Ilan 23

Ti-Dindaan di kpàá-mi

1 Daafiidi di ŋmàn̄ nlan nee.

Ti-Dindaan di kpàá-mi,

an pu ní báà tiba kaa lóotí-mi.

2 U yàntī m dɔ̀ kumɔsɔŋu pu,

ní ki cáǹ-mi mbun ŋun poon nnyim sɔ̀m̀ fílfilee^a.

3 U pɔ̀ntī m-pɔŋŋu,

u kpòotī-mi ki tàkantí nsan ŋun tèen̄ee poon,

u-yindi pu ní u ŋáań míǹ.

4 Báà m yaa còom̄ ŋkúm tantakal poonaaa,

maa fàŋkí tiba, kun puee, sii ti-Dindaan bí m-cee.

Ndɔ ŋun a cáa kpàá-mee di kpòotī-mi,

ní a-kpandɔŋu tíkí-mi.

5 M-nannanliibi nimbiin ní a ŋáań-mi tican.

A yàantí m-yil pu talaalu kí ŋá-mi aatúuù^b,

ní kí gbéeǹ m-yunyɔkaaku án gbí púm.

6 M nyí yii a-ŋanti nì a-neendi

làá nīn pée bí m-cee ní

m-maŋfal wiiŋyi kɔkɔ poon,

ní ḿ nīn kóò sii, ti-Dindaan diikun

kí nīn cá jaanjaan.