Ilan 114

Isirayeel yab nín nyáń Eejipiti tiŋkin puee

114

1 Ŋyunti ŋun Isirayeel yab nìn nyáń Eejipiti tiŋkinee^a,

ŋyunti ŋun ní Jaakɔb naantiibi

nìn nyáń binib bin sòoǹ isoon in bí ibee kansikinee,

2 Juuda tiŋki di nìn kpántì ti-Dindaan kɔŋkooŋŋu,

ní Isirayeel tiŋki kpántì u-beel.

3 Tiŋku wál̀-bi ní ki sáǹ,

Jɔɔdan buŋŋu nìn túlifì ki gítì ŋu-boon^b.

4 Ajoon nìn yūkufì kii ipijaayee,

ní ŋgbantamu yūkufì kii iŋɔjaayee.

5 Tiŋku, ba pu ní a sáǹ ní?

Jɔɔdan buŋŋu, ba pu ní a túlifì ki gítì a-boon?

6 Ajoon, ba pu ní ni yūkufì kii ipijaayee,

ní ŋgbantamu mun yūkufì kii iŋɔjaayee?

7 Kitiŋ, cìŋkì ti-Dindaan nimbiin,

Jaakɔb Nimbɔtiu nimbiin.

8 Úǹ di yāntì ditaŋkpal kpántì mbun

ki yāntì ditaŋkpal din pɔ̄ɔ̄yee kpántì dinyimbunimbil^c.