Ti-Dindaan sá ubɔti
93
1 Ti-Dindaan sá ubɔti.U dū tikpaandi ki pēeǹ kii dibɔkutilee,
ní ki dū mpɔn ki gbìn̄ kii dambalee.
An pu ní duulinya bá ki pɔ̄ɔ̄, kaa cìŋkī.
2 Doooo cannaaku ní a-beel bí ki bá ki pɔ̄ɔ̄,
doooo jaanjaan ní a bí.
3 Ti-Dindaan, amɔɔ bíi yíkí yilpu,
amɔɔ yāntì bi gbìl̄ ŋi-nyɔkɔ pu,
amɔɔ bíi gà kuwoou.
4 A pɔ̄ɔ̄ ki jítiǹ nnyiŋkpaam wooku
nì tiŋku nyiŋgbanti tin ŋān̄ee pu,
sii ti-Dindaan un bí yilpuee di ŋān̄.
5 A-bɔkpaaŋi baasii sá ibaamɔn ní,
ti-Dindaan, a-diiku máaǹ kí nīn sá circir diiku,
kí nīn cáa cá jaanjaan.