Unimbɔti sá ubɔtikpaan
24
1 Daafiidi di ŋmàn̄ nlan nee.Ti-Dindaan di yì kitiŋ nì tin kɔkɔ bí ki-puee,
úǹ di tí yì duulinya nì binib bin bí u-neea.
2 Di sá yii úǹ di náań kitiŋ ki tɔ́kɔǹ tiŋkub pu,
ní ki ŋúb́-kì gbīŋgbim inyiŋfi pu.
3 - Ŋma di cáá nsan kí jɔ̄m̀ ti-Dindaan jool pu ní?
Ŋma di cáá nsan kí kɔ́ u-circir diikun?
4 - See un kaa cáá u-ŋalii ki tūǹ atuŋkpiti,
kaa dàkafī ilandɔkɔkpiti u-pɔbilinb,
kaa dù u-ba kí líí nì awaa,
ní kaa pùtī kí mɔ̄ntì u-jutee.
5 Ti-Dindaan làá bìin̄ udaan boon.
Unimbɔti u-fiiliu di làá lēē u-mɔ́ɔŋŋu.
6 Binib bin nyàab̀ ti-Dindaan
ki nóó Jaakɔb Nimbɔtiuee nín bí puee dee.
7 Mpunyɔmu, pìitī kí wàam̄maan!
Cannaaku punuubi, pìitī kí wàam̄maan
tinyool bɔtiu ń kɔ́nní!
8 - Ŋma di sá tinyool bɔtiu ní?
An sá ti-Dindaan upɔɔl nì ubaatandaan,
ti-Dindaan ujanjakpil.
9 Mpunyɔmu, pìitī kí wàam̄maan!
Cannaaku punuubi, pìitī kí wàam̄maan
tinyool bɔtiu ń kɔ́nní!
10 - Ŋma di sá tinyool bɔtiu ní?
- Bijanjaliibi Dindaan,
úǹ di sá tinyool bɔtiu.