Ilan 121

Ŋma làá ŋmā kí jòoń-mi dee?

121

1 Bi yaa cá Jeerusaleem kí jāam̀ Unimbɔtee ní bi gà-ŋu.

M wáaǹ ki kpēē ajoon watil pú:

la ní m-jòońdi làá nyānní ní?

2 - M-jòońdi nyánní ti-Dindaan

un náań yilpu nì taapuee cee ní.

3 Waa làá yàntī a-taal ń ŋàtī,

un cí-see kaa gèeǹ ki yìntī!

4 Kpèè, un cí Isirayeelee

kaa dáb̀aaa, kaa gèeǹ mun.

5 Ti-Dindaan di sá un cí-see,

ti-Dindaan wúń a-pu. U bí a-tikindi.

6 Ŋwiimpuɔɔɔ, ŋwìiń kaa làá gbá-si,

kunyeeuaaa, uŋmal kaa làá ŋá-si tiba^a.

7 Ti-Dindaan làá nyāntí-si tibɔkpitil kamaa poon,

u làá nīn cí a-naŋki.

8 Ti-Dindaan làá nīn cí-si a-cùtam nì a-gítintam

kí yòon̄ kɔŋkɔnnee kí nīn cáa cá jaanjaan!