Ilan 110

Ubɔti nì usaraaŋakpil

110

1 Daafiidi di ŋmàn̄ nlan nee.

Ti-Dindaan nín sòon̄ pu ki tùkū m-Dindaanee sèé:

«Dāá kàl̄ m-ŋaŋgiil pú

kí nīn cí ŋyunti ŋun m làá dū a-nannanliibi

kí bíĺ a-taaŋi taapu á tāāyee^a.»

2 Doooo Siiyɔn jool pu

ní ti-Dindaan wāaǹ a-beel pɔŋŋu!

Jī a-nannanliibi bin māntìi tú-see pu dibeel.

3 Anibul dòoń nì tininjati

ŋwiin ŋun a kóoǹ a-janjakitil ki kpáfèe.

Unimbɔti jool puee,

a-nipɔmbi dòoń a-cee,

kii dimalindi nín tòó pu ntaafaabɔmbɔmin puee ní.

4 Ti-Dindaan di pūtì ki pōoǹ,

u kpá kí kɔ́ntí u-nyɔkɔ yii:

«A sá usaraaŋakpil ní kí nīn cá talku,

kii Meelkiiseedeeki nín nìn sá puee^b.»

5 Ti-Dindaan bí a-ŋaŋgiil pú.

U-ŋuul wiiŋŋu dalee, u làá nà bibɔtiibi ní.

6 U làá sòoǹ atimbun bɔti,

ní anikpil ń nīn dɔ̄ an kɔkɔ fìlfil,

u làá nà bikpootiliibi kitiŋ kɔkɔ pu.

7 Ubɔti làá nyɔ̀ mbunni nyim nsanni,

míǹ boonee ní kí gántí u-yil.