Mèèmaan Jeerusaleem ń ká ŋgbansɔŋfi
122
1 Daafiidi di ŋmàn̄ nlan nee. Bi yaa cá Jeerusaleem kí jāam̀ Unimbɔtee ní bi gà-ŋu.An mɔ́ɔkiǹ-mi ŋyunti ŋun bi bí-mi yii:
«Tí cùmaan ti-Dindaan diikunee.»
2 Jeerusaleem, ti bāań
ki yú a-punyɔmmu nyɔkɔpu!
3 Jeerusaleem tiŋki, bi máń-si tiŋan,
a-jaŋŋi kɔkɔ kpáfì ki ŋá ubaanti ki ŋān̄.
4 Niin ní Isirayeel naakɔti, ti-Dindaan naakɔti dòoń
ki nyɔ́ŋkí ti-Dindaana,
kii an nín sá dibɔkpaal pu Isirayeel tiŋkinee.
5 Di sá yii niin ní ibɔsoon beejaliŋ,
Daafiidi dicaŋku beejaliŋ bí.
6 Mèèmaan yii Jeerusaleem ń ká ŋgbansɔŋfi:
Jeerusaleem, bin néeń-see ń nīn bí dipɔɔsɔŋkilin!
7 Ŋgbansɔŋfi ń nīn bí a-guŋŋi poon,
dipɔɔsɔŋkil ń nīn bí ubɔti dicaŋku poon!
8 M-nabiyaamu nì m-bɔɔbi puee,
m mèé yii: «Ŋgbansɔŋfi ń nīn bí a-cee!»
9 Ti-Dindaan ti-Nimbɔtiu diiku puee,
m mèé yii án bútí-si.