŋkí ti-Dindaan un di sáŋkí-mee,

kunyeeuee, m-landɔkɔjaatiŋu kpáafí-mi.

8 M-nimbikpeeŋu pée cɔ́ ti-Dindaan pu ní,

kun puee u bí m-ŋaŋgiiliŋu pú

ní tiba kaa ŋūǹ kí cìŋkì-mi.

9 An pu ní m-pɔbil pīiǹ ní m fàal̀,

m bí ŋgbansɔŋfin.

10 Di sá yii aa làá dū-mi kí fá ŋkúm ń yòon̄-maaa,

kaa làá tí yàntī man, a-deedee tɔntɔnliu ń kɔ́ ditaŋkpiilin^b.

11 Sii di dàkà-mi dimaŋfal sàmbiki,

m yaa bí a-nimbiinee, m-pɔbil sɔ̀m̀ ní.

A yaa bí ki kɔ́ĺ-mee, m cáá mmɔn ŋun kaa kúntée ní^c.