Ilan 120

Unil un bi bíi kɔ́kɔĺee wimmeem

120

1 Bi yaa cá Jeerusaleem kí jāam̀ Unimbɔtee ní bi gà-ŋu.

M-nimbinaamandi poonee,

m kúuǹ ki yíiń ti-Dindaan ní u kíí-mi.

2 «Ti-Dindaan, fīī-mi kí nyāntí binyimɔndambi

nì bikiililiibi ŋaan.»

3 Nimbi bikiililiibee,

ditafadaaldi dilal bulifi ní Unimbɔti làá tīī-ni ní?

4 - U làá dū kujaau piiŋyi,

nì Amɔsiŋkoon ŋin fòol̄ lìblibee ní kí dáaĺ ni-tafal^a.

5 Mbusu dɔ̄ ki cí-mi m nín kɔ́ Meeseeki tiŋkinee,

nì m nín kāl̀ Keedaar yab kansikinee^b.

6 M kāl̀ binib bin ná ŋgbansɔŋfee

kansikin ki yúntì tikpil.

7 M yaa bíi sòoǹ nì bi nì ŋgbansɔŋfee,

ní bíǹ là kujaau.