Anibul kɔkɔ nyeeŋu di sá Siiyɔn tiŋki
87
1 Koora dicaŋkun yab di ŋmàn̄ nlan nee. Nlan.Ti-Dindaan máń Siiyɔn tiŋki
ki tɔ́kɔǹ circir jooŋŋi pu.
2 U néeń-kì ki jítiǹ
Isirayeel timmu mun kíǹee kɔkɔ.
3 Unimbɔti tiŋki,
tinyool bɔti ŋma ní u sòoǹ a-pu.
4 M yaa làá kàaǹ anibul ŋin nyí-mee,
kpèè Eejipiti nì Babiloon yab,
Fiiliistii nì Tiir nì Eetiiyoopii nib kútì poon.
Niin ní bi màl̄-bi.
5 Ama bi làá dāá sòoǹ Siiyɔn pu yii:
«Bi màl̄ unil kamaa niin ní,
Yilpu fɔ́ŋŋŋ Nimbɔtiu di tīī-kì mpɔn.»
6 Ti-Dindaan làá dāá kàaǹ anibul kɔkɔ,
kí ŋmà yii: «Bi màl̄ ŋmɔŋŋmɔkɔ Siiyɔn tiŋkin.»
7 Bilaŋgaaliibi nì biŋɔliibi lì yii:
«M-nyeeŋŋu kɔkɔ bí a-ni ní.»