Ilan 113

Laakin dimákal kpée, ti-Dindaan nāantí dimákal

113

1 Aleeluya, nyɔ̄ŋkìmaan ti-Dindaan!

Nimbi bin sá ti-Dindaan tɔntɔnliibee, nyɔ̄ŋkìmaan-u,

nyɔ̄ŋkìmaan ti-Dindaan yindi.

2 Tí jāam̀maan ti-Dindaan

kɔŋkɔnnee kí nīn cáa cá jaanjaan!

3 Kí yòon̄ ŋwìiń nyalaŋki pú

kí cáá sāā ŋwìiń jeetilaŋki púee,

bí nyɔ̄ŋkì ti-Dindaan yindi!

4 Ti-Dindaan di tɔ́kɔ́ atimbun kɔkɔ pu,

ní u-nyooti jítì kutagbɔŋu pu.

5 Ŋma di bí kii ti-Dindaan ti-Nimbɔtiu?

U bí doooo yilpu ki kā u-beejal pu,

6 ní ki kpèeń kutagbɔŋu nì kitiŋ.

7 U yòontí unandaan ntamin kí síiń,

u nyāntí ufalaadaan titampummool poon,

8 kí dū-u kí kàan̄ abɔtibil kansikin^a,

u-nibul bɔtibiliŋ kansikin.

9 U tìì unimpuŋmaŋŋmanti kucadii,

ní ú kpántí un bí mmɔnnee.

Aleeluya, nyɔ̄ŋkìmaan ti-Dindaan!